Skessuhorn - 29.03.2017, Blaðsíða 23

MIÐVIKUDAGUR 29. MARS 2017 23
Kistan, flokkunarstöð er nafn á nýju
sorpflokkunarfyrirtæki sem HB
Grandi hefur komið á fót við Vest-
urgötu 4 á Akranesi og var formlega
opnað síðastliðinn fimmtudag. „Við
lítum á sorpflokkunarstöð á Akra-
nesi sem töluverð tímamót í starf-
semi félagsins en nú er svo komið
að allt sorp sem fellur til við rekst-
urinn er nú flokkað, bæði sorp í
landi og af skipum félagsins,“ sagði
Vilhjálmur Vilhjálmsson forstjóri í
ávarpi sem hann flutti við formlega
opnun stöðvarinnar. „Við teljum
okkur skylt að ganga um umhverfi
okkar af eins mikilli ábyrgð og okk-
ur er unnt. Af fenginni reynslu á
Vopnafirði og í Reykjavík var okk-
ur ljóst að við gátum með flokkun-
arstöð sem þessari komist hjá því að
urða tugi tonna af alls kyns endur-
nýtanlegu efni. Við viljum einfald-
lega sýna viljann í verki og því er
þessi starfsemi hér komin,“ sagði
Vilhjálmur. Hann bætti því við í
samtali við Skessuhorn að pen-
ingalega myndi starfsemi sem þessi
seint standa undir sér, en virðing við
sorpflokkun og aukin umhverfisvit-
und væri samfélagsverkefni sem all-
ir ættu að hafa í hávegum.
Efnt var til hugmyndasamkeppni
um nafn á nýju flokkunarstöðina
og gafst starfsmönnum fyrirtækis-
ins kostur á að leggja í púkkið. 132
starfsmenn nýttu sér það og skiluðu
368 tillögum. Dómnefnd fór yfir þær
og veitti þeim tveimur starfsmönn-
um sem komu með nafnið „Kistan,
flokkunarstöð“ peningaverðlaun, að
upphæð 100 þúsund krónur. Verð-
launahafarnir voru þær Evelyn R
Sullivan og Hugrún Sigurðardótt-
ir, sem starfar hjá Norðanfiski. HB
Grandi veitti einnig við sama tilefni
Bláa hernum styrk að upphæð ein
milljón króna til umhverfishreins-
unar. Vilhjálmur gat þess að Blái
herinn hefði verið óþreytandi við
að hreinsa rusl úr fjörum við landið
undanfarin tuttugu ár og ætti sann-
arlega skilinn stuðning við það góða
starf. Tómas J Knútsson, forráða-
maður Bláa hersins, veitti styrkn-
um viðtöku og þakkaði fyrir stuðn-
inginn. Tómas sagði mengun við
strendur landsins mikla og því væru
verkefni Bláa hersins nær óþrjót-
andi. Það væri með ólíkindum það
magn sorps sem hent væri í sjóinn.
Sem dæmi um nauðsyn hreinsun-
ar úr fjörum nefndi Tómas að fyrir
nokkrum árum var fjaran á hundr-
að metra kafla í nágrenni slippsins
á Akranesi hreinsuð og hafi safnast
fjögur tonn af sorpi.
Sævar Freyr Þráinsson, bæjar-
stjóri á Akranesi, ávarpaði samkom-
una og óskaði HB Granda til ham-
ingju með nýju flokkunarstöðina.
Gat hann þess að fyrirtækið væri til
sóma í öllu sem sneri að umhverfis-
málum og það væri þakkarvert fyrir
íbúa á Akranesi þegar svo stórt fyr-
irtæki í bæjarfélaginu sýndi frum-
kvæði í umhverfismálum.
mm
Skíðasvæði Snæfellsness hélt aðal-
fund sinn fimmtudaginn 23. mars.
Það var farið yfir skýrslu stjórnar,
ný stjórn kjörin og rætt um fram-
tíðarhorfur félagsins. Rut Rúnars-
dóttir var kjörin formaður, Hólm-
fríður Hildimundardóttir gjaldkeri
og Rósa Guðmundsdóttir ritari.
Meðstjórnendur eru svo þau Guð-
mundur Pálsson, Jón Pétur Péturs-
son, Arnar Kristjánsson, Haukur
Árni Hjartarson og Guðrún Hrönn
Hjartardóttir.
Á árinu 2016 var mikið í gangi
hjá skíðadeildinni. Eftir síðasta vet-
ur var farið í að kaupa 70 ný sæti á
lyftuna, vírinn í lyftunni endurnýj-
aður og notaður snjótroðari keypt-
ur. Þetta átti allt að gerast á 2-3
árum en var klárað á einum vetri
með dyggum stuðningi einstak-
linga og fyrirtækja á svæðinu. Sér-
stökum þökkum var komið til vél-
stjóra og sjómanna sem létu hend-
ur standa fram úr ermum á meðan
sjómannaverkfallið stóð yfir. Næsta
sumar er stefnt á að drena skíða-
brekkuna og jafnvel nota uppgröft-
inn í að gera einfaldar snjógildrur.
Svo eru uppi hugmyndir um bygg-
ingu á húsnæði fyrir snjótroðarann.
Það er því ljóst að mikill hugur er í
skíðaáhugamönnum í Grundarfirði
þó að veturinn hafi verið óvenju
snjóléttur.
tfk
Aðalfundur skíðafélagsins
í Grundarfirði
Hugaður brettakappi í grundfirskri brekku.
Freisting vikunnar
Kjúklingur býður upp á ótrúlega
fjölbreytta möguleika þegar kem-
ur að uppskriftum. Hægt er að
leika sér með matinn og galdra
fram ótal fjölbreytta og bragðgóða
rétti. Þessi er sérlega bragðgóður
og spila döðlurnar stórt hlutverk
þar, enda gefa þær réttinum sætt
bragð sem passar einstaklega vel
með kjúklingnum og spínatinu.
Rétturinn er tiltölulega fljótleg-
ur í vinnslu, sér í lagi ef notaður
er kjúklingur sem búið er að elda
fyrirfram. Rétturinn er einnig ein-
staklega góður daginn eftir og er
þá gott að setja hann í vefjur með
smá salsasósu og sýrðum rjóma.
Kjúklingur með spínati, beikoni
og döðlum
1 heill eldaður kjúklingur eða fjórar
eldaðar kjúklingabringur
150 gr spínat
100 gr beikon smátt skorið
1 - 2 lúkur döðlur, smátt skornar
3 - 4 pressuð hvítlauksrif
1 msk. oregano þurrkað
3 dl vatn
2 dl rjómi eða kókósrjómi
1 kjúklingateningur
½ grænmetisteningur
Ritzkex
Fetaostur
Rifinn ostur
Aðferð:
Skerið döðlur og beikon smátt.
Brúnið beikonið á pönnu og bæt-
ið svo hvítlauknum við og steikið í
augnablik. Því næst eru döðlurn-
ar settar á pönnuna, ásamt vatni og
kryddi og látið malla í smá stund.
Bætið þá rjómanum á pönnuna og
sjóðið sósuna niður í nokkrar mín-
útur.
Leggið spínat í botn á eldföstu
móti og stráið kjúklingnum yfir.
Hellið sósunni yfir kjúklinginn og
passið að döðlurnar og beikonið
dreifist jafnt yfir. Dreifið smá feta-
osti yfir og myljið Ritzkex yfir allt.
Setjið því næst rifinn ost yfir allt
saman og bakið í ofni þar til ostur-
inn er gylltur. Best borið fram með
hrísgrjónum og salati. grþ
Kjúklingur sem leikur við bragðlaukana
HB Grandi opnaði nýja flokkunarstöð á Akranesi
Hópur fólks var viðstaddur opnun Kistunnar.
Evelyn R Sullivan var ánægð með sigur í nafnasamkeppninni. Hér er hún ásamt
Vilhjálmi Vilhjálmssyni og Pétri Þorleifssyni framkvæmdastjóra Norðanfisks sem
veitti verðlaunum viðtöku fyrir hönd Hugrúnar Sigurðardóttur.
Sævar Freyr Þráinsson bæjarstjóri. Tómas J Knútsson forsvarsmaður Bláa hersins tók við styrknum. Hér er hann
ásamt Vilhjálmi Vilhjálmssyni.