Heimsmynd - 01.12.1990, Blaðsíða 18

sh mun talla i ami mcu m árið sovétríkin munu uusna o
—«'ev- »PP.»..»« — —
un valda óvæntum brevtingum.
EKKI STYRJÖLD
Hún rýnir í kristalkúluna, augnaráðið verður fjarrænt og
slaknar á öllum vöðvum. Hún lítur upp, í dökkum augunum
bregður fyrir bliki.
„Arið 1991 markar upphaf nýs tímabils í sögu mannkynsins.
Fólk mun verða þess áskynja að nýtt tímabil er gengið í garð
og heimurinn verður aldrei aftur samur. Þeir múrar, sem eftir
eru og aðskilja fólk, munu hrynja. Þeir sem vilja afturhvarf til
fortíðar munu tapa áhrifum og valdi. Mikil öfl eru í gerjun og
munu byrja að brjótast fram. Tími alheimsmælikvarðans er
upprunninn. Þúsund þjóðríki í ólíkum heimsálfum setja ekki
lengur svip sinn á líf jarðarbúa, heldur sú alheimsvitund, sem
er komin til sögunnar. En með opnun landamæra og hruni
menningarlegra múra og slökun á öllum hömlum munu millj-
ónir fátækra manna streyma fram og leita til auðugu tækni-
væddu landanna í norðri í leit að betra lífi og auknum tækifær-
um fyrir sig og börnin sín. Þessi ríki munu reyna að verjast
ásókninni með hertum innflytjendareglum og eftirliti, reisa
nýja múra umhverfis sig. Sú stefna stríðir raunar gegn tíðar-
andanum og mun ekki duga þegar til lengdar lætur.“
Hún rýnir aftur í kúluna. „Eg sé hnöttinn allan baðaðan
sviðsljósi. Yfir honum hvfla tveir skuggar, tákn tveggja stór-
velda. Skuggarnir flökta. Annað stórveldið er að hruni kom-
ið. Hitt á á hættu að staðna í fortíðinni, skorta sýn á hina nýju
tíma. Forystumenn þess eru ófærir um að móta nýja stefnu.
Þeir eru of bundnir við hefðina, bregðast við rás atburðanna á
tilviljanakenndan hátt en eru ófærir um að móta hana.
Það er táknrænt fyrir hina nýju heimsmynd, að á árinu mun
verða gert uppskátt um stórt stökk fram á við í geimvísindum
og könnun geimsins og öll helstu tækniríkin munu ná sam-
komulagi um sameiginlega rannsóknaráætlun og þróun þess-
arar uppfinningar. Þetta samstarf vísar fram á við til þess
sem koma koma skal: Heims náins samstarfs, þar
sem landamæri gegna æ minna hlutverki.
En þetta er einn af fáum ljósum punktum. í
framvindu ársins eru Austurlönd miðpunktur-
inn. Þar er upphlaðin gífurleg spenna og
sprengimagn og öll mistök munu verða
mjög afdrifarík og móta það tímabil, sem
nú er að hefjast til langframa. Ég sé samt
ekki að það komi til styrjaldar. Skömmu
eftir áramót endurheimtir Kúvæt sjálfstæði
sitt á ný. Það verða átök, en þau eru ekki
komin á það stig að alheiminum standi ógn
af. Ég sé mjög sérkennilegan páfugl og mann
klæddan eins og krossfara frá miðöldum. Það
er eins og krossferðir miðalda séu að endurtaka
sig og langt tímabil sé framundan sem Vesturlönd
séu bundin þessu svæði. Saddam Hussein birtist
mér á tvennan hátt. Höfuðlaus, en jafnframt í
heilagsmannsbúningi. Hvað sem verður um
Saddam sjálfan mun það sem hann stendur fyrir
halda velli og verka sameinandi á allan almúga í löndum músl-
ima. Það verða uppreisnir gegn einvöldum höfðingjum og trú-
arofstækismönnum mun hvarvetna vaxa fiskur um hrygg.
Mikill órói verður í samfélögum múslima á Vesturlöndum, ég
sé hryðjuverk og mannrán og líklega blandast arftakar Khom-
einis í þessa atburði.
Ég sé heilaga borg, gæti verið Jerúsalem eða Mekka, og
það logar í henni. Þetta gæti táknað ófriðarbál. Ég sé stóra
mosku og hún er kolsvört. Það blæðir úr sári á járnfugli sem
birtist við hlið Saddams. Það er mikið myrkur yfir leiðtogum
Miðausturlanda og ógnin sem frá þeim stafar á eftir að vaxa á
á árinu. En styrjöldin verður ekki á þessu ári. íraski herinn
verður fyrir áföllum, en hervélin með sýkla- og efnavopnum
mun áfram ógna heimsbyggðinni. Ástandið í ísrael verður æ
ógnvænlegra og leiðtogar þess líklegri til að grípa til örþrifa-
ráða, sem gætu teflt málstað Vesturlanda í hættu, án þess að
þeir fái rönd við reist. Það stefnir að stríði, en ekki á þessu
ári.
Ég sé sjóðandi olíu flæða um hnöttinn og sums staðar gjósa
upp eldar. Það verður aldrei snúið aftur til olíuverðs á við það
sem var fyrir olíukreppurnar þrjár. Þróunarlönd og nýfrjáls
ríki Austur-Evrópu munu eiga í gífurlegum erfiðleikum af
þessum sökum. Eftirspurn eftir öðrum orkugjöfum vex og gíf-
urlegum fjárhæðum varið til að flýta rannsóknum og þróun á
öllum möguleikum til að leysa olíuna af hólmi. Þessi þróun
mun valda gífurlegum erfiðleikum í þjóðarbúskap íslendinga á
næsta ári en verða okkur til framdráttar þegar fram í sækir.
Við munum leita allra ráða til að draga saman fiskiflotann og
fá sem hagstæðast hlutfall milli olíueyðslu og aflamagns. Ork-
an í fallvötnum okkar og jarðhita mun verða eftirsótt og stíga
mikið í verði.
JÚLÍ ÚRSLITAMÁNUÐUR
Á íslandi sé ég kolkrabba og valdaátök. Ég sé
broddgölt sem reynist ákveðnum öflum erfiður
ljár í þúfu. Áberandi aðili verður lagður að
velli en broddgölturinn verður þarna áfram.
Það er ólga í viðskiptalífinu og kreppan er
ekki úr sögunni. Ég sé svarta þokubakka
grúfa yfir miðunum umhverfis landið, en
þó er eins og öðru hverju rofi til og sól nái
að skína gegnum þokuna. Sjávarútvegur og
fiskvinnsla munu eiga í vaxandi erfiðleik-
um. Fiskigöngur sem miklar vonir hafa verið
bundnar við, munu bregðast og annaðhvort
markaðs- eða aflabrestur á síldinni, loðnunni
og fleiri fiskitegundum. Átökin milli hagsmuna-
aðila í þessum greinum harðna og hafa áhrif á
ýmsum sviðum þjóðlífsins. Hækkandi olíuverð
mun þrýsta á um tafarlausan samdrátt í flotan-
um og aukna hagkvæmni í vinnslunni. Mótsetn-
ingarnar skerpast milli þeirra sem vilja selja
18 HEIMSMYND