Sveitarstjórnarmál - okt. 2019, Side 24

24
SVEITARSTJÓRNARMÁL
Markmiðið er að minnka kolefnisspor okkar
Valur Rafn Halldórsson
sviðsstjóri rekstrar- og útgáfusviðs
Sambands íslenskra sveitarfélaga
Í stefnumörkun Sambands íslenskra
sveitarfélaga segir að sambandið skuli
miðla þekkingu og upplýsingum til
sveitarstjórnarmanna og starfsmanna
sveitarfélaga með fjölbreyttum hætti og
nýta til þess þá tækni sem völ er á hverju
sinni. Síðustu misseri hefur sambandið
stefnt markvisst að því að auka
endurvinnslu og minnka sóun í starfsemi
sinni. Meðal þeirra aðgerða sem gripið
hefur verið til, og sveitarstjórnarmenn
hafa tekið eftir, er að aukinn fjöldi funda,
námskeiða og ráðstefna fer fram í
gegnum fjarfundabúnað eða send út í
beinu streymi. Fastanefndir sambandsins
funda reglulega yfir netið og sífellt fleiri
nýta sér tæknina til að draga úr fjarveru
frá vinnustað.
„Það er eitt af leiðarljósum okkar hjá
sambandinu að gera það sem í okkar
valdi stendur á hverjum tíma til að
nýta betur fjármuni sambandsins, vera
umhverfisvæn í öllu okkar starfi og hafa
í huga hvað við getum gert til þess að
minnka kolefnisspor okkar,“ segir Valur
Rafn Halldórsson sviðsstjóri rekstrar- og
útgáfusviðs sambandsins.
Prentun hefur dregist saman um
helming
Í ágústmánuði 2017 gerði sambandið
samning við fyrirtækið PLT um rekstur
prentara á skrifstofu sambandsins í
Borgartúni. Gerður var samningur um að
PLT setti upp þrjár öflugar fjölnotavélar
í húsnæðinu í stað níu prentara af
mismunandi stærðum og gerðum
sem voru þar áður. Á sama tíma var
dregið verulega úr dreifingu á prentefni
á fundum og ráðstefnum á vegum
sambandsins. Árangur þessa hefur
ekki látið á sér standa og hefur prentun
minnkað um ríflega helming, úr um
25.000 eintökum á mánuði á árinu 2016
niður í ríflega 11.000 eintök á árinu 2019.
4
1
3
2
4
1
3
2
A
A
B
B
C
C
D
D
E
E
Árangur
í verki
Stuðlum að sjálfbæru samfélagi
www.mannvit.is
Sérfræðingar okkar búa að áratugalangri reynslu á öllum sviðum skipulags-, leyfis- og umhverfismála,
húsbygginga, samgöngumannvirkja og rannsókna. Við bjóðum ráðgjöf á sviði sjálfbærni og innivistar
og leitumst við að lágmarka áhrif á umhverfi og samfélag.