Heimsmynd - 01.10.1991, Blaðsíða 76

pilsi í sama lit. Konur sem
hafa lítið mitti má benda á að
v-laga hálsmál hentar sér-
staklega vel.“ Anna bendir á
að aukahlutir verði að lúta
sömu lögmálum og fatnaður-
inn, að hjálpa til við að draga
athyglina að jákvæðum þátt-
um hvers og eins. „Það er
ekki nóg að þeir séu fallegir.
Áberandi hringur eða arm-
band getur til dæmis dregið
athyglina að breiðum lærum
þegar handleggirnir liggja
með síðunum.“ Hálsinn er
oft vandamál þegar konur
fara að eldast. „Það er sjálf-
sagt að reyna að draga at-
hyglina frá honum þegar svo
er, með því að vera í ein-
hverju sem nær upp í háls.
Hins vegar þarf það ekki allt-
af að vera þykkur rúllukragi.
Þunnt tjull og síðar hálsfestar
geta gert sama gagn. Ágæt
regla fyrir eldri konur er að
nota alltaf sinn besta lit næst
andlitinu."
„Pils sem ná rétt niður fyr-
ir hné eða niður á miðjan
kálfa eru mjög varhugaverð,“
var nýlega haft eftir banda-
ríska tískuhönnuðinum Car-
olyne Roehm. Kollegi henn-
ar, Donna Karan, er sama
sinnis en bendir á að slík pils
fari einstaka konu. „Þegar
allt kemur til alls er það vaxt-
arlag hvers og eins sem ræð-
ur því hvað fer vel og hvað
ekki. Rétt hlutföll er það
sem málið snýst um.“ Roehm
ráðleggur konum að nota
jafnan háa hæla að kvöldlagi
því þeir gefi þokkafullt
göngulag og að hafa hálsmál-
ið í flegnara lagi þannig að
bringubeinið sjáist því það sé
það síðasta til að gefa sig.
Hvert kíló sem bætist við
kjörþyngdina er skref niður á
við. Það er þó ekki bara það
að reyna að stemma stigu við
aukakílóunum sem skiptir
máli heldur líka að halda sér
í formi með því að stunda
einhverja líkamsrækt. Um
leið og síga tekur á ógæfu-
hliðina í þessum efnum
minnkar áhuginn á að líta vel
út og það hættir að vera gam-
an að máta ný föt. Fataskáp-
urinn úreldist smám saman
en það að tolla í tísku, eða að
minnsta kosti halda í við
hana í stórum dráttum, er
mikilvægt fyrir alla sem vilja
líta vel út. María Lovísa
Ragnarsdóttir fatahönnuður
segir íslenskar konur allt of
76 HEIMSMYND
hræddar við að nota liti.
„Þegar konur fara að eldast
ættu þær einmitt frekar að
klæðast björtum og líflegum
litum. Þær nota dökka liti
vegna þess að þær eru að
reyna að fela aukakílóin en
það má allt eins og oft betur
gera með réttum sniðum.“
Nú eru stutt pils í tísku. Eldri
konur ættu hiklaust að stytta
pilsfaldinn til samræmis við
tískuna þannig að hann nemi
við hnén eða sé rétt fyrir of-
an þau, hafi þær fallega fæt-
ur. Pils sem ná rétt niður á
mið læri tilheyra hins vegar
unglingatískunni. Það er
stundum þörf á að benda
konum sem komnar eru að
þrítugu að tími sé kominn til
að segja skilið við unglinga-
verslanirnar og taka að klæð-
ast vandaðri fötum. Rifnar
gallabuxur og bolir sem ná
niður í mitti henta unglingum
en ekki þeim sem eldri eru.
Ágæt ábending fyrir konur á
öllum aldri er að í vetur
verða þröngar buxur og víðar
peysur mikið í tísku. Þessi
klæðnaður er mjög grennandi
og hefur þann kost að draga
athyglina frá vandamála-
svæðum eins og maga og lær-
um.
Þegar líkamlega þættinum
sleppir tekur annar og ekki
síður mikilvægur við, sá and-
legi. Sennilega er ekkert sem
skiptir jafn miklu varðandi
útlit og afstaðan til lífsins og
sjálfrar sín. „Trúi kona því
að hún líti vel út þá gerir hún
það,“ segir Heiðar Jónsson. I
þessu felst mikill sannleikur
því rétta hárgreiðslan og stutt
pils hjálpa ekki ef kona er
hokin í baki og skortir lífs-
þrótt. Kona sem býr yfir
sjálfstrausti stendur bein í
baki og ber sig á allan hátt
öðruvísi en sú sem er buguð
af lífinu og finnst hún líta illa
út. Um leið og konu finnst
hún vera farin að láta á sjá og
verður óánægð með útlitið
sést það á framkomu hennar.
Hún fer að taka smærri
skref, hættir að sveifla hand-
leggjunum þegar hún gengur,
verður hokin og dregur sig í
hlé með því að horfa niður.
„Að líta vel út er fyrst og
fremst spurning um hvaða
viðhorf manneskjan hefur til
sjálfrar sín,“ segir Sölvína
Konráðsdóttir sálfræðingur.
„Fólk sem býr yfir þrótti,
andlegum og líkamlegum, lít-
ur vel út. Ég lít ekki svo á að
líkamlegt útlit skipti megin-
máli heldur þættir eins og
það hvernig viðkomandi
hreyfir sig, hvort hann er op-
inn fyrir nýjum hugmyndum
og fær um að brjóta upp
hefðbundið lífsmynstur sitt.
Kímnigáfa finnst mér líka
mjög mikilvæg í þessu ljósi
og að fólk sé skapgott. Jafn-
framt hvernig það bregst við
daglegu amstri og hversu al-
varlega það tekur tilveruna.
Það er markvisst hægt að
kenna fólki að líta nýjum
augum á lífið og lyfta þannig
af því óþarfa áhyggjum.
Þannig getur það yngst upp
um tíu til fimmtán ár, bæði í
viðhorfi til sjálfs sín og um-
hverfisins."
Forsenda unglegs útlits er
án efa andleg vellíðan og
áhugi á lífinu og tilverunni
almennt. Það er hins vegar
margt sem konur geta gert til
að lífga upp á útlit sitt og full
ástæða til að huga að þeirri
hlið mála. Hver veit nema
betra útlit geti hjálpað kon-
um til að sjá tilveruna í nýju
ljósi og aukið þeim kjark og
þor til að takast á við hana
þótt unglingsárin séu á
enda.D
Elín er þrjátíu og sjö ára læknanemi búsett í Danmörku. (sumar vann
hún sem aðstoðarlæknir á Landakotsspítalanum en náminu lýkur hún
á næsta ári. „Ég held að allar konur gangi í gegnum tímabil þegar
þeim finnst æskan vera að hverfa. Þær líta í spegilinn og sjá að andlit-
ið hefur misst barnungt yfirbragð sitt. Því er heldur ekki að neita að
líkaminn breytist með árunum, æðahnútum fjölgar og keppir sem sí-
fellt verður erfiðara að ná a< safnast hér og þar. Það þarf samt ekki að
þýða að konur hætti að vera fallegar. Æskudýrkun hefur verið í tísku
mjög lengi en staðreyndin er sú að konur eru ekkert síður gjaldgengar
þótt þær séu komnar yfir þrítugt. Um daginn fór ég til dæmis út að
borða á veitingastað í Reykjavík með eldri systur minni. Hún er mjög
glæsileg kona og það var ekki að því að spyrja, hún hreif alla karl-
menn á staðnum upp úr skónurn."
Elfn hleypur daglega milli sjö og tíu kílómetra til að halda sér í
formi. „Skokkið gefur mér þrótt til að framkvæma hluti sem mér finn-
ast skemmtilegir. Ég held að með því að vera virkur og gera hluti sem
manni finnast skipta máli stuðli að góðu útliti. Gott útlit er ekki endi-
lega spurning um hvort maður sé unglegur eða ekki, konur geta verið
unglegar án þess að líta vel út.“
HEIMSM917-