Skessuhorn - 07.12.2016, Blaðsíða 22

MIÐVIKUDAGUR 7. DESEMBER 201622
Menningarstefna Vesturlands fyrir
árin 2016 - 2019 hefur verið gerð
aðgengileg á vef Samtaka sveitar-
félaga á Vesturlandi, www.ssv.is.
Stefnunni er ætlað að móta áherslu
í menningarmálum og styðja við
menningarstefnu sveitarfélaga í
landshlutanum. Þá er henni ætlað
að vera grunnur fyrir ákvarðana-
töku SSV í menningarmálum, þar
með talið við úthlutun verkefna-
styrkja og stofn- og rekstrarstyrkja
úr Uppbyggingarsjóði Vesturlands.
Vinna við gerð stefnunnar hófst
áður en Sóknaráætlun Vesturlands
tók gildi í febrúar 2015 en frestað-
ist vegna vinnu við Sóknaráætlun.
Þráðurinn var tekinn upp að nýju í
ársbyrjun 2016 og hefur litið dags-
ins ljós, nú á útmánuðum.
Mótun menningarstefnunnar
var í höndum sérstakrar verkefnis-
stjórnar en við gerð menningar-
stefnunnar var leitað fulltingis fólks
af öllu Vesturlandi. Voru haldnir
fimm opnir stefnumótunarfundir
þar sem dregin voru fram þau atriði
sem íbúar landshlutans vildu leggja
sérstaka áherslu á varðandi Menn-
ingarstefnu Vesturlands. Verkefn-
isstjórnin fór síðan yfir niðurstöð-
ur fundanna, skilaði drögum til
stjórnar SSV sem síðan vísaði stefn-
unni til afgreiðslu á haustþingi þar
sem sérstakur vinnuhópur fór yfir
drögin sem voru í framhaldinu sam-
þykkt.
Menningarstefna Vesturlands
2016-2019 byggir á fimm þáttum
sem aðilar voru sammála um að
skiptu mestu máli. Þeir þættir fara
hér á eftir, ásamt stefnu hvers þáttar
og helstu markmiða.
I. Menningaruppeldi; stefnan að
menning og listir fléttist inn í skóla-
starf og daglegt líf íbúa á Vestur-
landi. Markmiðin með því eru að
í landshlutanum verði fjölbreyttir
möguleikar til menntunar í menn-
ingu og listum, að áhersla verði á
menningu allra aldurshópa og að
börn og ungmenni njóti menningar
óháð búsetu og efnahag.
II. Listir; stefnan er að listum sé
gert hátt undir höfði á Vesturlandi,
áhersla lögð á fjölbreytta listsköp-
un allra aldurshópa og að samstarf
sveitarfélaga leiði til uppbyggingar
á faglegum störfum við listir í lands-
hlutanum. Markmiðin eru að listir
fái aukið vægi í daglegu lífi íbúa,
áhersla fjölbreyttar listir og sam-
tímalist, sem og að áhersla verði
lögð á að listahátíðir verði haldnar
víða á Vesturlandi.
III. Nýsköpun; stefnan er að á Vest-
urlandi verði stöðug framþróun í
menningarmálum og nýsköpun.
Markmiðin eru að greiður aðgang-
ur verði að ráðgjöf og fjárstuðningi
við nýsköpunarverkefni í menning-
armálum, samstarf við fyrirtæki í
öðrum atvinnugreinum, stuðningur
við nýsköpun í formi samkeppni og/
eða verðlauna og kynning á nýsköp-
un og skapandi atvinnugreinum.
IV. Menningararfur; að menning-
ar arfur Vesturlands verði varðveitt-
ur og miðlað með áherslu á söguleg
sérstöðu landshlutans. Markmið-
ið er að menningararfurinn verði
áberandi þáttur í markaðssetningu
landshlutans, safnastarf metnaðar-
fullt og góð aðstaða til menning-
arstarfs. Þar að auki að merkingar
verði við þjóðleiðir og alla helstu
staði innan landshlutans sem hafa
sögulegt gildi og að menningar-
landslag svæðisins verði kortlagt og
kynnt. Að síðustu að áhersla verði
lögð á verndun gamalla húsa og
mannvirkja sem hafa menningar-
legt gildi.
V. Samvinna; að sveitarfélög á Vest-
urlandi vinni saman að menningar-
málum og hafi virka miðlun menn-
ingar að leiðarljósi. Markmiðin eru
samstarf sveitarfélaga um menning-
arviðburði og skipulag menning-
armála, samstarf sveitarfélaga um
safnamál á Vesturlandi og að menn-
ingarhús/félagsheimili verði nýtt
enn frekar til menningarstarfs. Að
lokum er eitt markmiðanna menn-
ingartengt samstarf við Snorrastofu
í Reykholti, Háskólann á Bifröst
og Landbúnaðarháskóla Íslands á
Hvanneyri.
Sem fyrr segir er skýrslan aðgengi-
leg á heimasíðu SSV og þar má lesa
nánar um vinnu við gerð hennar, að-
gerðir sem lagðar eru til svo hægt sé
að framfylgja markmiðum lykilþátt-
anna fimm og hverjir framkvæmda-
raðilar þeirra eru. kgk
Menningarstefna Vesturlands hefur verið birt
Fiðlusveitin Slitnir Strengir sem gerð er út frá Akranesi. Ljósm. úr safni.
Það er ys og þys í Blómasetrinu
Kaffi-Kyrrð í gamla sýslumanns-
húsinu við Skúlagötu 13 í Borg-
arnesi þegar ljósmyndari Skessu-
horns kíkti þar við í liðinni viku.
Þar rekur Svava Víglundsdóttir og
fjölskylda hennar blómabúð, gjafa-
vöruverslun og notalegt kaffihús er
innaf versluninni. Samhliða því að
gestir koma í verslunina eru ferða-
menn sífellt að reka inn nefið enda
margir á vappi um Borgarnes þótt
aðventan sé gengin í garð. Sumir
þeirra eru að vitja lykla að heima-
gistingu sem fjölskyldan er með í
útleigu á tveimur stöðum í bænum.
Iðnaðarmaður kemur og kaupir
vænan blómvönd fyrir elskuna sína
og eldri kona er að velja sér skraut-
muni til gjafa eða til að prýða heim-
ilið.
„Það er bara heilmikið að gera
og vaxandi viðskipti,“ segir Svava.
„Við leggjum mikið upp úr að vera
með fallega gjafavöru, afskorin
blóm og sífellt fleira heimafólk er
að uppgötva vöruúrvalið hjá okkur.
Við höfum aukið að vera með opin
hús og kynningar sem heimamenn
hafa verið duglegir að sækja. Hing-
að koma líka ýmsir smærri klúbbar
og félög og velja að funda eða bara
hittast hér á kaffihúsinu. Hér er því
mikið skrafað og oft skemmtilegt,“
segir Svava. Katrín Huld, dóttir
Svövu, sýnir blaðamanni jólalegar
skreytingar sem þau hafa gert og
bregður á leik. Kyssir rembings-
kossi gamlan jólasvein sem stend-
ur úti á gólfi og gegnir því hlut-
verki að bjóða gesti velkomna í hús.
„Þessi hefur fylgt okkur alveg síð-
an við vorum austur á Vopnafirði.
Hann er yndislegur og mér þykir
vænt um hann,“ segir Kata og tal-
ar hlýlega til sveinka. Unnsteinn
eiginmaður Svövu situr svo með
fínlegan heimilshundinn í kjöltu
sér og spjallar við gesti yfir kaffi-
bolla. Ilmur af kertum, blómum og
kryddi fyllir loftið svo það er bein-
línis ómögulegt annað en detta fyr-
ir alvöru í hið sanna jólaskap.
mm
Blómasetrið komið
í jólabúninginn
Katrín Huld innan við búðarborðið með nokkrar aðventuskreytingar fyrir framan
sig.
Styttur, kerti, skraut og ekki síst hin vinsæla vara frá finnskum frændum okkar í
Ittala.
Unnsteinn Arason með hund sinn
Gosa, eðalhund af papillon kyni.
Þessi skreyting beið þess að áhugasamur fagurkerfi keypti
hana.
Lágvaxinn skrautgróður býður gesti velkomna utan við
Blómasetrið.
Horft inn í notalega stofuna í Kaffi Kyrrð.
„Þessi elska hefur fylgt okkur síðan við bjuggum fyrir
austan.“