Sveitarstjórnarmál - okt. 2019, Síða 59

59
Síðastliðið vor var ný vefsíða um
nýsköpun hjá hinu opinbera opnuð
á slóðinni opinbernyskopun.island.
is. Vefsíðan er rekin af fjármála- og
efnahagsráðuneytinu.
Síðan er ætluð opinberum aðilum sem
vilja miðla nýsköpunarverkefnum sín
á milli og endurnýta góðar hugmyndir.
Einnig er þar að finna greinar og erindi
um nýsköpunarmál og þar er hægt að sjá
niðurstöður Nýsköpunarvogarinnar sem
er fyrsta könnuna á stöðun nýsköpunar
hjá hinu opinbera hérlendis. Hugmyndin
að vefsíðunni kom einmitt út úr þeirri
sömu könnun þar sem opinberir aðilar
lýstu þeirri skoðun sinni að þennan
upplýsingavettvang vantaði.
Öllum opinberum aðilum hvort sem er
á sveitarstjórnarstiginu eða hjá ríkinu er
frjálst að senda inn lýsingu á verkefni
í gegnum síðuna. Tilgangur hennar er
enda sá að opinberir aðilar endurnýti
verkefni hvors annars og því er mikilvægt
að fá innsendar verkefnislýsingar frá
opinberum vinnustöðum. Lögð er áhersla
á að verkefnin séu að fullu innleidd og
hafi skilað sér í auknu virði.
Opinber nýsköpun getur aukið
virði fyrir nærumhverfið
En hvað er opinber nýsköpun? Opinber
nýsköpun er sú nýsköpun sem á sér stað
innan opinberra geirans. Nýsköpun felur
í sér verkefni sem eru ný fyrir opinbera
vinnustaði og skapa virði. Nýsköpun
getur skapað virði í gegnum aukin gæði
í þjónustu, aukna skilvirkni vinnustaða,
aukna þátttöku almennings og bætta
starfsánægju. Opinber nýsköpun getur
líka aukið virði fyrir nærumhverfið.
Nýsköpunarmót opinberra aðila
og sprota
Gaman er frá því að segja að fram undan
er einnig nýsköpunarmót opinberra
aðila og sprota, sem lesa má nánar um
á síðunni nyskopunarmot.is. Sú síða er
vettvangur þar sem hvatt er til aukinnar
samvinnu einkageirans og hins opinbera.
Tildrög nýsköpunar hjá hinu opinbera
er mismunandi en getur verið breytt
löggjöf – breyttar þarfir samfélagsins –
breyttur fjárhagsrammi – breyttar áherslur
stjórnvalda – frumkvæði starfsmanna.
Talað er um fjórar mismunandi tegundir
nýsköpunar:
• Nýjar vörur
• Nýjar leiðir til samskipta
• Nýjar þjónustuleiðir
• Nýir verkferlar og skipulag
Lesa um verkefni frá Hafnarfjarðarbæ
og Reykjavíkurborg inni á síðunni og
vonandi munu fleiri sveitarfélög bætast
í hópinn á næstu vikum. Allir opinberir
aðilar eru hvattir til að senda inn efni, og
kynna sér síðuna og þau verkefni sem
þar eru.
Ekki gleyma áskriftinni
Sveitarstjórnarmál eru málið. Fáðu fréttir, fróðleik
og sveitarstjórnarmálin inn um lúguna fyrir
aðeins kr. 4.000 á ári. Einstakt tímarit fyrir
áhugafólk eins og þig um sveitarstjórnarmál og
sveitarfélög landsins. Tryggðu þér áskrift með
því að senda póst á netfangið samband@
samband.is eða hringja í síma 515 4900.
Ný vefsíða um nýsköpun hjá hinu opinbera
Fjölmenni var á nýsköpunardegi hins opinbera sem haldinn var í fyrsta sinn 4. júní sl. í Vöröld, Húsi Vigdísar Finnbogadóttur.