Skessuhorn - 29.03.2017, Blaðsíða 28

MIÐVIKUDAGUR 29. MARS 201728
Í síðustu viku mátti heyra pistil í
Speglinum á RÚV sem fjallaði um
góð áhrif trjáa og annars gróðurs á
fólk. Í pistlinum var vitnað í rann-
sóknir umhverfisstofnunar Evrópu
sem aftur var samantekt úr mörgum
rannsóknum í Evrópu. Þar kom fram
að aðgangur að skógum og grónum
svæðum hefur mikil heilsubætandi
áhrif, lengir líf fólks, dregur úr hættu
á þunglyndi og offitu og hefur heilsu-
bætandi áhrif á ófrískar konur. Í pistl-
inum kom fram að mikil og góð áhrif
náttúrunnar á heilsu fólks hafi ver-
ið vanmetin og að dvöl í náttúrunni
dragi úr ofnæmi og efli sjálfsvirðingu
manna.
Mér þóttu þetta ekki vera nýjar
fréttir, aðeins staðfesting á því sem
manni hefur verið sagt frá barnæsku.
Ég man ekki betur en að þetta hafi
verið kennt í barnaskóla fyrir margt
löngu nema hvað þá var lítið fjallað
um tré sem á þeim tíma voru lítil og
sjaldséð í henni Reykjavík þar sem ég
ólst upp. Í gömlu heilsufræðinni var
kennt að útivera væri talin nauðsyn-
leg fyrir alla. Ennþá er kennt í skól-
um að útvera sé ágæt en í raun hef-
ur sífellt meiri áhersla og peningar
farið í að byggja íþróttahús og -hallir
sem gagnast inniíþróttum og sérstak-
lega afreksíþróttum. Útivistarsvæði
og göngu- og hjólreiðastígar hafa
orðið útundan hjá flestum sveitar-
félögum, þó slík svæði gagnist öllum
og séu miklu ódýrari en íþróttahall-
irnar. Ekki hef ég neitt á móti íþrótta-
höllum svo fremi sem þær sogi ekki
peninga frá öðrum nauðsynlegum út-
gjöldum sveitarfélaganna. Uppbygg-
ing útivistarsvæða gagnast öllum og
er miklu ódýrari en dýrt húsnæði.
Það þarf bara að bretta upp ermarnar
og hefja framkvæmdir. Og við mynd-
um uppskera ríkulega í bættri heilsu
almennings og betra mannlífi.
Útivistarsvæði á
Skaganum
Ég skrifaði grein í Skessuhorn 2012
um þörfina á göngu- og hjólreiðastíg
meðfram þjóðveginum til Akraness.
Lítið hefur gerst í því máli nema hvað
lagðir hafa verið reiðstígar. Við sem
viljum efla útivist á Skaganum í þágu
alls almennings þurfum að þrýsta á að
göngu- og hjólreiðastígar verði lagð-
ir þarna og helst fá slíka stíga upp að
Akrafjalli. Í Slögu, skógræktarsvæði
Skógræktarfélags Akraness, kemur
vaxandi fjöldi fólks til að njóta úti-
vistar. Skógræktarfélagið hefur reynt
að endurbæta stíga þarna og hefur
vilja til að gera slíkt hið sama á skóg-
ræktasvæðinu meðfram þjóðvegin-
um. Við höfum m.a. sótt um styrki
frá Akranesbæ og ýmsum fyrirtækj-
um til að kaupa traktor sem myndi
auðvelda okkur vinnu við göngustíga
og útivistarsvæðin og auðvitað í skóg-
ræktinni. Það má deila um það hvort
bláfátækt skógræktarfélag eigi að sjá
um göngu- og hjólreiðastíga sem oft-
ast eru í umsjá sveitarfélaganna. En
sum sveitarfélög hafa gert þjónustu-
samning við skógræktarfélög um að
sjá um göngu- og hjólreiðastíga og
virðist það ganga vel. Hvernig sem
Skagamenn vilja haga þeim málum þá
er Skógræktarfélag Akraness reiðu-
búið til að leggja sitt af mörkum til
eflingar útivistarsvæða Skagamanna
og stuðla þannig að bættri heilsu al-
mennings.
Öflug skógrækt. Hugur
í skógræktarfólki
Skógræktarfélag Akraness stefnir að
því að gróðursetja rúmlega 20 þús-
und tré í ár. Við höfum sótt um við-
bótarlandsvæði fyrir neðan Slögu. Þar
höfum við sótt um svæði frá því fyr-
ir 2009 og yfirleitt fengið góðar und-
irtektir en ekki hefur náðst að ganga
frá samningum af ýmsum ástæðum.
Við vonumst eftir að við getum hafið
skógrækt í sumar á að minnsta kosti
hluta þess svæðis sem við óskum eft-
ir. Þarna getur orðið hluti af útivist-
arsvæðum Skagamanna í framtíðinni.
Jafnframt höfum við óskað eftir að fá
til umráða smáhluta af skógræktar-
svæðum meðfram þjóðveginum sem
okkur var úthlutað 2002 en hesta-
eigendur hafa girt af til einkanota.
Skógræktarfélag Akraness er fé-
lag áhugafólks sem hefur verið
býsna duglegt í gegnum tíðina. Við
þurfum ekki mikla fjármuni í skóg-
ræktina, þar hafa margar starfsam-
ar hendur gróðursett tré án þess að
þiggja önnur laun fyrir en ánægjuna
og heilsubætandi útiveru. Við sumt
annað þurfum við meiri stuðning og
ber þar hæst stígagerð og útivistarað-
stöðu. Þar þurfum við fjárhagslegan
stuðning sveitarfélagins og annarra
sem eru aflögufærir. Þá finnst okkur
óneitanlega fara of mikill tími í girð-
ingavinnu og rollurekstur. En við því
er líklega ekkert að gera á meðan ekki
má banna lausagöngu búfjár? Ef tæk-
ist að fá eigendur búfjár til að bera
ábyrgð á sínum búpeningi þá hefðum
við skógræktarfólk meiri tíma og fé
til að sinna skógræktinni.
Í lokin hvet ég sem flesta til að
leggja okkur lið í skógræktinni með
því að ganga í félagið. Hvort heldur
fólk treystir sér til vinnu eða ekki þá
styrkir það félagið að gerast meðlim-
ur. Skrá má sig í félagið á heimasíðu
þess: http://www.skog.is/akranes/
Einnig má senda póst til jensbb@int-
ernet.is.
Jens Baldursson
Höf. er formaður Skógræktarfélags
Akraness
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Sprautu- og bifreiðaverkstæði
Sólbakka 5, Borgarnesi • 437-1580 • sbb@simnet.is
Tjónaskoðun – Bílamálun – Réttingar – Bílrúðuskipti
Þjónustum öll tryggingafélög
Borgarness
www.skessuhorn.is
Þjónustuauglýsingar
Skessuhorns
Auglýsingasími:
433 5500

Almennar bílaviðgerðir
Rúðuskipti
Smurþjónusta
Stjörnuviðgerðir á framrúðu
Dekkjaskipti og viðgerðir
Tölvulestur
Sólvellir 5 – Grundarfjörður – s: 438-6933 – kbbilav@simnet.is
Opnunartími 8-12 og 13-17 – Verið velkomin
Skyldur og ábyrgð velferðarráðu-
neytisins um forvarnir fellur undir
ábyrgðasvið heilbrigðisráðherra og
hann sem slíkur ber ábyrgð á for-
vörnum og lýðheilsu samkvæmt
forsetaúrskurði. Með lýðheilsu er
átt við aðgerðir hins opinbera og
annarra sem miða að því að við-
halda og bæta heilbrigði, líðan og
aðstæður einstaklinga, þjóðfélags-
hópa og þjóðarinnar í heild. Unnið
er að þessu með heilsueflingu, for-
vörnum og heilbrigðisþjónustu og
markmiðið er að efla og bæta lýð-
heilsu.
Nú liggur fyrir Alþingi frum-
varp til laga um að leyfa sölu áfeng-
is (bjórs, léttvíns og sterks víns) í
venjulegum matvöruverslunum.
Þetta er forgangsmál Sjálfstæðis-
flokksins á þingi og flutningsmað-
ur er Teitur Björn Einarsson, þing-
maður Norðvesturkjördæmis. Í
umræðu um áfengisfrumvarpið var
ráðherra spurður beint út, hvort
hann styddi frumvarpið. Ráðherra
svaraði því til að hann óskaði eftir
að frumvarpið fengi þinglega með-
ferð, fengi umsagnir frá almenn-
ingi, heilbrigðis- og félagsþjónustu,
aðilum í verslun og þjónustu og að
hann vildi sjá hvernig frumvarpinu
reiddi af áður en hann gæfi upp sína
endanlega afstöðu. Í umræðunni
vitnaði ráðherra í stjórnarsáttmála
ríkisstjórnarinnar, þar sem sérstök
áhersla er lögð á að draga skuli úr
beinum og óbeinum samfélags-
kostnaði með því
að efla starf á sviði
forvarna og lýðheilsu. Hann bætti
við að í mótun sé heilbrigðisstefna
sem samhæfir og treystir heilbrigð-
isþjónustuna, bætir lýðheilsu og
stuðlar að heilbrigði landsmanna.
Hann drap líka á að stóraukið að-
gengi að áfengi geti ekki samræmst
stefnu um lýðheilsu.
Ráðherra tók ekki beina afstöðu
gegn frumvarpinu í umræðunni.
Þar með gengur hann gegn öllum
þeim sem starfa að lýðheilsu og
forvörnum í landinu. Með afstöðu
sinni styður hann ekki þá aðila sem
berjast gegn frumvarpinu. Þetta
eru kaldar kveðjur til fjölda fólks
sem telur að með samþykkt frum-
varpsins muni áfengisneysla aukast
með ófyrirsjáanlegum afleiðing-
um. Verra er að ráðherra skuli ekki
geta staðið af festu í báða fæturna
í þessu máli, sem er að viðhalda og
bæta heilbrigði. Væntingar til heil-
brigðisráðherra eru þær að hann
taki skýra afstöðu gegn áhrifaöflum
sem berjast fyrir aukinni óheilsu og
verra heilsufari þjóðarinnar.
Það er haft á orði að ráðherra
eigi erfitt með að taka ákvarðan-
ir. Í þessu mikilvæga máli á að vera
auðvelt að taka af skarið og standa
af einurð með viðleitni okkar sem
bæta vilja heilsu almennings.
Guðjón S. Brjánsson,
alþingismaður
Ráðherra veldur
vonbrigðum
Pennagrein
Tré bæta heilsu
Pennagrein