Skessuhorn - 04.10.2017, Blaðsíða 11

MIÐVIKUDAGUR 4. OKTÓBER 2017 11
Sex efstu hjá
Bjartri framtíð
Stjórn Bjartrar framtíðar sam-
þykkti á mánudaginn sex efstu
á framboðslistum í öllum kjör-
dæmum. Í Norðvesturkjördæmi
mun skipa efsta sæti listans Guð-
laug Kristjánsdóttir sjúkraþjálf-
ari, forseti bæjarstjórnar í Hafnar-
firði og stjórnarformaður Bjartr-
ar framtíðar. Í öðru sæti verður
Kristín Sigurgeirsdóttir skólarit-
ari í Tónlistarskóla Akraness, Elín
Matthildur Kristinsdóttir meist-
aranemi í þriðja, Gunnsteinn Sig-
urðsson þroskaþjálfi og kennari
í fjórða, Ásthildur Ósk Ragnars-
dóttir skólaliði og handverkskona í
fimmta og Ólína Ingibjörg Gunn-
arsdóttir hjúkrunarfræðingur í
sjötta sæti.
Flokkur fólksins
kynnti oddvitaefnin
Flokkur fólksins kynnti á laugar-
daginn væntanlega oddvita fram-
boðslista í öllum kjördæmum fyr-
ir komandi alþingiskosningar. Inga
Sæland formaður flokksins mun
leiða listann í Reykjavíkurkjör-
dæmi suður, en Ólafur Ísleifsson
hagfræðidoktor í Reykjavík norð-
ur. Í Norðvesturkjördæmi mun
Magnús Þór Hafsteinsson, rithöf-
undur og fyrrverandi þingmaður
fyrir Frjálslynda flokkinn, skipa
efsta sætið. Í Norðausturkjör-
dæmi mun séra Halldór Gunnars-
son verða í efsta sæti, Karl Gauti
Hjaltason í Suðurkjördæmi og
Guðmundur Ingi Kristinsson í
Suðvesturkjördæmi.
Gylfi hjá Viðreisn
Viðreisn stillir upp á lista í öll-
um kjördæmum og er búist við
að framboðslistar flokksins muni
liggja fyrir í lok vikunnar. Gylfi
Ólafsson, aðstoðarmaður fjár-
málaráðherra, sem skipaði efsta
sæti á lista flokksins í Norðvest-
urkjördæmi síðast, hefur sóst eftir
að skipa áfram oddvitasætið í NV
kjördæmi.
Önnur framboð
Til stóð í gærkvöldi, þriðjudags-
kvöld, að uppstillinarnefnd Vinstri
hreyfingarinnar græns framboðs í
NV kjördæmi legði fram tillögu
að lista á fundi með flokksfélög-
um í Bjarkalundi í Reykhólasveit.
Fundurinn var ekki hafinn þeg-
ar blaðið var sent í prentun. Sam-
kvæmt óstaðfestum heimildum
Skessuhorns átti þar að leggja til
að tvö efstu sætin á listanum yrðu
skipuð sama fólki og fyrir síð-
ustu kosningar, þ.e. Lilja Rafney
Magnúsdóttir alþm. í fyrsta sæti
og Bjarni Jónsson fiskifræðingur
yrði í öðru sæti.
Miðflokkurinn, nýtt framboð
Sigmundar Davíðs Gunnlaugs-
sonar, hefur þegar þetta er ritað
ekki staðfest neinn framboðslista á
landsvísu. Flokkurinn mun bjóða
fram undir listabókstafnum M.
Stjórnmálaaflið Dögun, sem
boðið hefur fram í síðustu al-
þingiskosningum, hefur ákveð-
ið að bjóða ekki fram á landsvísu
að þessu sinni. „Félagsmenn Dög-
unar í einstökum kjördæmum hafa
frjálsar hendur um framboð und-
ir listabókstaf flokksins. Þrátt fyr-
ir þessa niðurstöðu mun Fram-
kvæmdaráð Dögunar vera opið
fyrir því að ræða um samstarf á
grundvelli málefna Dögunar - við
þá sem að öðru leyti geta átt mál-
efnalega samleið,“ segir í tilkynn-
ingu.
Loks hefur Alþýðufylkingin
ákveðið að bjóða fram í fjórum
kjördæmum af sex. Hún mun ekki
bjóða fram í Norðvesturkjördæmi
og Suðurkjördæmi. „Eins og gefur
að skilja er erfitt fyrir flokk, sem
hefur ekki launaða starfsmenn,
að koma saman framboðslistum
þegar fyrirvarinn er jafn stuttur
og nú,“ segir í tilkynningu frá Al-
þýðufylkingunni sem mun kynna
lista sína á næstu dögum.
mm
Þetta er staðhæft í tillögu að svæðisskipulagi Dalabyggðar, Reykhólahrepps og
Strandabyggðar sem birt hefur verið á verkefnisvefnum www.samtakamattur.is.
Í tillögunni er sett fram sameiginleg stefna sveitarfélaganna um eflingu atvinnulífs
og byggðar með áherslu á nýtingu sérkenna og auðlinda svæðisins.
Svæðisskipulagstillagan verður kynnt á opnum fundum
í sveitarfélögunum þremur á næstunni:
Í Dalabúð, 10. október, kl. 20:00-21:30
Í Reykhólaskóla, 11. október, kl. 17:00-18:30
Í Félagsheimili Hólmavíkur, 12. október, kl. 17:00-18:30

Íbúar sveitarfélaganna og aðrir hagsmunaaðilar eru hvattir til að mæta.
Hægt er að senda inn ábendingar við tillöguna til 28. október 2017. Þær skulu stílaðar á:
Svæðisskipulagsnefnd Dalabyggðar, Reykhólahrepps og Strandabyggðar, b.t. formanns -
Ingibjargar Emilsdóttur, skrifstofu Strandabyggðar, Höfðagötu 3, 510 Hólmavík.
Einnig má senda ábendingar með tölvupósti til ingaemils@strandabyggd.is

Svæðisskipulagsnefnd
Reykhólahreppur Strandabyggð
„Hér njótum við hlunninda!“
SK
ES
SU
H
O
R
N
2
01
7
Hér má sjá fimm af sex oddvitum framboðslista Flokks fólksins á landsvísu. Á
myndina vantar Ingu Sæland. Ljósm. skjáskot af Sarpi RUV.
F.v. Guðlaug Kristjánsdóttir forseti bæjarstjórnar í Hafnarfirði sem leiðir lista
Bjartra framtíðar í NV kjördæmi og Kristín Sigurgeirsdóttir skólaritari sem skipar
annað sætið.
Lilja Rafney Magnúsdóttir mun sam-
kvæmt heimildum Skessuhorns áfram
skipa efsta sæti á lista VG í Norð-
vesturkjördæmi. Til stóð að staðfesta
endanlegan framboðslista á fundi í
gærkvöldi, sem ekki var ekki hafinn
þegar blaðið fór í prentun.
Dögun mun ekki bjóða fram á lands-
vísu en Alþýðufylkingin í fjórum
kjördæmum af sex.