Dagblaðið Vísir - DV - 01.11.2019, Page 30

Ferðafélag Íslands
Ferðafélag Íslands hefur í sumar sett upp vegvísa á gönguleiðinni um Kjalveg hinn forna. Settir voru upp 9 vegvísar sem vísa leið á næstu áfangastaði
til beggja átta og segja til um kílómetrafjölda í áfangastað.
Árni Tryggvason hönnuður hefur haft umsjón með verkefninu og tók þessar myndir.
Ferðafélag Íslands gaf í sumar út gönguleiðaritið Fjallabyggð og Fljóta þar sem
gönguleiðum í Fljótum á ysta hluta
Tröllaskagans er líst.
Það er fátt sem jafnast á
við mikilfengleika ysta hluta
Tröllaskagans. Fjölbreytni þar er
mikil, há tignaleg fjöll, hamraborgir,
fjallaskörð, grösugir dalir, dalverpi
og skálar sem sjaldgæfum gróðri.
Dýra- og fuglalíf er mikið þar sem
margar leiðir liggja nálægt sjó.
Víða eru erfiðar gönguleiðir enda
ekki hjá því komist á utanverðum
Tröllaskaga en fjölbreytni í vali
gönguleiða er mikil. Þar er að
sjálfsögðu að finna léttari og
styttri leiðir sem einnig er lýst í
þessu riti. Svæðið er snjóþungt
og eru snjóskaflar oft fram eftir
sumri í hæstu fjallaskörðum, ýmist
göngumönnum til trafala eða léttir
þeim gönguna allt eftir aðstæðum.
Í ritinu er lýst 25 spennandi
gönguleiðum ásamt kortum og
gagnlegum upplýsingum með
hverri leið.
Björn Z. Ásgrímsson er
verkfræðingur og hefur hlotið
menntun sem leiðsögumaður.
Hann hefur stundað leiðsögn
á utanverðum Tröllaskaga um
árabil, þekkir svæðið vel frá
unga aldri í gönguferðum, við
smalamennsku og á skíðum.
Ritið fæst á skrifstofu FÍ.
Fjallabyggð og Fljót
F æðslurit FÍ
Ritið er til sölu hjá; Ferðafélagi Íslands, Mörkinni 6, 108 Reykjavík, s: 568 2533, fi@fi.is, www.fi.is
á Siglufirði í Tunnunni og Sólgörðum í Fljótum
FERÐAFÉLAG ÍSLANDS
www.fi.is
25 gönguleiðir
milli Fjallabyggðar
og Fljóta
Haust og vetrarferðir Ferðafélags Íslands njóta mikilla vinsælda
Sex þátta röð af Fjallaskálum Íslands í umsjá Sigmundar Ernis Rúnarssonar á
sjónvarpsstöðinni Hringbraut, hann
ferðast að þessu sinni bæði um
vestan- og austanvert landið og yfir
það þvert og endilangt. Þættirnir
eru unnir í samvinnu við Ferðafélag
Íslands og Fjallakofann.
Skálarnir sem eru sóttir heim
að þessu sinni eru í Norðurfirði og
Látravík á Ströndum, á Víknaslóðum
fyrir austan og uppi í Laugafelli,
Hrafntinnuskeri og Hvítárnesi í
óbyggðum Íslands. Þættirnir eru
fjölbreyttir að innihaldi og ólíkir hver
öðrum, en eiga það þó sameiginleegt
að sýna jafnt skálalífið, samfélagið
í kring og alltumlykjandi náttúruna
sem bíður upp á gönguleiðir og
fjallaklifur af öllu tagi.
Á www.hringbraut.is segir meðal
annars um þættina og þáttagerðina:
Fyrsti þátturinn er frá
skála Ferðafélags Íslands að
Valgeirsstöðum í Norðurfirði á
Ströndum norður, sem í raun er
gamall bóndabær sem fór í eyði fyrir
bráðum aldarfjórðungi, en þar er
meðal annars rætt við skálaverðina
Ólínu Þorvarðardóttur og Reyni
Traustason, svo og heimafólkið Elínu
Öglu Briem og Evu Sigurbjörnsdóttur
um viðkvæmt og einstakt samfélagið
á ystu mörkum Íslands. Þá er
haldið á fjöllin og heiðarnar í kring,
gengið meðal annars upp að
einum nafntogasta fossi seinni
tíma umræðu á Íslandi, Drynjanda í
Hvalá sem hugmyndir eru uppi um
að beisla með uppistöðulónum og
virkjun. Og svo er náttúrlega komið
við í kaupfélaginu á staðnum - og
Krossneslaus, annað má nú ekki vera.
"Það er búið að vera mikið
ævintýri að taka upp þessa
þætti með Birni Sigurðssyni
myndatökumanni. Ekki einasta
höfum við gengið tugi kílómetra,
stundum heilan dag til að ná aðeins
eins til tveggja mínútna efni, heldur
höfum við keyrt um landið þvert og
endilangt í samfellt 20 daga eða
svo til að koma okkur á milli staða;
fórum til dæmis þrisvar norður í
Árneshrepp vegna veðurs. Ætli
við eigum ekki að baki einhverja
7000 kílómetra, eða sem nemur
5 hringferðum um landið," segir
Sigmundur Ernir "og oft komumst
við í hann krappann; sveigðum
framhjá aurskriðum og bjarghruni
á Strandavegi, keyrðum á felgunni
suður Sprengisand og fórum í margra
tíma vegagerð til að komast yfir
kambinn í Hrafntinnusker," bætir hann
við - og vill þakka sérstaklega öllum
viðmælendum þáttanna sem margir
lögðu á sig talsvert erfið i, svo sem
dagsferð í Stórurð, ellegar hvöttu
þáttastjórnendur óspart áfram eins
og á við um guðföður þáttanna, Pál
Guðmundsson, framkvæmdastjóra
Ferðafélags Íslands.