Skessuhorn - 29.03.2017, Blaðsíða 18

MIÐVIKUDAGUR 29. MARS 201718
Stefán Skafti Steinólfsson var sæmd-
ur starfsmerki Ungmennafélags Ís-
lands á aðalfundi Ungmennafélags-
ins Skipaskaga sem haldinn var á
Akranesi á mánudaginn í síðustu
viku. Helgi Gunnarsson, fjármála-
stjóri UMFÍ, sótti fundinn fyrir hönd
hreyfingarinnar og afhenti Skafta
starfsmerkið fyrir vel unnin störf í
þágu ungmennafélagshreyfingarinn-
ar í gegnum árin. Skafti hefur verið
stjórnarmaður í Umf. Skipaskaga um
áraskeið, sat í stjórn UMFÍ eitt tíma-
bil og situr nú í stjórn SamVest fyrir
hönd Umf. Skipaskaga. kgk
Skafti sæmdur starfsmerki UMFÍ
Helgi Gunnarsson afhendir
Stefáni Skafta Steinólfssyni
starfsmerkið fyrir vel unnin
störf í þágu ungmennahreyf-
ingarinnar. Ljósm. UMFÍ.
Atvinnuvega- og nýsköpunarráðu-
neytið hefur birt skýrslu með nið-
urstöðum úttektar á Matvælastofn-
un þar sem farið er yfir starfsemi
stofnunarinnar, þróun, verklag og
leiðir til úrbóta. Skýrslan er unnin
af Bjarna Snæbirni Jónssyni og Ólafi
Oddgeirssyni sem falið var að gera
úttekt á starfsemi stofnunarinn-
ar í lok síðasta árs, í kjölfar Brún-
eggjamálsins. Í henni er farið yfir
tilgang verkefnisins og aðferðafræði
við framkvæmd úttektar. Rýnt er í
starfsemi Matvælastofnunar, fjölgun
verkefna og málaflokka sem stofn-
uninni hefur verið falið, vinnuálag
og mannauð til að sinna lögbundn-
um skyldum. Fyrirkomulag eftirlits
hérlendis er borið saman við fyrir-
komulag matvælaeftirlits og dýra-
velferðar í Evrópu. Brúneggjamál-
ið er sérstaklega skoðað og verklag
stofnunarinnar í dýravelferðarmál-
um. Þá eru lagðar fram tillögur að
úrbótum, s.s. tækifæri til úrbóta í
innra starfi stofnunarinnar, samein-
ingu eða samþættingu matvælaeftir-
lits Matvælastofnunar og heilbrigð-
iseftirlits sveitarfélaga og möguleika
á útvistun afmarkaðra verkefna til
sjálfstætt starfandi skoðunarstofa.
Skýrsluna má nálgast í heild sinni á
vef Matvælastofnunar.
„Matvælastofnun mun vinna
áfram með tillögur skýrsluhöfunda í
samstarfi við þriggja manna verkefn-
isstjórn sem ráðuneytið mun skipa í
kjölfarið með það að markmiði að
styðja frekar við starfsemi stofnun-
arinnar. Samhliða þeirri vinnu verð-
ur unnið áfram að nýjum lögum
um Matvælastofnun sem skilgreina
munu betur hlutverk stofnunarinn-
ar, skyldur og heimildir,“ segir í til-
kynningu.
mm
Úttekt á starfi Matvælastofnunar
Jón Einar Hjaltested nem-
ur íþróttafræði við Háskólann í
Reykjavík og hyggur á útskrift í
vor. Samhliða námi starfar Jón
sem einstaklingsþjálfari á Akra-
nesi. „Ég byrjaði að þjálfa á ára-
mótum og líkar vel. Þetta er það
sem ég vil gera í framtíðinni. Ég
ákvað að byrja á að þjálfa á meðan
ég er enn í skólanum til að þetta
væri komið aðeins af stað þegar ég
útskrifast. Þjálfunin hefur fengið
fínar undirtektir og stefnan er að
gera þetta í fullu starfi í framtíð-
inni,“ segir Jón. Hann tekur á móti
bæði einstaklingum og litlum hóp-
um, en leggur áherslu á að ekki sé
um eiginlega hópatíma að ræða.
„Þetta er einstaklingsþjálfun þó
hún fari oft fram í litlum hópum
og prógrammið einstaklingsmiðað.
Fólk er ólíkt og ef þeir sem mæta
saman eru ólíkir innbyrðis fá all-
ir gerólíkt æfingaplan. En ef ein-
hverjir eru á svipuðum stað þá fá
þeir prógramm sem er aðeins lík-
ara, en það verður aldrei eins því
allir eru mismunandi og með mis-
munandi markmið,“ segir hann.
Enn fremur leggur hann áherslu
á að viðskiptavinir hans hafi sjálfir
frumkvæði af því ef þeir vilji mæta
saman í hópum. „Ég set hópana
ekki saman sjálfur, fólk á að ráða
sjálft með hverjum það æfir og
stemningin í tímum er þá bara sú
sama og þegar fólk fer með vinum
sínum í ræktina. Mín upplifun er
sú að sumum líður betur með að
æfa með vinum sínum en ókunn-
ugum. Þetta snýst allt um að fólki
líði vel í ræktinni því þá er það lík-
legra til að halda áfram. Ég vil að
fólk haldi áfram, bæði á meðan það
hefur skráð sig í tíma hjá mér en
líka þó það hætti hjá mér,“ segir
Jón og bætir því við að litlir hópar
hafi fleiri kosti. „Því færri sem eru
á æfingunni þeim mun meiri at-
hygli getur þjálfarinn sinnt hverj-
um og einum. Fyrir vikið fær fólk
meira út úr æfingunni. Það hentar
mér vel, bæði vegna þess að ég er
að læra sjálfur og líka vegna þess
að ég vil gjarnan geta sinnt hverj-
um og einum af fullri athygli. Varið
nægum tíma í að kenna æfingarnar
og síðan fylgst með því hvort verið
sé að gera þær rétt, því röng lík-
amsbeiting getur leitt til meiðsla,“
segir Jón.
Afhuga fitumælingum
Þegar kemur að því að fylgjast
með árangri æfinganna beitir Jón
fyrst og fremst þrekprófum. Hann
kveðst lítið gera af því að láta fólk
stíga á vigtina, enda geri fólk slíkt
hvort eð er heima hjá sér. Þá reyn-
ir hann að sneiða frá fitumæling-
um, en mæling á fituprósentu er
ein af algengari mælistikum á ár-
angur fólks í ræktinni. Mér finnst
fitumælingum fylgir svo oft and-
legt bakslag. Ég hef oft lent í því
að fólk kemur til mín og vill fá
fitumælingu en verður síðan ósátt
við útkomuna. Það hélt ef til vill
að það kæmi betur út og líður illa
með niðurstöðuna. Það er kannski
ekki alveg það sem maður vill þeg-
ar fólk er að byrja í ræktinni,“ segir
hann. „Þess vegna legg ég yfirleitt
til að fitumælingunni verði frestað
og fólk einbeiti sér að því að mæta
á æfingar og standa sig vel í afkast-
aprófunum. Síðan má alveg skoða
fitumælingu einhvern tímann
seinna ef fólk vill. Fituprósenta
er ágætis mælitæki en mér finnst
alltof oft fylgja henni smá and-
legt bakslag. Það er mikilvægt að
fólki líði vel, ekki síst þegar það er
að byrja og þá vil ég frekar sleppa
fitumælingunni,“ segir hann.
Hneigðist að styrktar-
þjálfun í náminu
Sem fyrr segir mun Jón útskrif-
ast sem íþróttafræðingur frá HR í
vor. Hann ber náminu og skólan-
um vel söguna og kveðst alltaf hafa
haft áhuga á íþróttum. „Hins vegar
var ég ekkert hundrað prósent viss
hvaða stefnu ég myndi taka innan
íþróttafræðinnar þegar ég byrjaði.
En ég hef alltaf verið í kringum
íþróttir og lyftingar þannig að eft-
ir fyrsta árið þá tók ég stefnuna á
styrktarþjálfun og hef einbeitt mér
að henni í náminu,“ segir hann.
Lokaverkefni Jóns er einmitt á
því sviði. „Ég er að kanna árang-
ur einstaklingsmiðaðrar styrktar-
þjálfunar fyrir knattspyrnukonu,
frá undirbúningstímabili og fram
að keppnistímabili. Hún fer einnig
á styrktaræfingar hjá liðinu en æfir
bara aukalega hjá mér. Í fótbolt-
anum eru hópatímar með styrkt-
arþjálfara og sú er raunin í flest-
um liðsíþróttum,“ segir Jón. „Ég
er með eina stelpu í ÍA í styrkt-
arþjálfun, maður á mann. Pró-
grammið er algjörlega sniðið að
hennar þörfum og hún hefur þá
fulla athygli þjálfarans allan tím-
ann,“ segir hann. „Síðan fylgi ég
henni eftir í sumar eftir að tíma-
bilið hefst og æfingarnar breytast.
Hluti verkefnisins snýr að því að
tímabilaskipta lyftingaprógramm-
inu og kanna hvaða áhrif það hef-
ur. Aðal markmiðið er að bæta við
þá þekkingu, sem þegar er til stað-
ar, þegar kemur að tímabilskiptri
þjálfun fyrir knattspyrnufólk og að
einstaklingmiðuð þjálfun sé hugs-
anlega áhrifaríkur kostur.“
Góður valkostur
Þegar sá tími kemur verður Jón út-
skrifaður og ef allt gengur að ósk-
um farinn að starfa alfarið sem
einstaklingsþjálfari með bæði litla
hópa og einstaklinga. En að bjóða
eingöngu upp á fámenna hópa-
tíma og einstaklingsþjálfun virð-
ist stinga dálítíð í stúf við þá stefnu
sem skipulagðir líkamsræktartímar
hafa tekið síðustu ár, að minnsta
kosti eins og hún blasir við blaða-
manni, sem hreyfir sig sjald-
an (aldrei). Einstaklingstímar hjá
einkaþjálfurum hafa alltaf verið
til staðar en fjölmennir hópatímar
hafa verið að ryðja sér æ meira til
rúms á undanförnum árum og eru
vinsæll valkostur þeirra sem vilja
iðka reglulega líkamsrækt og hreyf-
ingu. Boot Camp og Crossfit tímar
hafa til dæmis sjaldan notið meiri
vinsælda, en þar eru jafnan mjög
margir að æfa saman. Aðspurð-
ur hvort hann telji einstaklings-
tíma vera það sem koma skal vill
hann ekkert fullyrða um það. „Það
eru margir sem finna sig í þannig
tímum, finnst gott að stunda sína
hreyfingu þar sem er margt ann-
að fólk og mikil stemning. Svona
tímar eru oft mjög skemmtileg-
ir og það er hið besta mál ef fólki
líkar það vel. Hins vegar eru ekki
allir sem finna sig í þannig tím-
um heldur vilja frekar mæta bara
með nokkrum vinum sínum. Þetta
snýst allt um að fólki líði vel. Það
er gott að hafa val og þriggja til
fjögurra manna æfingar eru góður
valkostur fyrir þá sem kjósa það,“
segir Jón. „Ef einhver hefur áhuga
á að prófa, hvort sem er tveir eða
fjórir saman eða bara einn þá hvet
ég þá til að hafa samband við mig
og við finnum tíma. Síðan má geta
þess að ég er í samstarfi við Krissý
Jónsdóttur og verslunina Ozone.
Þeir sem eru hjá mér í þjálfun fá
afslátt í spinningtímana hjá Krissý
og sömuleiðis ákveðin fríðindi á
íþróttafatnaði í Ozone,“ segir Jón
Einar Hjaltested að lokum.
kgk
„Snýst allt um að fólki líði vel í ræktinni“
Jón Einar Hjaltested, íþróttafræðinemi og einstaklingsþjálfari.
Tekið á því í tíma hjá Jóni Einari. Ljósm. eo.