Sveitarstjórnarmál - okt. 2019, Side 14

14
SVEITARSTJÓRNARMÁL
Af hverju eru flæmsk sveitarfélög í
farabroddi evrópskra sveitarfélaga þegar
kemur að Heimsmarkmiðum Sameinuðu
þjóðanna um sjálfbæra þróun? Í huga
Mieck Vos, framkvæmdastjóra samtaka
flæmskra sveitarfélaga, er svarið einfalt.
Án aðkomu sveitarstjórnarstigsins er
útilokað að markmiðunum verði náð.
Hér er vísað til þess að samkvæmt OECD
þá munu 65% af Heimsmarkmiðum
Sameinuðu þjóðanna um sjálfbæra
þróun ekki nást án markvissrar þátttöku
sveitarfélaga, auk þess sem nær
öll markmiðin koma inn á verksvið
sveitarfélaga. Wim Dries, bæjarstjóri
Genk, tekur undir þetta og bendir á að
Heimsmarkmiðin tengist rúmlega 80%
þeirra markmiða sem sett voru fram í
nýrri stefnumótun fyrir Genk.
Framtíðin er okkar allra
Það er einmitt markmið samtaka flæmsku
sveitarfélaganna að sem flest sveitarfélög
taki mið af heimsmarkmiðum Sameinuðu
þjóðanna þegar kemur að stefnumótun
og aðgerðaáætlunum þeirra. Árið 2017
hófst tilraunaverkefni sem ætlað er að
styðja við þetta markmið. Að verkefninu
standa 50 sveitarfélög og lögð er áhersla
Framtíðin er okkar allra
– Flæmsku sveitarfélögin og Heimsmarkmið Sameinuðu þjóðanna um sjálfbæra þróun
Wim Dries, bæjarstjóri í Genk, og Mieck
Vos, framkvæmdastjóri samtaka flæmskra
sveitarfélaga (ljósm.: knack.be)
á að heimsmarkmiðin séu höfð til
hliðsjónar í allri stefnumótun þeirra. Þá er
áhersla lögð á að íbúar sveitarfélaganna
séu vel upplýstir um þessa vinnu, hverju
henni sé ætlað að skila, og af hverju horft
er til heimsmarkmiðanna. Þá er mikið
lagt upp úr því að íbúar taki virkan þátt í
þessu verkefni. Þátttaka almennings er
talinn grundvöllur þess að vel til takist og
slagorðið Framtíðin er okkar allra minnir á
að við berum ábyrgð á því hvernig framtíð
okkar lítur út, en ekki bara okkar framtíð
heldur einnig framtíð nágranna okkar nær
og fjær.
Árangurinn af þessu starfi lætur ekki á
sér standa. Sem dæmi má nefna að í
bænum Kortrijk hefur þeim sem lifa við
fárækt eða bágar aðstæður fækkað úr
18% í 12% frá því að verkefnið hófst.
Þessi árangur náðist í kjölfar nýrrar
stefnumótunar þar sem markvisst er
stuðst við heimsmarkmiðin. Rafmagn og
hiti er stór hluti útgjalda fólks í Belgíu.
Þess vegna var meðal annars gripið til
orkusparandi aðgerða í tengslum við
félagslegt húsnæði. Þar með lækkaði
þessi útgjaldaliður og íbúarnir höfðu
því meira á milli handanna en ella –
heimsmarkmið 1: Engin fátækt. Þar sem
gas og olía eru helstu orkugjafarnir þegar
kemur að rafmagni og hita í Belgíu þá
leiðir þetta auk þess af sér minni losun
gróðurhúsalofttegunda – heimsmarkmið
13: Aðgerðir í loftslagsmálum.
Annað dæmi snýr að umferð og
loftmengun í bænum Bonheiden. Þar
var ráðist í að bæta við reiðhjólastígum,
reiðhjól fá forgang á helstu
umferðaræðum og á ákveðnum stöðum
í bænum er bifreiðum óheimilt að taka
fram úr reiðhjólafólki. Þá var farið í
samstarf við grunnskóla bæjarins og
foreldrar og nemendur hvattir til þess
að nota reiðhjól frekar en einkabílinn.
Meðal annars gátu þeir sem vildu fengið
tölvukubb í hjól barna sinna sem taldi þau
skipti sem barnið mætti á hjóli í skólann.
Í hvert skipti sem barnið mætti á hjóli
fékk það sérstakan pening að launum og
þennan pening er síðan hægt að nota
í leiktæki á hátíðum sem haldnar eru á
vegum bæjarins og grunnskóla bæjarins.
Í kjölfar þessara aðgerða hefur fjöldi
barna og foreldra sem hjóla í skólann
fimmfaldast og umferðaróhöpp á helstu
umferðaræðum hefur fækkar verulega.
Hér spinnast saman heimsmarkmið
3: Heilsa og vellíðan, 11: Sjálfbærar
borgir og samfélög og 13: Aðgerðir í
loftslagsmálum.
Heimsmarkmið Sameinuðu þjóðanna um
sjálfbæra þróun tengjast mjög vel þeim
markmiðum sem verið er að vinna að á
sveitarstjórnarstiginu, segir Mieck Vos,
framkvæmdastjóri samtaka flæmskra
sveitarfélaga. Sjálfbært samfélag, bætt
lýðheilsa og aukin ábyrgð og þátttaka
íbúa þegar kemur að því að móta framtíð
okkar allra.
Óttar Freyr Gíslason
forstöðumaður Brussel-skrifstofu
Sambands íslenskra sveitarfélaga.
Borgartún 27 I 105 Reykjavík I Sími 520 4040 I www.inkasso.is I inkasso@inkasso.is
SVEITARFÉLÖG
Inkasso sérhæfir sig í að þjónusta
sveitarfélög með það að markmiði að
lækka álögur á íbúa.
• Góður innheimtuárangur
• Lægri álögur á íbúa
• Sveigjanleiki
• Ekkert álag á niðurfellingarkostnað greiðenda
• Öll prentun og póstlagning
• Ekkert breytingargjald
VIÐ SETJUM NÝJAN
SVIP Á INNHEIMTU
Fjöldi sveitarfélaga nýtir sér
þjónustu Inkasso.
Góður árangur í innheimtu.