Hlynur - 15.02.1978, Side 9

Þessar myndir eru úr sútunarverksmiðju Sambandsins á Akureyri. ( verksmiðjunum á Akureyri, eins og víðar, hafa marglr
starfsmenn unnið samfellt í fleiri áratugi og eiga stóran hlut í hinu blómlega samvinnustarfi f dag. Hver eru svo launin
að kvöldi? — Uppbrunninn lífeyrir í verðbólgubálinu.
máli gegnir, ef sá tími kemur að
lífeyrisþegar móti ákveðnar tillögur
í sínum málum, þá er þeim að
sjálfsögðu ómetanlegur styrkur að
stuðningi LÍS varðandi framgang
þeirra.
— F.iga lífeyrissjóðirnir að draga
úr íbúðalánum frá því sem nú er
og herða lánskjör?
— Pað er hætt við því að hvaða
leið sem valin er til að tryggja
lífeyrissjóðunum eðlilegan starfs-
grundvöll, þá komi það niður á
útlánastarfsemi þeirra til íbúða-
bygginga, meðan verðbólga geysar.
Verkefni sjóðanna er lífeyristrygg-
ing og komi sú staða upp að það
samrýmist ekki útlánaþættinum til
íbúðabygginga, þá verður sá þáttur
að víkja meðan svo er ástatt. Líf-
eyrissjóðirnir voru ekki myndaðir
til að sinna því verkefni og geta
það ekki, meðan verðbólgan æðir
áfram, nema með fullri verðtrygg-
ingu.
— Ertu bjarlsýnn á það, að kjör
lífeyrisþega verði bætt almennt á
næstunni?
— Ég er nú ekki ýkja bjartsýnn.
Sjóðirnir hafa brunnið upp í hönd-
um okkar undanfarna áratugi. Menn
hafa að vísu harmað þetta, en þar
við situr. Spurning er hvort nú
er að verða nokkur stefnubreyting
í alvöru. Haldi svipuð verðbólga
áfram næstu árin, finnst mér lík-
legt að svonefnt ,,gegnumstreymi“
lífeyrisbóta komi helst til greina.
Enn sem komið er á sú hugmynd
fáa formælendur og það ýtir ekki
undir mikla bjartsýni. — R. I.
Einn lífeyrissjóður fyrir
samvinnustarfsmenn
Einn af elstu lífeyrissjóðum
hér á landi og jafnframt einn af
þeim stærstu, er Lífeyrissjóður
SÍS. Um nokkur ár hefur Geir
Magnússon, framkvæmdastjóri
verið fulltrúi samvinnustarfs-
manna í stjórn sjóðsins og til
að fræðast um starfsemi sjóðs-
ins var Geir tekinn tali.
— Hvenær var Lífeyrissjóður SÍS
stofnaður?
— Sjóðurinn tók formlega til
starfa 1. janúar 1939, en þá hafði
aðalfundur SfS árið áður samþykkt
stofnun sjóðsins og lagði Samband-
ið fram eitt hundrað þúsund krón-
ur sem stofnframlag, ,en það mundi
samsvara rúmlega 55 milljónum
króna í dag, ef miðað er við kaup
hafnarverkamanna. Pá er einnig að
líta á það, að fastráðnir starfsmenn
voru þá aðeins nokkrir tugir.
Annars mun hafa verið farið að
ræða um stofnun lífeyrissjóðs fyrir
samvinnustarfsmenn um 1920, eftir
því sem Hallgrímur Sigtryggsson
hefur upplýst, en hann er nú einn
á lífi af þeim, sem hófu störf hjá
SfS fyrir 1920 og nokkrum sinnum
eftir það bar þetta mál á góma á
aðalfundum Sambandsins.
Pegar lífeyrissjóðurinn var loks
stofnaður, var það ekki síst fyrir
forgöngu ýmissa forráðamanna í
Sambandinu á þeim tíma, s. s.
Jóns Árnasonar, og fyrsti fulltrúi
starfsmanna í stjórn var Ragnar
Ólafsson, hæstaréttarlögmaður, sem
nú situr í stjórn sjóðsins, kjörinn
af aðalfundi Sambandsins, ásamt
Erlendi Einarssyni forstjóra.
— Hvað lögðu starfsmenn mikið
í sjóðinn á þeim tíma?
— Starfsmenn greiddu 3% og
HLYNUR 9