Skessuhorn - 16.03.2016, Blaðsíða 2
MIÐVIKUDAGUR 16. MARS 20162
Pálmasunnudagur er um næstu helgi og
þá fer tími ferminga jafnframt í hönd. Víða
munu vestlensk ungmenni berjast við að
leggja trúarjátninguna á minnið. Skulum við
sýna þeim tillitssemi og skilning, flest geng-
um við í gegnum slíkt hið sama á sínum
tíma. Skessuhorni vikunnar fylgir sérstakt
fermingarblað þar sem rætt er við ferming-
arbörn og farið yfir sitthvað sem viðkemur
þessari athöfn.
Á fimmtudag og föstudag er útlit fyrir sunn-
an- og suðaustanátt, 3-10 m/s og léttskýj-
að en skýjað með köflum á Vesturlandi. Hiti
2-8 stig. Vestlæg átt, 5-13 m/s og rigning
eða súld á laugardag og sunnudag. Hægari
suðlæg átt og bjartviðri austan til á landinu.
Hiti 2-6 stig. Á mánudag spáir fremur hægri
vestan- og norðvestanátt. Skýjað með stöku
éljum nyrst á landinu en annars lítil úrkoma.
Milt á vestanverðu landinu en heldur sval-
ara austanlands.
Spurning vikunnar á vef Skessuhorns næstu
vikuna verður:
„Hvernig ferðast þú til vinnu
eða skóla á morgnana?“
Hraustir krakkar úr Grundaskóla gerðu sér
lítið fyrir og sigruðu Vesturlandsriðilinn í
Skólahreysti og munu keppa fyrir landshlut-
ann í úrslitunum í apríl. Þessi hreystimenni
eru Vestlendingar vikunnar.
Til minnis
Veðurhorfur
Spurning
vikunnar
Vestlendingur
vikunnar
Skessuhorn
degi fyrr í
næstu viku
VESTURLAND: Þar sem
dymbilvikan fer í hönd þarf
venju samkvæmt að flýta út-
gáfu Skessuhorns í næstu
viku um einn dag til að blað-
ið berist öllum fyrir páska.
Blaðið verður því prentað á
mánudagskvöldi og því dreift
á þriðjudegi og miðviku-
degi. Efni og auglýsingar til
birtingar í síðasta blaði fyrir
páska þarf að berast í síðasta
lagi fyrir hádegi mánudag-
inn 21. mars. Efni sendist á
skessuhorn@skessuhorn.is og
auglýsingar á lisbet@skessu-
horn.is.
-mm
Mikill áhugi
fyrir Íslandi
BERLÍN: Í liðinni viku fór
fram í Berlín stærsta ferða-
sýning í heimi, ITB. 23 ís-
lensk ferðaþjónustufyrirtæki
tóku þátt í sýningunni, en Ís-
landsstofa skipulagði ferðina.
Alls voru yfir 70 Íslending-
ar á svæðinu undir merkjum
Inspired by Iceland. Með-
al sýnenda á íslenska básnum
voru ferðaskrifstofur, hótel,
afþreyingarfyrirtæki og flug-
félag. Auk þess voru fulltrúar
frá markaðsstofum landshlut-
anna með á íslenska sýning-
arsvæðinu og veittu upplýs-
ingar. Sýningin er haldin ár-
lega og er ein sú stærsta sinn-
ar tegundar í heiminum en að
jafnaði heimsækja hana um
180.000 manns. Íslenska sýn-
ingarsvæðið á ITB var afar vel
sótt og vakti mikla eftirtekt.
Samhliða sýningunni er mik-
ið um fyrirlestra og fræðslu-
erindi um þróun og nýjungar
í ferðaþjónustu.
-mm
STYÐJUM
FRAMLEIÐSLU Á
VESTURLANDI
OPIÐ DAGLEGA
12-17
Ljómalind Sveitamarkaður, Brúartorgi 4, Borgarnesi.
Sími 437-1400. Netfang: ljomalind@ljomalind.is
Með lítilli auglýsingu
sem birtist í Morgun-
blaðinu um helgina
býður Stefán Þormar
Guðmundsson, fráfar-
andi eigandi Litlu kaffi-
stofunnar við Hellis-
heiði, til sölu flaggskip
íslenskrar knattspyrnu-
sögu. Um er að ræða
veglegt knattspyrnu-
minjasafn Stefáns sem
fram til þessa hefur ver-
ið til húsa í Litlu kaffi-
stofunni og verið hluti
af ímynd staðarins. Þetta
eru myndir, veifur, flögg
og sitthvað fleira. Stef-
án er líklega sá Íslend-
ingur sem flesta kíló-
metrana hefur lagt að
baki til þess að sýna ÍA liðinu í
fótbolta stuðning í leikjum þess.
Þótt sjálfur sé hann fæddur aust-
ur á Vík í Mýrdal fékk hann ung-
ur að árum mikinn áhuga á knatt-
spyrnumönnunum af Skaganum.
Safn hans í Litlu kaffistofunni er
býsna veglegt og skemmtilegt að
skoða, en nú er það falt. Aðspurð-
ur segir Stefán að ástæða þess að
safnið sé boðið til sölu þá að hann
hafi nú selt rekstur Litlu kaffi-
stofunnar. „Nýir eigendur munu
halda áfram að reka hér þjóðleg-
an og góðan veitingastað, en þeim
finnst safnið um knattspyrnusög-
una svo tengt mér persónulega að
þær vilja að ég láti það annað. Ég
virði þá skoðun þeirra heilshug-
ar. Ég vona að safnið fari í heilu
lagi til einhvers eða einhverra sem
hafa áhuga á því og ekki væri það
nú verra, fyndist mér, ef það yrði
á svæði Íþróttabandalags Akraness.
Ég veit að þetta safn hefur vakið
mikla athygli og það myndi örugg-
lega hjálpa til að efla ferðaþjón-
ustuna þar sem það lendir,“ sagði
Stefán í samtali við Skessuhorn.
Þeir sem hafa áhuga á að festa kaup
á safni Stefáns er bent á að síminn
hjá honum er 660-0677.
Meðfylgjandi mynd var tekin
árið 2010 þegar Vinir Akraness af-
hentu Stefáni Þormari viðurkenn-
ingu af sérstöku tagi; „Vinur Akra-
ness númer 1 árið 2010.“ Þar var
honum þakkaður stuðningur við
Akranesliðið í blíðu og stríðu um
áratugaskeið, allt frá barnæsku
hans í Vík. Á myndinni eru frá
vinstri: Guðjón Guðmundsson,
Pálmi Haraldsson, Einar Guð-
leifsson (aftast), Björn Ingi Finsen,
Stefán Þormar Guðmundsson,
Þröstur Stefánsson (aftast), Rík-
harður Jónsson, Matthías Hall-
grímsson (aftast), Haraldur Stur-
laugsson, Sturlaugur Sturlaugs-
son (aftast), Kristján Sveinsson,
Guðjón Finnbogason, Gísli Gísla-
son og Helgi Daníelsson lengst til
hægri. Ljósmyndina tók Friðþjóf-
ur Helgason. mm
Býður til sölu flaggskip knattspyrnusögunnar
Heilbrigðisstofnun Vesturlands er
ein heilbrigðisstofnana hér á landi
með jákvæðan höfuðstól af rekstri
undanfarinna fjögurra ára. Hann
nemur fjórum milljónum króna
samkvæmt nýútkominni skýrslu
Ríkisendurskoðunar þar sem bor-
inn er saman rekstur áranna 2012 til
2015. Uppsafnaður halli Heilbrigð-
isstofnunar Suðurlands var 391
milljón króna um áramót samkvæmt
skýrslunni. Rekstrarhalli stofnunar-
innar á síðasta ári var 42 milljónir,
en uppsafnaður halli árið 2012 var
222 milljónir. Næstmestur halli er
á Heilbrigðisstofnun Austurlands,
270 milljónir og hefur ríflega tvö-
faldast frá 2012. Halli á Heilbrigðis-
stofnun Vestfjarða er 140 milljónir,
Norðurlands 97 milljónir og Suður-
nesja 62 milljónir króna.
mm
Eina heilbrigðisstofnunin með
jákvæðan rekstur fjögurra ára