Skessuhorn - 07.12.2016, Blaðsíða 6
MIÐVIKUDAGUR 7. DESEMBER 20166
Smáhýsi við
Hótel
Hafnarfjall
HVALFJ.SV: Um þessar
mundir er verið að koma smá-
hýsum fyrir á lóð Hótel Hafn-
arfjalls. Að sögn Arnþórs Gylfa
Árnasonar hótelstjóra verða
hýsin tilbúin til notkunar 1. júní
á næsta ári. „Við erum að vinna
með þessa tíu hektara sem eru
hérna og nú er verið að byggja
fimm smáhýsi neðar í landinu.
Það eru ellefu smáhýsi sem eru
á skipulagi en við byrjum á þess-
um fimm,“ segir hann. Þá segir
hann að einnig sé búið að teikna
stækkun á hótelinu um 20 her-
bergi en ekki verði ráðist í þær
framkvæmdir á þessu eða næsta
ári. -grþ
Fjórir sækja um
stöðu forstjóra
HVE
VESTURLAND: Fjórir um-
sækjendur eru um embætti for-
stjóra Heilbrigðisstofnunar
Vesturlands sem velferðarráðu-
neytið auglýsti laust til umsókn-
ar í byrjun nóvember síðastliðn-
um. Umsækjendur eru Birk-
ir Már Kristinsson sjúkraþjálf-
ari, Erna Einarsdóttir hjúkrun-
arfræðingur, Jóhanna Fjóla Jó-
hannesdóttir hjúkrunarfræð-
ingur og Jóhannes Finnur Hall-
dórsson viðskiptafræðingur.
Þriggja manna nefnd sem skip-
uð er af heilbrigðisráðherra í
samræmi við lög um heilbrigð-
isþjónustu metur hæfni um-
sækjenda um stöður forstjóra
heilbrigðisstofnana. Staðgeng-
ill forstjóra HVE er Ásgeir Ás-
geirsson, en fráfarandi forstjóri
er Guðjón S Brjánsson sem nú
tekur sæti á Alþingi.
-mm
Jóna Alla
komin áfram
AKRANES: Skagamærin
Jóna Alla Axelsdóttir heldur
áfram þátttöku sinni í þætt-
inum The Voice Iceland sem
sýndur er á sjónvarpi Sím-
ans. Það var mikil spenna
sem ríkti í þættinum síðast-
liðið föstudagskvöld þegar
Jóna Alla háði einvígi á móti
Alexöndru Dögg Einarsdótt-
ur, en þær eru tvær af yngstu
keppendum ársins. Stúlk-
urnar grættu feður sína og
þjálfarann sinn, Sölku Sól,
með flutningi sínum á El-
ton John laginu Your song.
Salka valdi á endanum Alex-
öndru áfram en þegar allt
virtist vera á enda hjá Jónu
Öllu ýtti þjálfarinn Unn-
steinn Manúel á hnappinn
og „stal henni“. Hún keppir
því áfram í The Voice Ice-
land, en nú í liði Unnsteins.
Næst þegar Jóna Alla stígur
á svið í keppninni mun hún
keppa á móti tveimur öðrum
í tríói, þar sem einn af þeim
kemst áfram en þjálfararn-
ir hafa einnig kost á því að
„stela“ í þeirri umferð.
-grþ
Björgunar-
sveitir
taka dróna í
þjónustu sína
VESTURLAND: Talsverð-
ur áhugi er meðal björgun-
arsveita á svæði 4 hjá Slysa-
varnafélaginu Landsbjörgu,
þ.e. á sunnanverðu Vestur-
landi, að kaupa dróna til að
nota við leit og björgun. Auk
þess að þjálfa upp mannskap
til að stýra tækjunum. Bún-
aður af þessu tagi hefur þeg-
ar sýnt sig að geti komið að
góðum notum við ákveðn-
ar aðstæður, til að mynda
við leit á Suðurlandi sumar-
ið 2014. Nýlega var haldinn
sameiginlegur fundur sveit-
anna í Borgarnesi þar sem
stofnaður var hópur fólks,
þvert á sveitir, sem hefur á
þessu áhuga. Lagt er upp
með að hver björgunarsveit á
starfssvæðinu fjármagni kaup
á einum dróna. Hópurinn í
heild myndi svo standa fyr-
ir þjálfun. Á fundi í Björgun-
arsveitinni Ok í Borgarfirði í
liðinni viku var samþykkt að
leggja 300 þúsund krónur til
kaupa á dróna. Þetta kemur
fram í fundargerð frá félags-
fundi í Oki.
-mm
Í byrjun næsta árs tekur gildi breyt-
ing sem snýr að lögum um veit-
ingastaði, gististaði og skemmt-
anahald. Meginmarkmið breyt-
inganna er að koma til móts við
þá þróun sem orðið hefur í fram-
boði gistirýmis. Til að skýra ýmis
atriði er snúa að lögunum var
nauðsynlegt að setja nýja reglu-
gerð sem kveður meðal annars
nánar á um skilyrði heimagisting-
ar og fleira og hafa drög að slíkri
reglugerð nú verið kynnt. Byggð-
arráð Borgarbyggðar fjallaði um
drögin á fundi sínum nýverið og
tók þar undir niðurstöður úr áður-
framlagðri umsögn Sambands ís-
lenskra sveitarfélaga um að drög-
in verði ekki samþykkt sem reglu-
gerð óbreytt. Þá leggur byggðar-
ráð fram athugasemdir varðandi
ellefu atriði. Meðal annars segir í
bókun byggðarráðs að vandséð sé
að drögin leiði til einföldunar á
því kerfi sem sér um leyfisveiting-
ar til veitinga- og gististaða, líkt og
reglugerðin átti að gera. Þá er bent
á í bókuninni að nauðsynlegt sé að
sveitarfélög geti gert kröfu um að
rekstaraðili og leigusali sýni fram á
að næg bílastæði séu við gististaði
og í grennd við gististað.
Kröfur til sveitarfélaga
aukast
Fleiri ábendingar eru í bókun byggð-
arráðs varðandi reglugerðardrögin.
Þar stendur meðal annars: „Í ákvæði
1. mgr. 39. gr. reglugerðardraganna
er gert ráð fyrir að sýslumaðurinn á
höfuðborgarsvæðinu sé eftirlitsaðili
með allri heimagistingu á landinu.
Að áliti byggðarráðs er eftirliti og
skráningu betur háttað með aðkomu
staðbundinna stjórnvalda, þ.e. hverju
sýslumannsembætti til að tryggja
yfirsýn, virkt eftirlit og að upplýs-
ingar skili sér og verði aðgengileg-
ar.“ Einnig bendir byggðarráð á að
ef reglugerðardrögin gangi óbreytt
eftir er einsýnt að kröfur á sveitarfé-
lögin muni aukast er varðar umsýslu
með umsagnir. „Það getur ekki sam-
ræmst góðri og skilvirkri stjórnsýslu
að hafa einn eftirlitsaðila með allri
heimagistingu vítt og breitt um land-
ið. Í fjölmörgum greinum í II. kafla
reglugerðarinnar er ýmis upptalning
á búnaði gististaða m.a. stærð rúma,
lampa, sápu og vatnsglass o.fl. Varla
er það skynsamleg verkaskipting að
vera með lögreglu og sýslumenn í að
fylgja eftir framangreindum þáttum.
Nær væri að koma umræddum kröf-
um fyrir í hollustuháttareglugerð
þar sem heilbrigðisnefndir sveitar-
félaga hafa nú þegar reglulegt eftir-
lit með viðkomandi starfsemi,“ segir
jafnframt í bókun byggðarráðs.
Tekur undir með
Sambandi íslenskra
sveitarfélaga
Þá óskar sveitarfélagið Borgarbyggð
eftir því að leitast verði við að svara
tveimur þáttum áður en farið verð-
ur í útgáfu reglugerðarinnar. Annars
vegar vill sveitarfélagið að lagt verði
mat á hve tekjur sveitarfélaga skerð-
ast mikið vegna minnkaðra fast-
eignagjalda sbr. 12. gr. reglugerð-
arinnar. Hins vegar óskar sveitarfé-
lagið eftir því að kostnaðarmat fáist
við uppbyggingu og rekstur miðlægs
gagnagrunns vegna eftirlits sýslu-
mannsembættisins á höfuðborgar-
svæðinu með heimagistingu um land
allt sbr. 39. gr. „Byggðarráð tek-
ur að öðru leyti undir framkomnar
athugasemdir Sambands íslenskra
sveitarfélaga við þau reglugerðar-
drög sem hafa verið kynnt og legg-
ur til að drögin verði ekki samþykkt
sem reglugerð óbreytt.“ grþ
Vilja breytingar á reglugerðar-
drögum um heimagistingu
Meðal annars er lagt til að sýslumenn ákveði
sáputegundir á gististöðum