Skessuhorn - 07.12.2016, Blaðsíða 4

MIÐVIKUDAGUR 7. DESEMBER 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Jafn stór og tvær
barnmargar fjölskyldur
Samtök atvinnulífsins leggja til í nýrri skýrslu að sveitarfélögum á Íslandi
verði fækkað hressilega, úr 74 í níu. Í skýrslu þessari er fjallað um stöðu
og framtíð sveitarfélaga og meðal annars lagt út frá því að fjárhagsstaða
margra þeirra nú sé með þeim hætti að ekki verði lengur við unað. Sam-
eining gæti verið leið til að ná fram alvöru hagræðingu. Í skýrslunni er
m.a. lagt til að Vesturland verði eitt sveitarfélag með tæplega sextán þús-
und íbúa, Vestfirðir annað sveitarfélag og svo framvegis. Suðurland verði
sömuleiðis eitt sveitarfélag en tvö á höfuðborgarsvæðinu, þar sem annars
vegar 123 þúsund og hins vegar 77 þúsund byggju.
Vel má vera að hægt sé að ná fram verulegri hagræðingu með að gera
sveitarfélög fjölmennari og fækka þeim. Ég er er ekki í minnsta vafa um
að rök fyrir því eru sterkari en mótrökin. Hins vegar skal því til haga
haldið að fjölmennið og stærð sveitarfélags tryggir ekki að fjárhagur þess
verði þar með góður og nægir kannski að nefna höfuðborgina í því sam-
hengi. Þar eins og í svo mörgu sannast hið fornkveðna að veldur hver á
heldur. Rök með fækkun sveitarfélaga eru meðal annars þau að með því
megi færa verulegan hluta verkefna frá ríki og nær íbúum, eða heim í
hérað. Undir þetta tek ég enda er ég kannski, eins og lesa hefur mátt úr
fyrri skrifum mínum, fremur andsnúinn of stórum opinberum geira þar
sem svokallaðir „tveggja jakka menn“ geta leynst hér og þar í kerfinu,
þegið laun fyrir óræð eða engin verkefni. Sveitarfélög ættu í krafti auk-
innar stærðar að hafa burði til að laða til sín reynslumikið og vel menntað
fólk. Með eflingu sveitarstjórnarstigsins og að dregið verði úr stofnana-
væðingu á landsvísu er ég því persónulega hlynntur þessum hugmyndum,
en ítreka að það er eingöngu á þeirri forsendu að dregið verði úr ríkis-
rekstri um leið.
Það er nefnileg svo að sífellt hefur hið kerfislæga bákn hér á landi verið
að vaxa og byrjað að hverfast um sjálft sig. Slíkt kerfi skilar lítilli fram-
leiðni og tími er kominn til að endurskoða það. Ég get nefnt dæmi. Hver
segir að íslenska ríkið eigi að reka stofnun á borð við Íslandspóst þar sem
þjónustan er fyrir löngu orðin aukaatriði í augum æðstu stjórnenda? Af
hverju rekum við ekki bara níu póstmiðstöðvar, eina í hverju héraði, sem
bæru ábyrgð á þeirri þjónustu sem þar væri í boði? Hvað með til dæmis
sjálfræði í eftirliti með matvælaframleiðslu? Væri ekki hugsanlega til bóta
að draga úr öllum þeim ferlum og tilskipunum sem feta þarf í valdapýra-
mída stofnana, komi eitthvað upp á, eins og dæmin sanna í nýlegu eggja-
máli. Ekki er ég frá því að koma hefði mátt í veg fyrir það miklu fyrr að
hænsnin byggju við slæman aðbúnað ef héraðdýralæknir hefði mátt grípa
tafarlaust inn í þegar honum var kunnugt um aðbúnaðinn í pútnahús-
inu. Þá hefði málið ekki verið að dragast í kerfilægri villu ómöguleikans
á Selfossi í áraraðir án þess að nokkur skapaðan hlutur væri gerður til að
stoppa ósómann. Fjölmörg fleiri dæmi mætti nefna til að færa rök fyrir
því að sjálfræði heima í héraði væri til bóta fyrir samfélagið. Ég nefni mál-
efni fatlaðra og eldri borgara sem dæmi um málaflokka sem ég er sann-
færður um að væru betur komin heima í héraði, hjá fólkinu sjálfu. En
þetta verður aldrei gert nema styrkja fyrst sveitarstjórnarstigið.
Þessar tillögur Samtaka atvinnulífsins nú sýnist mér ganga skörinni
lengra en tillögur Kristjáns Möllers fyrrum samgönguráðherra sem var
mikill talsmaður fækkunar sveitarfélaga og eflingar sveitarstjórnarstigs-
ins. Pólitísk andstaða var við hugmyndir Kristjáns í tíð fráfarandi ríkis-
stjórnar og því hefur öll sú umræða verið á ís í fjögur ár. Ég fagna því að
málið skuli tekið upp að nýju. Ég held í það minnsta að allir geti verið
sammála því að ekki er framtíð í sveitarfélögum þar sem íbúafjöldinn er í
heildina eins á við tvær barnmargar fjölskyldur vestur á fjörðum fyrir tíma
getnaðarvarna.
Magnús Magnússon.
Leiðari
Í huga margra er desembermánuð-
ur hvítur og heldur kaldur en und-
anfarið hafa hitatölur frekar minnt
á vor- eða haustmánuði. Föstudag-
inn 2. desember voru skilyrði góð
til malbikunarvinnu í Búðardal en
þar unnu menn að því að leggja
nýjan gangstíg við Vesturbraut þar
sem nýverið var sett upp hraða-
hindrun. Kolur ehf. hefur umsjón
með verkinu og fékk verktakafyrir-
tækið Fagverk til liðs við sig til að
sjá um malbikunina.
sm
Malbikað í
desember
Kolur og Fagverk malbikuðu gangstíg í Búðardal í góðviðrinu.
Starfsmenn
Dalabyggðar, Kols
og Fagverks undir-
búa verkið.
Námskeið í réttum viðbrögðum
var haldið í Hjálmakletti í Borg-
arnesi síðastliðinn föstudag. Þátt-
takendur voru 19 frá Grunnskól-
anum í Borgarnesi, Menntaskóla
Borgarfjarðar, Öldunni, Búsetu-
þjónustunni og Ferðaþjónustu
fatlaðra. Um var að ræða heils-
dagsnámskeið þar sem farið er
yfir hvernig hægt er að fyrirbyggja
ofbeldishegðun og hvernig á að
bregðast rétt við eigi slíkt sér stað.
Farið var yfir forvarnir, hvernig
þekkja megi einkenni og bregð-
ast við á réttan hátt. Farið var yfir
hvernig grípa skuli inn í aðstæð-
ur og koma í veg fyrir að ofbeldi
verði beitt.
Leiðbeinendur voru Atli Magn-
ússon, atferlisráðgjafi hjá Grein-
ingar- og ráðgjafarstöð ríkisins,
og Felix Högnason þroskaþjálfi og
atferlisfræðingur. Þeir hafa haldið
fjölda námskeiða m.a. um fyrir-
byggjandi aðgerðir gegn hegðun-
arvanda, hvernig takmarka megi
þvingun og valdbeitingu í vinnu
með fólki sem sýnir erfiða hegðun
og varnarviðbrögð við alvarlegum
hegðunarvanda.
Námskeiðið var sérstakt að því
leyti að í stað fyrirlestra og bók-
legs náms, var stutt innlegg og því
næst verklegar æfingar allan dag-
inn. Þátttakendur voru almennt
ánægðir með námskeiðið. Það
kemur vonandi til með að nýtast
þeim vel í starfi, því rétt vinnu-
brögð og sjálfsöryggi í erfiðum
aðstæðum koma öllum til góða.
hhs
Kenndu rétt viðbrögð við ofbeldisfullri hegðun
Hópurinn sem tók þátt í námskeiðinu (á myndina vantar tvo).
Ljósm. Sigurþór Kristjánsson.
Sextíu og sex doktorar sem braut-
skráðst hafa frá Háskóla Íslands á
tímabilinu 1. desember 2015 til 1.
desember 2016 tóku á fimmtudag-
inn við gullmerki skólans á árlegri
Hátíð brautskráðra doktora. Með
hátíðinni vill Háskóli Íslands fagna
því öfluga starfi sem doktorsnemar
vinna innan skólans og þeim aukna
krafti sem færst hefur í rannsókna-
tengt nám í háskólanum á síðustu
árum. Í samstarfi við leiðbeinend-
ur sína leggja doktorsnemar sitt
af mörkum til þekkingarleitar al-
þjóðasamfélagsins og taka virkan
þátt í að efla háskólann sem alþjóð-
lega rannsóknastofnun.
Efling doktorsnáms hefur ver-
ið hluti af stefnumörkun Háskóla
Íslands í rúman áratug og í nýrri
stefnu fyrir árin 2016-2021, sem
samþykkt var fyrr á þessu ári, er
að finna markmið og leiðir til að
styrkja námið enn frekar. Líkt og
í stefnu fyrir árin 2011-2016 er
áfram markmiðið að um 70 manns
brautskráist úr doktorsnámi á ári
hverju frá skólanum. Svo skemmti-
lega vill til að þegar árið 2016 hef-
ur runnið sitt skeið munu 70 nemar
hafa varið doktorsritgerð sína við
skólann á árinu. Það er næstmesti
fjöldi sem brautskráðst hefur með
þennan æðsta lærdómstitil frá Há-
skóla Íslands á einu ári. Enn frem-
ur telur sá hópur sem lokið hefur
doktorsprófi frá skólanum frá upp-
hafi nú um 600 manns.
mm
Doktorar heiðraðir á fullveldis-
daginn í Háskóla Íslands
Hátíðin fór fram að viðstöddum Guðna Th Jóhannessyni forseta Íslands og Illuga Gunnarssonar mennta- og
menningarmálaráðherra.