Heimsmynd - 01.12.1990, Síða 113

Fyrir nokkrum árum tókst að virkja
lækna og hjúkrunarfræðinga til þessarar
upplýsingastarfsemi, sem lið í þeirra
námi, og það gaf góða raun. Þessu starfi
hefur hrakað aftur.
Nú væri raunar full þörf á að veita
unglingunum hlutlæga fræðslu um
heilsufræði kynlífs, hvernig sé sem best
hægt að njóta þess án áhyggna og kvíða
og hvaða hættur beri að varast.
Fræðsla meðal unga fólksins í dag
kann að reynast fyrirbyggjandi í framtíð-
inni. En hún breytir engu um kynhegðun
þeirra, sem þessa stundina eru á fullu á
makaleitarmarkaðinum. Það er erfitt að
fá þátttakendur í þessum dansi til að tjá
sig í einstökum atriðum, enda um að
ræða þau mál, sem hverri manneskju eru
hvað einkalegust. En fjöldamörgum,
sem við var rætt, bæði konum og körlum
bar saman um að þeim blöskraði, kald-
ranalegt og tilfinningasnautt viðhorf
mótaðilans í þessum efnum. Þarna væri
frelsi án ábyrgðar í öndvegi, áherslan á
stundarnautn án eftirkasta. En ef þetta
er hið ríkjandi viðhorf er hollt að minn-
ast þess að stundarnautnin verður ekki
stundarnautn nema hún sé vandlega
undirbúin fyrirfram. Annars getur hún
orðið að áratugalangri martröð, sem
snertir fjölda saklauss fólks.D
>Arabesque< kristalglös frá Schott- Zwiesel
HEILDSÖLUBIBGÐIR:_______________
JÓHANN ÓLAFSSON & CO HF útsqlustaðir. stapafell keflavík kaupfélag árnesinga
SUNDABORG 13 104 REYKJAVÍK
BLÓMAHÖLLIN KÓPAVOGI BJÖRK HÚSAVÍK
STRAUMUR ÍSAFIRÐI
mmWBBBM
Cristallerie
Zwiesel
Germany
HEIMSMYND 113