Heimsmynd - 01.10.1991, Side 24

24 HEIMSMYND
Gráir og drappaðir litir verða áberandi í
hversdagsklæðnaði í vetur. Sniðin eru ein-
föld og glæsileg. Fatnaðurinn dregur fram
og undirstrikar kvenlegar línur en er engu
að síður hlýlegur. Drapplita síða kaðla-
prjónspeysan efst á síðunni er frá Michael
Kors. Við hana notar Kors þröngar svart-
ar leðurbuxur og svört stígvél sem ná vel
upp fyrir hné. Hönnuðurinn Calvin
Klein leggur megin áherslu á
milda drappaða liti í vetur.
Hann hlaut mikið lof fyrir
skemmtilega litasamsetn-
ingu þegar hann sýndi
haust- og vetrarlínuna
í ár. A myndunum
má sjá einfaldar síð-
ar kasmírkápur
með þunnum
drapplitum silki-
skyrtum og einföld-
um aðsniðnum kas-
mírbuxum. Það er
athyglisvert að á káp-
unum er engin hnepp-
ing. Isaac Mizrahi held-
ur sig hins vegar mest
við gráa litinn. Stór gyllt
hálsmen setja skemmti-
legan og framandi svip á
sígildar buxnadragtir.
Dökkgráa buxnadragtin
frá Dior ber sterkan keim
af reiðfatatísku evrópsku
yfirstéttarinnar á síðustu
öld. Jil Sander leggur
áherslu á sportlegan og ein-
faldan klæðnað. Utanyfir-
flíkin er nokkurs konar milli-
stig úlpu og kápu með þykk-
um loðkraga sem undirstrikar
glæsileika hennar. Gyllt belt-
issylgjan setur skemmtilegan
svip á grá fötin.
Þessir hönnuðir eiga allir hrós
skilið fyrir fallegan og vandaðan
klæðnað og ekki síst fyrir aukna
áherslu á hagkvæmni. Það hefur
viljað brenna við þegar tískukóng-
ar hafa kynnt nýjustu línurnar að
fötin hafa verið svo framúrstefnu-
og glæfraleg að nánast ómögulegt
hefur verið að nota þau nema einu
sinni eða tvisvar og þá aðeins við
sérstök tækifæri. Nú ættu konur
hins vegar að geta slitið fötunum út
því ef að líkum lætur halda svo sígild
og falleg föt gildi sínu næstu árin. □
Grásprengd
tweeddragt frá
Isaac Mizrahi.
Svartur rúllu-
kragabolur,
alpahúfa og sjal
gefa klæðnaðin-
um hlýlegt og sí-
gilt yfirbragö.
HEIMSM917-