Heimsmynd - 01.10.1991, Blaðsíða 62

í að hreppa þennan mikla kvenkost. Stuttu eftir að Joe út-
skrifaðist frá Harvardháskólanum var hann gerður að banka-
stjóra, þá aðeins tuttugu og fimm ára. Við þessa breytingu á
högum Joes fór brúnin á föður Rose að lyftast og að endingu
gaf hann samþykki sitt. Joe var geysilega metnaðarfullur og
vann myrkranna á milli meðan Rose hugsaði um börn og bú.
Smám saman tók Rose að fjarlægjast eiginmann sinn, sem
hafði gaman af því að fara einn út að skemmta sér og fékk
fljótt orð á sig fyrir að vera mikill kvennamaður. Þegar hún
gekk með fjórða barn þeirra tók hún pjönkur sínar og flutti
með börnin heim til for-
eldra sinna. Faðir hennar
brást hinn versti við og
sendi hana aftur með þeim
orðum að hennar staður
væri við hlið þess manns
sem hún hafði heitbundist.
Upp frá því einbeitti Rose
sér að uppeldisstarfinu og
lagði metnað sinn í að verða
ættmóðir. Stór samhent
fjölskylda með sameiginleg
gildi, grundvölluð á göml-
um hefðum, var draumur
Rose.
Joe var mikið í burtu frá
fjölskyldunni í viðskiptaer-
indum þar sem hann notaði
tímann óspart til að
skemmta sér í kvennafans.
Hann skrifaði þó börnum
sínum alltaf reglulega,
hvatti þau til dáða og
brýndi fyrir þeim mikilvægi
þess að temja sér góða siði.
Joe átti í fjölmörgum ástar-
ævintýrum, en samband
hans við kvikmynda-
stjörnuna Gloriu Swanson
er að líkindum kunnast.
Þegar þau kynntust átti
Gloria í fjárhagsörðugleik-
um en Joe aðstoðaði hana
og fjármagnaði meðal ann-
ars tvær myndir hennar.
Hann hafði grætt á tá og
fingri á verðbréfamarkaðin-
um og honum voru allar
leiðir færar. Líklegt þykir
að Rose hafi vitað af sam-
bandi eiginmanns síns við
leikkonuna en látið kyrrt liggja. í endurminningum sínum
lýsir leikkonan því hvernig hún og Joe elskuðust í einu her-
bergi meðan Rose Kennedy sat í því næsta. „Hún hefur þá
verið betri leikkona en ég hef nokkurn tíma verið,“ var haft
eftir Swanson, þegar Rose neitaði því að hafa nokkurn tíma
verið kunnugt um samband eiginmanns síns og hennar.
Sagt hefur verið um Joe að hann hafi aðallega haft áhuga á
þrennu, stjórnmálum, golfi og konum. Hann fór sínar eigin
leiðir og virtist litlar áhyggjur hafa af því þótt hann særði aðra.
Hann hikaði ekki við að gefa vinkonum sona sinna undir fót-
inn og sagt var að engin kona væri óhult í návist hans. Árið
1932 eignuðust Rose og Joe níunda og síðasta barn sitt,
Teddy. Eftir það sváfu þau sitt í hvoru herberginu. Þrátt fyrir
langvarandi ástarsambönd Joes við aðrar konur var hjóna-
band hans og Rose friðsælt og öruggt skjól þar sem börnin níu
uxu upp og döfnuðu í velsæld.
Joe Kennedy varð áberandi í bandarísku viðskiptalífi og
fjölskylda hans þótti fyrirmynd, annarra. Hann var snemma
staðráðinn í að byggja upp ættarveldi Kennedyanna. Hann
ætlaði sonum sínum stór hlutverk. Elsti sonurinn, Joseph P.,
alnafni föður síns, átti að verða forseti Bandaríkjanna. Fyrir
utan þá staðreynd að sonurinn var vel af guði gerður vissi fað-
ir hans sem var að hann hafði bæði sambönd og fjármuni til að
gera þann draum að veruleika eins og síðar átti eftir að koma í
ljós. Næst elsta syninum, John, ætlaði faðirinn starf blaða-
manns og Robert, þeim næst yngsta, að verða lögfræðingur.
Hins vegar virðist sem hinn *
metnaðarfulli faðir hafi ekki
ætlað yngsta syninum, Ed-
ward, neitt sérstakt hlutverk
í fyrirætlunum sínum. Fjöl-
skyldan var kaþólsk og yfir-
læti mótmælenda gagnvart
kaþólikkum sem minnihluta-
hópi fór mjög fyrir brjóstið á
Joe gamla. Hann var stað-
ráðinn í að kenna þeim að
vanmeta ekki getu kaþól-
ikka, sýna mátt þeirra og
megin. Joe tókst svo sannar-
lega ætlunarverk sitt þótt
maður hafi komið í manns
stað. Næst elsti sonur hans,
John F. Kennedy, tók við
embætti forseta Bandaríkj-
anna, fyrstur kaþólikka, og
gegndi því í þúsund daga,
þar til hann var myrtur í
Dallas í Texas, þar sem
hann var í opinberri heim-
sókn ásamt konu sinni,
Jacqueline Kennedy. Píslar-
vættisdauði Johns er mönn- ^
um enn í fersku minni.
Morð á þjóðarleiðtoga er
alltaf mikið áfall en þegar
haft er í huga hversu dáður
J.F. Kennedy var er ekki að
furða þótt viðbrögðin yrðu
jafn sterk og raun bar vitni.
Þótt J.F.Kennedy hafi að-
eins unnið nauman sigur á
frambjóðanda Repúblikana-
flokksins, Richard Nixon,
heillaðist þjóðin fljótt af
ungu glæsilegu hjónunum í
Hvíta húsinu. John F. Kenn-
edy var aðeins 44 ára þegar hann tók við embætti forseta
Bandaríkjanna, yngstur manna til að gegna því embætti. For-
setinn var umbótasinni í félags- og mannréttindamálum og bar
með sér nýjan og ferskan anda inn í bandarísk stjórnmál.
Hann var boðberi nýrra tíma, fékk bandarísku þjóðina til að
láta sig dreyma um að vinna „ný og ókönnuð landsvæði" (New
Frontier), sigrast á óravíddum himingeimsins og takast á við
mannréttindamál líkt og kynþáttavandamál og bætt réttar-
kerfi. Hann vann sér alþjóðlega virðingu með framgöngu sinni
í Kúbudeilunni 1962, en honum var þakkað að tekist hefði að /
afstýra kjarnorkustyrjöld á miklum hættutímum. Þar með tók
að fyrnast yfir gamla synd, innrásina á Svínaflóann 1961, en
framganga bandarískra stjórnvalda í því máli var talin mikill
álitshnekkir fyrir forsetann.
Jackie var í hugum Bandaríkjamanna drottningin sem þeir
aldrei áttu. Þjóðin dáði forsetafrúna og var stolt af fegurð
('í'j Börn forsetans og Jackie, Karolína og John F. yngri. Jackie ku hafa bann-
að syni sfnum að hafa nokkuð saman að sælda viö Willie frænda sinn.
(jY) Palrick Kennedy, sonur Teddys, var með í för kvöldið umdeilda á Palm
v-'y Beach. „Með gen sem þessi er öruggt að Kennedyveldið er búið að vera.“
\ Willie Smith, systursonur Teddys, hefur verið ákæröur fyrir nauðgun. Nýll
hneyksli hefur ýft upp gömul sár.