Skessuhorn - 29.03.2017, Blaðsíða 14

MIÐVIKUDAGUR 29. MARS 201714
Veðurguðirnir voru í hátíðar-
skapi síðastliðinn miðvikudag þeg-
ar héraðsbúar fögnuðu 150 ára af-
mæli Borgarness. Af því tilefni hélt
sveitarstjórn sérstakan hátíðarfund
í Kaupangi, elsta húsi Borgarness,
en í húsinu er nú rekin ferðaþjón-
usta í nafni Egils Guesthouse. Björn
Bjarki Þorsteinsson forseti sveitar-
stjórnar stýrði fundi og var raun-
ar sá eini sem tók til máls. Fagnaði
hann góðu veðri á þessum hátíðis-
degi og sagði ánægjulegt að sjá að
velflestir verslunar- og þjónustu-
staðir sem og einstaklingar flögguðu
„þannig að fáni hékk við hún við
nær hvert hús,“ enda gátu þeir ekki
blaktað í logninu. Í ávarpi sínu sagði
Björn Bjarki meðal annars að 22.
mars væri stór dagur í Borgarnesi
og í samfélaginu öllu sem að Borg-
arbyggð stendur. „Í dag eru 150 ár
frá því að staðurinn fékk löggildingu
sem formlegur verslunarstaður. Það
var all nokkur aðdragandi að því að
verslunarstaður við Brákarpoll, eins
og verslunarstaðurinn var kallaður
fyrst í stað, varð að veruleika og því
varð það stór stund þegar eftirfar-
andi yfirlýsing var gefin út: „Sam-
kvæmt þegnlegum tillögum alþing-
is hefir Oss allramildilegast þóknazt
að löggilda verzlunarstað á Borg-
arnesi við Brákarpoll í Mýrasýslu í
vesturumdæminu á Íslandi.“
Brákarpollur en
síðar Borgarnes
Þessi orð er að finna í verslunar-
leyfi dönsku krúnunnar um verslun
í Borgarnesi sem undirrituð var ná-
kvæmlega fyrir 150 árum síðan, 22.
mars 1867. Það kom í hlut Friðriks
Danaprins að skrifa undir leyfið í
umboði föður síns, Kristjáns IX, (9),
sem var fjarverandi. Með því fengu
bændur í Mýra- og Borgarfjarð-
arsýslu draum sinn uppfylltan um
ásættanlegan verslunarstað heima í
héraði og forsendur sköpuðust fyr-
ir myndun byggðar í Borgarnesi.
„Það má þakka eftirfylgni bænda
í héraðinu að svo varð og við lest-
ur á lýsingum á aðdraganda þess má
sjá að það var engu minni pólitík þá
en nú er. Eins og ég sagði hér rétt
á undan þá gekkst verslunarstaður-
inn fyrst í stað undir nafninu Brák-
arpollur og það er ekki fyrr en 1885,
tæpum 20 árum eftir að staður-
inn varð löggiltur verslunarstaður,
að nafnið Borgarnes er notað sem
heiti á staðnum í opinberum versl-
unarskýrslum, nafnið sást þó fyrst á
prenti árið 1864 í grein séra Þorkels
Eyjólfssonar á Borg á Mýrum,“ rifj-
aði Björn Bjarki upp.
Þrjár tillögur á
afmælisfundi
Þá sagði hann frá útgáfu Sögu Borg-
arness sem brátt kemur út í tveimur
bindum. Þakkaði hann öllum sem
komu að útgáfunni; allt frá þeim
sem áttu hugmynd að verkinu, rit-
nefnd og höfundum. Afmælisnefnd
hefur verið að störfum frá því síð-
asta haust og hefur hún haft veg og
vanda að því að útbúa og undirbúa
dagskrá á afmælisárinu, en hátíð-
arhöld verða meðal annars laugar-
daginn 29. apríl þegar Saga Borg-
arness kemur formlega út og forseti
Íslands heimsækir Borgarnes.
Í tilefni afmælisins samþykkti
sveitarstjórn formlega þrjár tillög-
ur. Í fyrsta lagi að taka formlega
fyrstu skóflustunga að viðbyggingu
og endurbótum við Grunnskól-
ann í Borgarnesi og var það gert
að loknum fundi sveitarstjórnar. Þá
samþykkti sveitarstjórn að sérstök
áhersla verði lögð á bættar aðstæð-
ur til hreyfingar og útivistar í þeim
umhverfisverkefnum sem fyrirhug-
aðar eru á yfirstandandi ári. Það
er gert í beinu framhaldi af sam-
þykkt sveitarstjórnar um Borgar-
byggð sem Heilsueflandi samfé-
lag. Loks ákvað sveitarstjórn að
afhenda Björgunarsveitinni Brák
lóð að Fitjum án greiðslu gatna-
gerðargjalda í sambandi við fyrir-
hugaða nýbyggingu sveitarinnar á
aðstöðuhúsi fyrir starfsemi henn-
ar. Lóðin verður nánar staðsett og
mæld út við útfærslu deiliskipulags
á svæðinu, lóðarstærð verði allt að
2000 fermetrar fyrir 600 fermetra
hús. Með þessu framlagi vill sveit-
arstjórn þakka björgunarsveitinni
og öllu þeim sjálfboðaliðum sem að
starfi hennar koma og hafa komið
fyrir ómetanlegt framlag og stuðn-
ing við samfélagið.
Að lokum sagði forseti sveitar-
stjórnar: „Við erum rík af mannauði
hér í sveitarfélaginu öllu, hjálpumst
að við að gera Borgarbyggð að enn
betri stað til að búa í og starfa með
samstöðu, jákvæðni og framsýni að
vopni, samfélaginu öllu til heilla.“
mm
Fánar héngu við hún á afmæli Borgarness
Hátíðleg stemning í Borgarnesi á 150 ára afmælinu
Hátíðarfundur sveitarstjórnar Borgarbyggðar var haldinn í Kaupangi, elsta húsi
bæjarins.
Sveitarstjórn Borgarbyggðar ásamt sveitarstjóra utan við Kaupang. Það voru yngstu og elstu nemendur Grunnskólans í Borgarnesi sem
hjálpuðust að við að taka fyrstu skólflustunguna að viðbyggingu
við skólann sem hýsa á m.a. hátíðarsal og mötuneyti.
Horft frá skólaholtinu á afmælisdaginn, yfir íþróttamiðstöðina sem stendur við Dílatangavík og Borgarvog. Á veðurskilti á
húsgaflinum sést að hitinn var 0 gráður og lognið var algjört.
Hringur samheldni og gleði myndaður við Grunnskólann í Borgar-
nesi eftir að skóflustunga að stækkun var tekin.
Einar Örn Einarsson formaður Björgunarsveitarinnar Brákar tók við
gjafabréfi sveitarstjórnar um lóð í Fitjalandi undir nýja björgunar-
miðstöð. Brák á einmitt sama afmælisdag og Borgarnes, en sveitin
var stofnuð 22. mars 1949.
Theodóra Þorsteinsdóttir tónlistarskólastjóri og nokkrir 9 ára nem-
endur hennar fluttu frumsamið lag eftir Theodóru sem þau færðu
Borgarnesi að gjöf í tilefni afmælisins.
Á ljósmyndasýningunni Tíminn í gegnum linsuna, sem opnuð var
í Safnahúsinu, gefur að líta 50 ljósmyndir eftir fjóra ljósmyndara.
Á þessari mynd koma tveir þeirra við sögu. Theódór Þórðarson
tók mynd af Júlíusi Axelssyni taka mynd af Vigdísi Finnbogadóttur
og Sigrúnu Símonardóttur sumarið 1992. Þórður Sigurðsson yfir-
lögregluþjónn fylgist með.
Svanur Steinarsson í Framköllunarþjónustunni og Ragnar Frank
Kristjánsson standa hér við nokkrar gamlar ljósmyndir úr Borgar-
nesi, sem Svanur hefur prentað út eftir filmum sem Björk Halldórs-
dóttir fann og eru úr fórum föður hennar Halldórs Sigurðssonar.
Fjölskylda saman við opnun ljósmyndasýningar. F.v. Birta Líf,
Heiðar Lind, Gunnhildur Lind, Sveinbjörg Stefánsdóttir og Hans
Egilsson sem heldur á Kristbjörgu Lind.
Við opnun sýningar í Safnahúsinu. Birna G Konráðsdóttir for-
maður ritnefndar um Sögu Borgarness og Guðrún Jónsdóttir
forstöðumaður Safnahúss.