Skessuhorn - 07.12.2016, Blaðsíða 12
MIÐVIKUDAGUR 7. DESEMBER 201612
Hvatningaverðlaun Öryrkjabanda-
lags Íslands voru veitt í Hörpu um
liðna helgi. Athöfnin var hátíðleg en
þetta var í tíunda sinn sem verðlaun-
in voru veitt. Tilgangur þeirra er að
varpa ljósi á þá sem hafa á jákvæðan
hátt stuðlað að einu samfélagi fyrir
alla. Veitt voru verðlaun í þremur
flokkum; flokki einstaklinga, flokki
fyrirtækja/stofnana og flokki um-
fjöllunar/kynningar. Hanna Jóns-
dóttir var ein af þremur tilnefning-
um í flokki einstaklinga. Hanna er
þroskaþjálfi hjá Félags- og skóla-
þjónustu Snæfellinga og hefur eins
og kunnugt er unnið gott starf með
Ásbyrgi í Stykkishólmi. En Hanna
var tilnefnd fyrir frumkvöðlastarf
í þágu fatlaðs fólks í Stykkishólmi.
Einng voru tilnefndir Karl Þor-
steinsson, fyrir sjálfboðastörf í þágu
fatlaðs íþróttafólks og Friðrik Sig-
urðsson, fyrrverandi framkvæmda-
stjóri Þroskahjálpar, sem hlaut verð-
launin fyrir störf sín í þágu fólks
með þroskahömlun og aðstandenda
þeirra.
Hanna segir í samtali við Skessu-
horn að í þessum málaflokki hafi
verið skortur á fjármagni síðan elstu
menn muna og nú standi þau í Ás-
byrgi frammi fyrir miklum húsnæð-
isvanda. „Það hef ég upplifað áður
þar sem mitt starf var lagt niður í sex
mánuði árið 2000 þar sem ekkert
húsnæði var fyrir hendi. Það er von
mín að Ásbyrgi geti vaxið og þróast
og verði sýnd sú virðing sem vinnu-
staðnum ber. Vonandi virkar þessi
viðurkenning sem vítamínsprauta í
málaflokkinn,“ segir Hanna Jóns-
dóttir. jse
Hanna ásamt Ísaki syni sínum og Grétu Maríu tengdadóttur.
Hanna Jónsdóttir tilnefnd til
hvatningarverðlauna ÖBÍ
Á síðasta fundi sveitarstjórnar Hval-
fjarðarsveitar samþykkti sveitar-
stjórn bókun þar sem því er lýst að
stjórnendur sveitarfélagsins hygg-
ist segja upp samningi við sex starfs-
menn Heiðarskóla um sérstök um-
framkjör á grundvelli jafnræðis.
„Þann 20. október sl. áttu oddviti,
sveitarstjóri og skólastjóri Heið-
arskóla fund með sex almennum
starfsmönnum Heiðarskóla. Tilefni
fundarins var að tilkynna þessum
starfsmönnum að til stæði að segja
upp samningi um umframkjör sem
þeir hafa haft frá árinu 2011. Um-
framkjörin fela í sér 6% hækkun á
heildarlaunum viðkomandi starfs-
manna. Forsendur þessara umfram-
kjara voru þær að skapa átti meiri
sveigjanleika í umræddum störfum.
Starfslýsingar fyrir þessi störf voru
hins vegar ekki gerðar og verð-
ur ekki séð að unnið hafi verið eft-
ir þeim hugmyndum sem voru for-
sendur umframkjaranna. Sem von
er hefur það valdið óánægju hjá
öðru almennu starfsfólki sem vinn-
ur hjá sveitarfélaginu í sambæri-
legum störfum og nýtur ekki fyrr-
greindra umframkjara að slíkt ójafn-
ræði launa skuli tíðkast hjá sveit-
arfélaginu,“ segir í bókuninni. „Á
grundvelli jafnræðis telur sveitar-
félagið óhjákvæmilegt annað en að
taka til skoðunar hvort segja skuli
upp samningi um umframkjör sem
fyrrgreindir sex starfsmenn hafa
haft við grunnskólann, enda verður
ekki séð hvaða málefnalegu rök búi
að baki þessari mismunun.“
Þá er þess getið að 18 starfs-
menn sem sinna ýmsum störfum
við leik- og grunnskóla Hvalfjarð-
arsveitar fá greiddar mánaðarlegar
eingreiðslur, fasta krónutölu, sem
nemur á bilinu 4,8 - 5,4 prósent af
heildarlaunum viðkomandi starfs-
manna. Segir í bókuninni að sveit-
arfélagið hafi greitt þessar mánað-
arlegu eingreiðslur frá árinu 2007 í
þeim tilgangi að hækka laun þeirra
starfsmanna sveitarfélagsins sem
lægstu launin hafa. „Ekki stendur
annað til en að halda áfram þessum
mánaðarlegu eingreiðslum,“ segir í
bókuninni.
Þá er einnig áréttað að þeir sex
starfsmenn sem hafa fengið áður-
nefnd sex prósent umframkjör hafa
einnig notið hinnar mánaðarlegu
eingreiðslu. „Sveitarstjórn væntir
þess að sátt náist um þessi mál og
ítrekar mikilvægi þess að jafnræðis
og samræmis sé gætt hvað launamál
starfsmanna sveitarfélagins varðar.
Fyrir liggur að fyrirhugaðri upp-
sögn umframkjara hefur verið and-
mælt með framlögðu bréfi Verka-
lýðsfélags Akraness. Sveitarstjóri
svaraði því bréfi þann 18. nóvem-
ber sl. og þykir sveitarstjórn rétt að
veita frest til andsvara og því verð-
ur ákvörðun um uppsögn umfram-
kjara ekki miðuð við 1. desember
nk. eins og gert var ráð fyrir í upp-
haflegu bréfi til starfsmanna,“ segir
í bókuninni sem var samþykkt sam-
hljóða. kgk
Hyggjast segja upp samningum
um umframkjör
Heiðarskóli í Hvalfjarðarsveit. Ljósm. úr safni.
Nú hefur ráðgátan um
flug íslenska spóans
verið leyst. Vísinda-
menn Rannsóknaset-
urs Háskóla Íslands á
Suðurlandi hafa ásamt
samstarfsfólki sýnt
fram á að spóinn flýg-
ur án viðkomu frá Ís-
landi alla leið til Vest-
ur-Afríku. Spóinn flýg-
ur í allt að fimm sólar-
hringa samfellt og legg-
ur að baki hátt á sjötta
þúsund kílómetra í beinu flugi.
Niðurstöðurnar byggja á svoköll-
uðum dægurritum sem settir voru
á nokkra sunnlenska spóa á síðustu
árum en þær birtust í hinu virta
tímariti Scientific Reports í dag.
Fylgst var með fjórum spóum
yfir heilt ár. Allir flugu fuglarnir
beint til Vestur-Afríku að hausti án
þess að stoppa og allir yfirgáfu Ís-
land 3. til 6. ágúst. Þeir flugu 79
til 120 klukkutíma hvíldarlaust eða
í um fjóra til fimm sólarhringa og
vegalengdin sem þeir lögðu að baki
var frá 3.898 til 5.535 kílómetrar.
Dægurritarnir sem notaðir voru
í rannsókninni, eru litlir hnappar á
stærð við fingurnögl sem fuglar á
þyngd við spóa bera auðveldlega.
Dægurritarnir mæla sólargang
og út frá þeim upplýsingum má
reikna hnattstöðu fuglanna með
viðunandi skekkju þegar svo löng
ferðalög eru til skoðunar.
Meðalferðahraðinn á leið-
inni allri var um 50 kílómetrar á
klukkustund en sumir leggir ferð-
arinnar voru þó farnir á mun meiri
hraða, eða á allt að 80 til 90 kíló-
metra hraða á klukkustund. Þetta
er einhver mesti hraði sem mælst
hefur hjá landfuglum á langferð-
um yfir sjó. Reiknað var samband
milli ferðahraða spóa og vind-
hraða í mismunandi hæð til að
meta hversu hátt spóarnir flugu.
Besta sambandið var við vindhraða
í 1,5 km hæð sem bendir til að
þeir fljúgi nokkuð hátt. Fuglarnir
fara ekki endilega sömu leið á vori
og hausti. Á vorfarinu brá svo við
að tveir fuglanna höfðu viðdvöl
á Bretlandseyjum en tveir þeirra
flugu beint til Íslands. Fuglarn-
ir yfirgáfu Afríku 20. til 29. apríl.
Þeir sem flugu beint náðu til Ís-
lands 29. apríl og 4. maí en þeir
sem höfðu viðkomu á Bretlands-
eyjum dvöldu þar 11 og 15 daga og
komu til Íslands 12. og 14. maí.
mm
Engin millilending spóans
til Vestur-Afríku
Spóinn nær allt að 90 km hraða á klukkustund og
flýgur þá gjarnan í hálfs annars kílómetra hæð.
Myndir þessar sýna flug spóanna sam-
kvæmt dægurritum, bæði að hausti
(mynd til vinstri) og að vori (mynd til
hægri).
Fiskmarkaður Sæfellsbæjar hefur
nú verið fluttur í nýtt tæplega þús-
und fermetra húsnæði að Ennis-
braut 34 í Ólafsvík. Fiskmarkaður-
inn, sem stofnaður var í desember
2015, var áður í 300 fm húsnæði við
Snoppuveg. Friðbjörn Ásbjörns-
son framkvæmdastjóri Fiskmarkaðs
Snæfellsbæjar segir að reksturinn
hafi gengið vel á fyrsta starfsárinu.
„Eldra húsnæðið var að springa
utan af okkur og því urðum við að
flytja starfsemina í hentugra rými.
Nýja húsnæðið var endurbætt und-
ir markaðsstarfsemina. Við feng-
um afhentan nýjan átta hliða flokk-
ara frá Völku og erum gríðarlega
ánægðir með hann. Afkastageta
hans er tvöfalt meiri en eldri flokk-
ara og þvottakör og slægingarlína
var keypt ný erlendis frá í gegnum
K-KARL ehf. Við erum því bjart-
sýnir á framhaldið,“ segir Friðbjörn
og bætir við að þetta sé lítið sam-
hent félag með sterkar undirstöð-
ur. Salan á þessu ári hafi verið um
4.400 tonn.
af
Fiskmarkaður
Snæfellsbæjar
fluttur í stærra
húsnæði
Slæging í gangi.
Nýr átta hliða flokkari hefur nú verið tekinn í notkun.
Fiskur ísaður.