Skessuhorn - 16.03.2016, Blaðsíða 33

MIÐVIKUDAGUR 16. MARS 2016 33
Fermingarferðin
kom á óvart
Fimmtán ungmenni fermast í Akra-
neskirkju sunnudaginn 17. apríl.
Þeirra á meðal er Gunnar Davíð
Einarsson nemandi í Brekkubæj-
arskóla. Hann segist ætla að láta
ferma sig til að staðfesta skírnina,
þar sem hann trúi á Guð. „Ég vona
að dagurinn verði mjög skemmti-
legur. Við verðum með veislu í
Miðgarði og bjóðum í kringum 90
manns. Þar verðum við með mat
og einhverjar kökur. Ég fékk að
velja matinn og valdi kjúklinga-
súpu af því að það er einn af uppá-
halds réttunum mínum,“ segir
Gunnar Davíð. Hann segist ætla
að reyna að hjálpa til við undir-
búninginn. „Ég geri bara það sem
mér er sagt að gera. Við erum búin
að kaupa fermingarfötin og gera
boðskort, ég hjálpaði aðeins til við
það,“ heldur hann áfram. Gunn-
ar Davíð segir fermingarferðina
í Vatnaskóg hafa komið mest á
óvart í fermingarfræðslunni. „Það
var mjög skemmtilegt. Þetta hefur
eiginlega allt verið skemmtilegra
en ég átti von á, nema þegar við
þurfum að skila verkefnum,“ seg-
ir hann. „Við höfum lært rosalega
mikið um Biblíuna og söguna, alls
konar hluti sem ég vissi ekki áður,“
bætir hann við.
Fermist borgaralega
Siðmennt mun framkvæma fyrstu
borgaralegu ferminguna á Akra-
nesi sunnudaginn 10. apríl. Þar
munu sjö ungmenni af Vestur-
landi fermast borgaralegri ferm-
ingu, þar á meðal Skagamaðurinn
Júlían Ómar Ingason. Hann seg-
ist hafa ákveðið þetta í samein-
ingu með frænda sínum, sem einn-
ig fermist borgaralega þennan dag.
„Ég vildi ekki fermast í kirkju því
ég trúi ekki á Jesú. Ég ætlaði fyrst
ekkert að fermast en ákvað svo að
fara frekar þessa leið. Bróðir minn
sleppti því alveg að fermast,“ seg-
ir Júlían. Að lokinni athöfn verður
haldin fermingarveisla. „Við leigj-
um sal undir veisluna. Ég ætla að
reyna að hjálpa eitthvað pínu. Ég
hjálpa kannski aðeins við að baka
og skreyta reikna ég með,“ seg-
ir hann. Júlían segir fermingar-
fræðsluna hafa farið fram í Reykja-
vík á tveimur helgum í vetur. „Við
unnum ýmis verkefni og mað-
ur kynntist krökkunum ágætlega.
Við vorum að tala mikið sam-
an og hugsa. Flestir sem kenna
þarna eru heimspekingar og mað-
ur lærði smá heimspeki, sem var
mjög skemmtilegt.“ Júlían hlakkar
mikið til fermingardagsins og von-
ast til þess að hann verði skemmti-
legur. „Ég fæ nýja tölvu í ferming-
argjöf og ég hlakka mikið til þess,“
segir hann að endingu.
Vandlega valdar
dagsetningar
Árni Þór Haraldsson og Melinda
Máney Elíasdóttir fermast bæði
í Hjarðarholtskirkju í Dalabyggð
en þó í sitt hvorri athöfninni. „Ég
fermist 17. apríl. Tímasetningin
hentar mjög vel því þá verða amma
og afi frá Svíþjóð komin til að taka
þátt í sauðburði,“ segir Árni. Mel-
inda fermist u.þ.b. tveimur mánuð-
um síðar og var hennar dagsetning
einnig vandlega valin. „Ég fermist
12. júní. Þá er svo gott fyrir fólk að
ferðast á milli staða en ég á pabba í
Bolungarvík og fleira skyldfólk, þá
er ekki hætta á ófærð,“ segir Mel-
inda. Þegar bekkjarsystkinin eru
spurð út í hvers vegna þau fermast
líta þau hvort á annað og segjast
eiginlega ekki vera viss um ástæð-
una. Árni segir svo með bros á vör:
„Allir aðrir gera það.“ Og Melinda
tekur undir og bætir við að þetta sé
samt hennar val.
Mikilvægt að
fjölskyldan komi saman
En hvað skyldi vera mikilvægast
við fermingardaginn? „Að stað-
festa skírn og að fjölskyldan komi
saman,“ svarar Melinda að bragði.
Árni tekur undir það að fjöl-
skyldan sé mikilvægust: „Það er
skemmtilegra af því að fólkið mitt
frá Svíþjóð kemur, amma og afi og
frændur mínir.“ Þegar krakkarnir
eru spurðir hvort þeir séu stress-
aðir fyrir fermingardeginum fáum
við alveg sitt hvort svarið. Melinda
svarar einfaldlega játandi en Árni
segist ekki vera stressaður nema þá
helst fyrir athöfninni í kirkjunni.
Bæði eru þau samt spennt og bú-
ast við skemmtilegum degi. „Ég er
stressuð fyrir því að þurfa að tala
yfir allan hópinn í veislunni,“ seg-
ir Melinda. Þá segir Árni: „Það er
einmitt það sem mér finnst svo
skemmtilegt!“ Fermingarbörnin
gera ráð fyrir því að taka þátt í und-
irbúningnum og eru þau bæði far-
in að hlakka til þess. „Við höldum
mína veislu örugglega í sal og ég
ætla að hjálpa til við að skreyta og
gera allt fínt,“ segir Melinda. „Mín
veisla verður líklega í veiðihúsinu í
Þrándargili. Mig langar til að taka
þátt í þessu öllu, hjálpa til við að
taka til í veiðihúsinu fyrir veisluna
og líka á eftir,“ segir Árni. Ennþá
er svolítið langt í fermingardaginn
hjá þeim Árna og Melindu og telja
þau ýmsa undirbúningsvinnu enn
í startholunum. En þrátt fyrir að
enn sé bið eftir stóra deginum eru
þau alveg viss um hvað þau ætla að
gera daginn eftir ferminguna: „Að
sofa út,“ segja þau bæði. Og Mel-
inda bætir við: „Ég fer líka örugg-
lega á hestbak.“
grþ /af /sm /eb /tk
Júlían Ómar Ingason á Akranesi ákvað
að fermast borgaralega. Ljósm. grþ.
Gunnar Davíð Einarsson vonast eftir
skemmtilegum fermingardegi.
Ljósm. grþ.
Árni Þór Haraldsson og Melinda Máney Elíasdóttir fermast í sitthvorri athöfninni í
Hjarðarholtskirkju í Dalabyggð. Ljósm. sm.
Skátaskeyti
Fermingar í Akraneskirkju
Afgreiðslan er opin fermingardagana í
Skátahúsinu, Háholti 24, frá kl. 10 – 18
20. mars
3. apríl
10. apríl
17. apríl
Greiðslukortaþjónusta
Skátafélag Akraness
Sími 431- 1727
SK
ES
SU
H
O
R
N
2
01
6