Dagblaðið Vísir - DV - 15.11.2019, Qupperneq 39

PRESSAN 3915. nóvember 2019
Þann 11. september 2001 rændu hryðjuverkamenn á vegum al-
-Kaída fjórum farþegaflugvélum í Bandaríkjunum. Tveimur þeirra
var flogið á Tvíburaturnana í World Trade Center í New York. 2.996
manns létust. Margir samsæriskenningasmiðir telja að árásirnar
hafi verið runnar undan rifjum Bandaríkjamanna sjálfra. Mark-
miðið hafi verið að tryggja stöðu Bandaríkjanna sem öflugasta ríkis
heims eða til að tryggja aðgang þeirra að olíulindum í Miðaustur-
löndum. Önnur kenning er að eigendur Tvíburaturnanna hafi
staðið á bak við árásirnar til að fá tryggingafé greitt en þeir eru
sagðir hafa hagnast um 500 milljónir dollara.
Ein langlífasta samsæriskenn-
ing sögunnar er að helförin hafi
ekki átt sér stað. Í henni myrtu
nasistar sex milljónir gyðinga í
síðari heimsstyrjöldinni. Sann-
anir fyrir helförinni eru margar,
mörg þúsund ljósmyndir, hreyfi-
myndir og frásagnir fólks sem
slapp lifandi frá þessu. En það
virðist ekki skipta suma máli og
vefengja þeir þessi sönnunar-
gögn. Þeir halda því margir fram
að helförin sé blekking, sett á
svið af gyðingum til að efla völd
þeirra og áhrif. Margir þeirra
geta þó fallist á að nasistar hafi
myrt einhverja gyðinga en segja
tölurnar stórlega ýktar.
Það markaði mikil tímamót í
sögu mannkynsins þegar Neil
Armstrong steig fyrstur manna
fæti á tunglið 1969. Þetta var
mikið afrek á þeim tíma og er
enn, en tunglið er eini staður-
inn utan jarðarinnar þar sem
menn hafa stigið niður fæti enn
sem komið er. En tunglferð-
irnar og lendingarnar þar hafa
verið samsæriskenningasmið-
um uppspretta margvíslegra
kenninga og efasemda. Ein
sú langlífasta er að menn hafi
aldrei farið til tunglsins, allt hafi
þetta verið sviðsett af banda-
rísku geimferðastofnuninni
NASA. Það er margt sem sannar
að menn hafi farið til tunglsins,
þar má meðal annars nefna að
geimfararnir komu með jarð-
veg og grjót frá tunglinu aftur
til jarðarinnar og þeir skildu
manngerða hluti eftir á tung-
linu.
Það er auðvitað ekki hægt að fjalla um
samsæriskenningar án þess að minn-
ast á morðið á John F. Kenndy forseta í
Dallas 1963 með. Lee Harvey Oswald ját-
aði morðið á sig en var skotinn til bana
áður en réttað var yfir honum. En var hann
morðinginn? Var hann aðeins blóraböggull
sem átti að taka sökina á sig? Sluppu hinir
raunverulegu morðingjar? Samsæriskenn-
ingar hafa verið á kreiki um morðið allt frá
1963 og snúa að ýmsu. Því hefur verið
haldið fram að sovéska leyniþjón-
ustan KGB hafi staðið á bak við
það eða að eiginkona for-
setans, Jackie Kennedy,
hafi skipulagt það.
Samsæriskenningasmiðir um allan heim hafa verið
ósáttir við öreindahraðalinn (Cern Large Hadron
Collider) á landamærum Sviss og Frakklands.
Þegar hann var gangsettur í fyrsta sinn 2008 óttuð-
ust margir að þegar öreindirnar, sem væru send-
ar eftir honum á nánast ljóshraða, myndu mynda
svarthol sem myndi gleypa jörðina samstundis. En
við erum hér enn svo þetta voru greinilega óþarfa
áhyggjur. En það hefur ekki róað samsæriskenn-
ingasmiði sem smíðuðu síðan kenningar um að ör-
eindahraðallinn myndi opna einhvers konar hlið á
milli jarðarinnar og annarrar tilveru sem gæti ver-
ið allt frá öðrum alheimi til ormaganga eða jafnvel
myndi hliðið að helvíti opnast.
Nokkrar af undarlegustu samsæriskenningum síðari tíma – Seinni hluti
Hryðjuverkaárásirnar
á Bandaríkin 2001
Tunglferðirnar
Helförin
átti sér
ekki stað
Öreindahraðallinn í Sviss
mun opna hlið helvítis
Morðið á
John F.
Kennedy
Sorgardagur Hryðjuverkin 11. september. Fulllangt gengið Sumir
segja að helförin sé uppspuni.
Hver drap JFK? Verður þessari
spurningu einhvern tímann svarað?