Skessuhorn - 16.03.2016, Blaðsíða 18

MIÐVIKUDAGUR 16. MARS 201618
Spurningin
„Hvað langar þig að fá í
fermingargjöf?“
(Spurt í Borgarfirði)
Einar Ágúst Helgason:
„Nýja fótboltaskó, fartölvu,
flott föt og bara peninga.“
Maríus Máni Sigurðarson:
„Ég myndi vilja góða bók,
tölvu og glænýjan fótbolta.“
Ragnheiður Kristín Þórðar-
dóttir:
„Loftrúm og plötuspilara.“
Harpa Rut Jónasdóttir:
„Canon myndavél.“
Hefð er fyrir því að gefa ung-
mennum fermingargjafir þegar
kemur að stóra deginum. Margt
kemur til greina, svo sem skraut og
skartgripir og ýmislegt sem teng-
ist áhugamáli barnsins. Undan-
farin ár hefur þó líklega verið vin-
sælast að gefa fermingarbarninu
peninga. En það má fara margar
fleiri leiðir þegar kemur að ferm-
ingargjöfum. Ein þeirra sem sí-
fellt verður vinsælli er að gefa svo-
kallaðar „Sannar gjafir“ frá UNI-
CEF. Um er að ræða óhefðbundn-
ar gjafir sem eru í formi hjálpar-
gagna sem bæta líf barna víða um
heim og vert að minna á þær í öllu
pakkaflóði ferminganna.
Gjafirnar eru raunverulegar og
gera fólki kleift að leggja fram
hjálparhönd á einfaldan og skil-
virkan hátt. Til að mynda er hægt
að kaupa vítamínbætt jarðhnetu-
mauk sem gerir kraftaverk fyr-
ir vannærð börn eða moskítónet
sem eru besta forvörnin gegn mal-
aríusmiti. Þá hafa námsgögn ver-
ið vinsælar gjafir meðal Íslendinga
en menntun er öflugasta vopnið
gegn fátækt og hungri og er lyk-
illinn að bjartari framtíð öllum til
heilla. Gjöfunum er dreift til barna
og fjölskyldna þeirra í samfélögum
þar sem þörfin er mest og óhætt
að segja að þær bæti líf barna um
víða veröld. Sannar gjafir hafa ver-
ið vinsælar sem fermingargjafir
og sem aukagjafir með fermingar-
pakkanum því þær henta vel sem
falleg kort með gjöfunum. Hægt
er að skrifa persónulega kveðju
með gjöfinni og þá ertu kominn
með fallegt kort sem hjálpar börn-
um í neyð og sáir auk þess fræjum
hjá fermingarbarninu.
Gjafirnar má finna á vefsíð-
unni www.sannargjafir.is.
grþ
Sannar gjafir UNICEF bæta líf barna
Husana Isa og besta vinkona hennar halda á moskítóneti í Kano í Nígeríu. Netin
veita skjól frá moskítóflugum sem bíta helst á kvöldin og á nóttunni og eru þannig
besta forvörnin gegn malaríusmiti.
Hægt er að gefa börnum námsgögn en menntun er öflugasta vopnið gegn fátækt
og hungri og stuðlar að lækkun barnadauða.
Kransakökur hafa löngum þótt
ómissandi í fermingarveisluna.
Hefðbundin kransakaka kom fyrst
hingað til lands með danskri kaup-
manna- og embættismannastétt og
hefur þótt við hæfi við ýmis hátíð-
arhöld síðan. Á vefsíðunni timarit.
is er kransakökunnar fyrst getið í
frétt frá árinu 1907. Þá var kon-
ungurinn í heimsókn á Akureyri og
boðið var upp á kampavín, kransa-
köku og vindla. Kransakökunn-
ar er getið víða eftir það, svo sem
í jólaauglýsingu frá Björnsbakaríi
en hennar er fyrst getið í tengslum
við fermingar árið 1962, þá í Tím-
anum. Þar segir í myndatexta á
forsíðunni að nú standi fermingar
yfir og að þeim fylgi kransakökur
ásamt mörgu öðru góðu.
Kransakökurnar hafa löngum
verið skreyttar fallega, meðal
annars með glassúr, súkkulaði og
blómum. Eitt vinsælasta skreyt-
ingarefni kransakökunnar á liðn-
um áratugum hefur verið Mack-
hintosh Quality Street konfekt í
öllum regnbogans litum. Þá hafa
ýmsar fleiri útgáfur kransakök-
unnar komið fram á undanförnum
árum og má jafnvel tala um tísku-
sveiflur. Rice Krispies kransakak-
an hefur til að mynda verið vin-
sæl á undanförnum árum, jafn-
vel vinsælli en hefðbundin marsi-
pan kransakaka. Hana má einnig
skreyta fallega og er það gjarnan
gert í samræmi við litaþema veisl-
unnar.
Það nýjasta sem sést í kransakök-
um á Íslandi eru litríkar makkarón-
ur sem raðað er upp í turn, á þar til
gerðum platta. Vinsældir franskra
makkaróna hafa verið að aukast á
undanförnum árum. Sumum vex
þó í augum að baka þær en það er
minna mál en margur heldur. Þær
má baka í öllum regnbogans litum
og því setja þær oft skemmtilegan
svip á veisluborðið og ekki spillir
að þær eru sérlega bragðgóðar.
grþ
Margar útfærslur af kransakökum
Franskar makkarónur eru fallegar á veisluborði. Þeim má raða upp á ýmsa vegu,
hér hefur verið notaður standur til að raða þeim upp í turn líkt og kransaköku.
Hefðbundin kransakaka úr marsípanmassa hefur verið vinsæl á veisluborðið í
áratugi. Hér er ein slík ósamsett.
Skemmtileg útfærsla af kransaköku.
Hér er búið að spreyja kökuna bláa
og skrautið er tengt áhugamáli
fermingarbarnsins. Þessi var gerð af
mommur.is á Akranesi.
Rice Krispies kransakökur hafa verið
mjög vinsælar á fermingarveislu-
borðin undanfarin ár.