Heimsmynd - 01.12.1990, Page 14

UPPLJÓSTRANIR
ISLENSKAR SKALDSÖGUR SÆKJAI SIG VEÐRIÐ ... ROSAINGOLFSDOTTIR I NYRRI KVIKMYND
Úr myndinni Raunarsaga 7.15.
TIL HIMNA OG TIL BAKA
Unnið er að tökum á nýrri íslenskri stuttmynd, Raunarsögu
7. 15, þessa dagana. Það er Þrjúbíóhópurinn sem stendur að
baki þessu átaki en myndin er að öllu leyti fjármögnuð af
einkaaðilum. Að sögn Guðmundar Þórarinssonar kvikmynda-
gerðarmanns, sem bæði leikstýrir myndinni og er höfundur
handrits, fjallar hún um einn dag í lífi Normals nokkurs
Sveinssonar. Myndin hefst þegar hann vaknar klukkan 7. 15 að
morgni dags sem síðan reynist allt annað en „hans dagur“.
Þegar söguhetjan verður fyrir því óláni að verða manni að
bana færist fjör í leikinn og berst hann brátt yfir í aðrar víddir,
allt til himnaríkis og til baka.
Með helstu hlutverk fara Finnbogi Kristinsson sem leikur
Normal Sveinsson. Rósa Ingólfsdóttir, sem er landsmönnum
að góðu kunn úr sjónvarpi og útvarpi, leikur konu Normals.
Björn Ragnarsson fer með hlutverk Lykla Péturs og Einar Vil-
bergson leikur húsvörð í blokkinni þar sem Normal og frú búa.
Ráðgert er að hefja sýningar á myndinni um miðjan desemb-
er á þessu ári.
METSÖLUBÓKIN í ÁR?
Að mati útgefenda er talsverðra breytinga að vænta á jóla-
bókamarkaðinum í ár. Flestir eru þeir sammála um að blóma-
tími viðtalsbóka og æviminninga sé að renna sitt skeið.
En hvað skyldu bókaútgefendur ætla að selja okkur í ár?
Allt bendir til þess að íslenskar skáldsögur eigi eftir að seljast
vel. Útgefendur tala um mikinn uppgang í íslenskri skáld-
sagnagerð á undanförnum árum og veðja flestir á að vinsæl-
ustu bækurnar í ár verði: Meðan nóttin líöur eftir Fríðu Sig-
urðardóttur, Hversdagshöllin eftir Pétur Gunnarsson, Síðasta
orðið eftir Steinunni Sigurðardóttur, Rauðir dagar eftir Einar
Má og Fótatak tímans eftir Kristínu Loftsdóttur.
Bókaflóran nú er mjög fjölbreytileg, allt frá kynlífsbók dr.
Óttars Guðmundssonar, vættatali Árna Björnssonar, ævisögu
slenska kynlífsbókin.
Björns á Löngumýri, spennusögunni Fórnarpeð eftir Leó
Löve, þýddum skáldsögum eftir Milan Kundera, Isabel All-
ende og Dostojevski til grísku harmleikjanna í þýðingu Helga
Hálfdanarsonar sem setja punktinn yfir i-ið.
NÁÐARGÁFA TIL SÖLU
Dulspekiáhugi á íslandi hefur ekki farið dult síðastliðið ár.
Námskeið eru auglýst í gríð og erg og erlendir meistarar
heimsækja landið í tugavís. Hér eru á ferðinni reikinámskeið,
námskeið þar sem fólk á að fá vitneskju um sálarlíf, fyrri líf,
sálnagerð og ótal margt fleira. Líkja sumir þessari nýju áráttu
við instant kaffidrykkju, nú fái fólk alheimsvitneskjuna á
færibandi fyrir nokkur þúsund krónur - tugi þúsunda, jafnvel
hundruð þúsunda.
Borist hafa spurnir af því að einkaaðilar séu að fá hingað
til landsins bandaríska konu með reikinámskeið. Það ku vera
námskeið þar sem fólk er læknað með handayfirlögn og hug-
arorku. Þetta reikinámskeið mun vera ætlað fólki sem þegar
hefur tekið tvö námskeið af svipuðu tagi og er þátttökugjald
nú sagt vera hátt í 500 þúsund krónur á mann.
Þá var hér á ferðinni nýlega bandarískur kennari sem hélt
námskeið í sálnagerðum og er sagt að hann hafi haft um eina
og hálfa milljón króna upp úr krafsinu.
Því skal engan undra að sumir þessara námskeiðshaldara
koma hingað oft. Hér hafa þeir fundið galopin markað. Hitt
þykir mörgum verra að á stuttum tíma telja einhverjir íslend-
ingar sig vera orðna sérfræðinga á dulspekisviðinu og í að-
stöðu til að standa fyrir slíku námskeiðshaldi sjálfir. Þá er
kannski ekki hættulegast að þeir hafi nokkra seðla upp úr
krafsinu heldur hitt að hér er verið að fara með viðkvæm og
vandmeðfarin mál, sálarlíf fólks. Því er spurt hvort ekki sé
kominn tími á að kanna hvaða faglegu kröfur eigi að gera til
þeirra sem auglýsa námskeið af þessu tagi.
14 HEIMSMYND