Skessuhorn - 29.03.2017, Blaðsíða 4

MIÐVIKUDAGUR 29. MARS 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Heiðar Lind Hansson hlh@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Baldinn óþekktarormur
Það á ekki af okkur að ganga, þessari litlu þjóð norður í höfum. Við erum
að springa af stolti, erum enn að fagna sjálfstæðinu sem við fengum í orði
kveðnu við stríðslok, en alltaf að kljást við afleiðingar þess að vera of lítil og
fámenn til að ráða almennilega við okkar mál. Nú síðast á mánudaginn kom í
ljós að vegna gengis krónunnar gagnvart helstu viðskiptalöndum okkar, erum
við að tapa störfum. Nú skal fiskvinnslufólkið hjá HB Granda á Akranesi fá
að taka pokann sinn. Það er allt í einu orðið of dýrt að hafa það í vinnu. Fólk-
ið sem í 111 ár hefur skapað ómæld verðmæti fyrir fyrirtækið sitt, samfélagið
og landið allt. Þá má í annarri frétt í blaðinu í dag lesa að bændum er einn-
ig boðuð enn frekari kjaraskerðing, af því kjötið sem þeir framleiða er ekki
að seljast á viðunandi verði úti í heimi. Innanlandsneyslan ein og sér dugir
ekki til að kjör þeirri verði þau sömu og á síðasta ári. Þá hefur komið fram
að ferðamenn eru jafnvel hættir að kaupa stórsteikur á veitingahúsum sökum
sterkrar krónu og láta nú frekar duga ódýrari mat. Allt eru þetta afleiðingar af
óstöðugu gengi íslensku krónunnar sem nú um stundir virðist standa sterkar
en æskilegt má telja. Já, okkur virðist vera fyrirmunað að höndla með okkar
eigin peningamál, stoltið er skynseminni yfirsterkari.
Það er þekkt að sterk króna eykur kaupmátt almennings en veikir um leið
samkeppnisstöðu allra útflutningsgreina sem sækja á alþjóðlega markaði,
hvort sem það er með kjöt, fisk eða innflutning ferðafólks. Með sama hætti
hjálpar veik króna útflutningsgreinum en þrengir að kjörum almennings sem
fá laun sín greidd í krónum. Almenningur sveiflast með og verður að sætta
sig við kjör sín hverju sinni, en fyrirtæki í útflutningi verða í sínu góðæri með
veikri krónu að leggja til mögru áranna. Þar hefur hnífurinn ef til vill staðið
í kúnni, ef marka má nýjustu tíðindi af sölu fiskafurða. Ef maður veltir fyrir
sér þróun peningamála síðustu árin kemur krónan ítrekað við sögu. Gengi
hennar er eins og óþekkur krakki sem aldrei getur setið kjurr né tekur til-
sögn. Tilsögnin í þessu tilfelli er til dæmis okurvaxtastigið sem Már og fé-
lagar halda uppi í Seðlabankanum, gengi annarra gjaldmiðla, nú eða verð-
bólgu. Til marks um óstöðugleika þessa óþekktarorms má rifja upp stöðu
krónunnar miðað við til dæmis dollarann. Um 2006 fór hann niður fyrir 60
krónur, en síðan uppfyrir 160 krónur árin eftir hrun. Nú kostar einn doll-
ari 109 krónur og dugar það ekki til að fiskvinnsla standi undir sér. En þessi
óstöðugleiki gerir það nánast ómögulegt að reka íslensk fyrirtæki með ein-
hverju viti.
Sveiflur í gengi krónunnar leiða auk þess til árekstra milli atvinnugreina.
Ágreinings sem vonlaust er að leysa meðan krónan verður notuð sem mynt.
En vegna þess að krónan hefur verið þessi óþekktarormur lengi er óskiljan-
legt í mínum huga að stjórnmálamenn loki sífellt eyrunum fyrir þeim fórnar-
kostnaði sem þessu fylgir. Svo lengi sem þessi stefna um verðbólgumarkmið
er við lýði í Seðlabankanum er ekki við því að búast að nokkuð breytist. Nú
ber hins vegar svo við að þeir sem hafa verið hvað mest andvígir því að við
skoðum upptöku annars gjaldmiðils, eru að tapa. Þá er stutt í ramakvein um
aðgerðir; „fellið gengið“ er hrópað hástöfum og uppsagnarbréfum veifað. Og
til að kóróna allt í þeirri stöðu sem uppi er koma lífeyrissjóðirnir við sögu.
Þeir eru að skrifa nýjustu uppsagnarbréfin. Ja, svei!
Nei, ég held að það sé útséð með að geta talað fyrir kostum sjálfstæðrar
örmyntar eins og íslenskrar krónu. Meðan við Íslendingar ætlum að halda
í þennan óþekktarorm munum við búa við fáheyrðan vaxtamun, gengisó-
vissu, sveiflukennd utanríkisviðskipti og fjármálalegan óstöðugleika. Þessi
flotgengisstefna með verðbólgumarkmið að leiðarljósi er strönduð og dæmir
sig sjálf. Nú eigum við Íslendingar því tvo kosti. Vissulega þann að gera ekki
neitt og sætta okkur við sífellda árekstra atvinnugreina og almennings, eða
taka upp samræðu um annan gjaldmiðil og stjórnun peningamála eins þrosk-
uðum þjóðum sæmir.
Magnús Magnússon
Leiðari
Bæjarstjórn Grundarfjarðarbæjar
samþykkti nýverið á fundi að fella
tímabundið niður gatnagerðagjöld
vegna nýbygginga íbúðarhúsnæðis
í þéttbýli Grundarfjarðar. Nær
niðurfellingin til nýbygginga íbúð-
arhúsnæðis á lóðum sem standa við
þegar tilbúnar götur, hvort heldur
það eru einstaklingar eða fyrirtæki
sem hafa áhuga á því að byggja.
Tuttugu lóðir eru lausar í þétt-
býlinu og tilbúnar til afhendingar.
Auk þess eru lausar til afhendingar
iðnaðar- og athafnalóðir á athafna-
svæðinu vestan Kvernár, þó niður-
felling gatnagerðargjalda nái ekki
til þeirra.
„Með þessu erum við að reyna að
hvetja fólk til þess að byggja íbúð-
arhúsnæði í Grundarfirði, hvort
sem það eru einstaklingar eða
verktakar. Við bjóðum tímabundið
að gatnagerðargjöld verði frí á því
sem við köllum þéttingarlóðir. Það
eru lóðir sem þegar eru til staðar í
bænum og búið að leggja götur við.
Síðan þarf bara að skoða í hverju og
einu tilfelli hvaða húsagerðir passa
á þær lóðir sem sótt er um,“ seg-
ir Þorsteinn Steinsson bæjarstjóri í
samtali við Skessuhorn. Hann seg-
ir vanta íbúðarhúsnæði í Grundar-
firði. „Aðalatriðið með niðurfell-
ingu gjaldanna er að skapa hvata til
að koma af stað íbúðarhúsabygg-
ingum í samfélaginu. Það er vöntun
á slíku húsnæði hér í Grundarfirði.
Hér er nóg að gera, atvinnulífið í
fínum blóma en okkur vantar hús-
næði,“ segir Þorsteinn. Hann segir
koma til greina að fara í skipulags-
breytingar ef ske kynni að einhver
hafi áhuga á að reisa aðra húsagerð
en gert er ráð fyrir í deiliskipulagi.
„Ef lóðirnar bjóða upp á það, sem
er auðvitað mismunandi eftir lóð-
um, þá má skoða möguleika á því
að breyta skipulagi ef einhver hefur
áhuga á því að reisa lítið fjölbýlis-
hús, raðhús eða parhús. En það
verður bara að skoða slíkt í hverju
og einu tilfelli,“ segir Þorsteinn.
Niðurfelling gatnagerðargjalda
hefur þegar tekið gildi og að sögn
Þorsteins eru bæjaryfirvöldum
þegar farnar að berast fyrirspurn-
ir og umsóknir um lóðir. „Það eru
farnar að berast umsóknir þannig
að við sjáum strax að þetta virk-
ar. Síðan er bara spurning hversu
öflugur hvati niðurfellingin verð-
ur. Þetta er tímabundin tilraun
sem við vonum að komi til með
að örfa einstaklinga og verktaka til
dáða í byggingu íbúðarhúsnæðis í
Grundarfirði,“ segir bæjarstjórinn
að lokum.
kgk
Gatnagerðargjöld felld niður
tímabundið af íbúðarhúsnæði
Þorsteinn Steinsson bæjarstjóri með íbúðalóðir á bakvið sig. Ljósm. tfk.
Fimmtudaginn 16. mars síðastliðinn
boðaði sveitarstjórn Reykhólahrepps
til íbúafundar um lagningu ljósleið-
ara í dreifbýli hreppsins. Frá þessu
er greint á Reykhólavefnum. Ingi-
björg Birna Erlingsdóttir sveitarstjóri
fór yfir aðdraganda málsins, stöðuna
og næstu skref, en með lagningu ljós-
leiðara verða fjarskipti í Reykhóla-
hreppi bætt til muna. Eins og greint
hefur verið frá í Skessuhorn fékk
sveitarfélagið styrk að verðmæti 19
milljónir króna þegar úthlutað var úr
fjarskiptasjóði í gegnum verkefnið Ís-
land ljóstengt. Þar að auki fékk sveit-
arfélagið sérstakan byggðastyrk til
ljósleiðaravæðingar að verðmæti 6,5
milljónir króna. Með því að ganga
til samninga við Fjarskiptasjóð hef-
ur sveitarfélagið skuldbundið sig til
að ljúka ljósleiðaravæðingu dreifbýlis
hreppsins á þessu ári.
Lagður verður ljósleiðari til lög-
heimila þar sem er föst heilsársbúseta
og til fyrirtækja sem starfa allt árið
um kring, utan markaðssvæðis. Einn-
ig verður eigendum sumarahúsa gef-
inn kostur á að tengjast ljósleiðara-
kerfinu, en þurfa þá sjálfir að greiða
kostnað við langingu og tengingu
heimtaugarinnar, auk stofngjaldsins
sem allir þurfa að greiða sem vilja
tengjast ljósleiðara. Gróf kostnaðar-
áætlun liggur fyrir og þessa dagana er
unnið að hönnun kerfisins með ráð-
gjöf Rafvers hf. Heildarlengd ljós-
leiðarans verður 73,5 km og talið er
líklegt að tengingar verði 76 talsins.
Heildarkostnaður við verkið er 80
milljónir króna og heildarkostnaður á
hverja tengingu 950 þúsund krónur.
Næstu skref í ljósleiðaravæðingu
Reykhólahrepps eru að ljúka hönn-
un kerfisins, ræða við Vegagerðina,
skipuleggja samstarf við Orkubú
Vestfjarða og afla leyfa og umsagna.
Tilkynna þarf framkvæmdina til
ESA, eftirlitsdómstóls EFTA sem
og að sækja um leyfi landeigenda,
Vegagerðarinnar ef við á, og fá um-
sögn minjavarðar og veiðifélaga. Að
því loknu og mögulega fleiru þarf að
fá veitt framkvæmdaleyfi. Þá verð-
ur leitað til íbúa vegna ákvarðana
um lagnaleiðir og þátttöku þeirra í
verkefninu. Eyðublöð til að staðfesta
þátttöku í verkefninu verða aðgengi-
leg rafrænt á vefsíðu sveitarfélagsins
en einnig á pappírsformi á skrifstofu
hreppsins. Reykhólahreppur gerir ráð
fyrir því að verkefnisstjóri verði ráð-
inn að framkvæmdinni. „Ingibjörg
Birna vill endilega hvetja fólk til að
hafa samband ef frekari upplýsingar
vantar, eða koma athugasemdum á
framfæri. Þetta er í raun sameiginlegt
verkefni okkar allra í sveitinni,“ segir
á Reykhólavefnum.
kg
Íbúafundur um ljósleiðara
í Reykhólahreppi
Reykjanes, svæði 1 í ljósleiðaravæðingu dreifbýlis Reykhólahrepps.