Fréttablaðið - 12.11.2016, Síða 2

Veður
Vestan- og suðvestankaldi og smá skúrir
eða él, en léttir til fyrir austan. Hægari
sunnanátt um kvöldið og fer að rigna
syðst. Hiti 0 til 5 stig. sjá síðu 52
Bróðir og systir
Þorvaldur S. Þorvaldsson stillir sér upp með lágmynd af leikkonunni og náttúrunnandanum Herdísi, systur hans, sem Skógræktarfélag Reykjavíkur
fékk að gjöf. Á bak við Þorvald stendur Baldvin Atlason sem gaf lágmyndina en Pétur Bjarnason gerði hana. Myndin var gerð til að minnast Herdísar
fyrir baráttu hennar fyrir umhverfisvernd en hún stofnaði og gegndi formennsku náttúruverndarsamtakanna Lífs og lands. Fréttablaðið/anton brink
Dublin
Sértilboð | 17. – 20. nóvember | 3 nætur
Verð frá: 49.900 kr.
og 12.500 Vildarpunktar.
Á mann m.v. 2 í herbergi með
morgunverði á O‘Callaghan Mont Clare.
Verð án Vildarpunkta: 59.900 kr.
VITA | Skógarhlíð 12 | Sími 570 4444 | VITA.IS
Flogið með Icelandair
LögregLumáL Á þriðja hundrað
mála hafa komið upp á árinu þar
sem tollverðir hafa stöðvað póst-
sendingar sem innihéldu fíkniefni,
stera og önnur ávanabindandi lyf.
Í lok október voru málin orðin 214
talsins en voru 221 allt árið 2014.
Það ár var metár.
Smyglarar reyna ýmislegt til að
blekkja tollverði. Til að mynda var
sending í síðasta mánuði stöðvuð
sem reyndist innihalda tæpt kíló
metamfetamíns. Efnið hafði verið
falið í handsápum en glöggir toll-
verðir létu ekki blekkjast. – þea
Sjaldan meira
dóp í pósti
HeiLsa Þrjátíu íslenskir sérfræðingar
í heilbrigðisgeiranum gáfu í gær út
Kransæðabókina, rit með upplýs-
ingum um kransæðasjúkdóm sem
er ein algengasta dánarorsökin á
Íslandi. Ritstjórar bókarinnar eru
Guðmundur Þorgeirsson og Tómas
Guðbjartsson, prófessorar og yfir-
læknar.
Rekja má um þriðjung allra
dauðsfalla á landinu til hjarta- og
æðasjúkdóma. Þar af eru þrír fjórðu
hlutar vegna kransæðasjúkdóms.
Í tilkynningu frá Landspítalanum
segir að áhættuþættir sjúkdómsins
séu vel þekktir, til að mynda reyk-
ingar, háþrýstingur, sykursýki, offita
og hreyfingarleysi.
Bókin er sögð ætluð almenningi
ekki síður en heilbrigðisstarfsfólki
en í henni eru meðal annars ítarlegir
kaflar um mataræði og þunglyndi.
– þea
Engin ritstífla
hjá 30 íslenskum
sérfræðingum
ritstjórarnir Guðmundur og tómas
ásamt styrktaraðilum. Mynd/Friðrik
Staðreyndir um
hjartað
l Eðlilegt hjarta er á stærð við tvo
hnefa
l Eðlilegur púls er um 60-80 slög
á mínútu
l Hjartað slær því um 100.000
slög á sólarhring
l Hjartað vegur í kringum 0,5% af
líkamsþyngd eða 300 grömm
hjá körlum en 200 grömm hjá
konum
Kosningar Bjarni Benediktsson,
formaður Sjálfstæðisflokksins,
hefur ákveðið að hefja formlegar
stjórnarmyndunarviðræður við for-
menn Viðreisnar og Bjartrar fram-
tíðar.
„Við förum auðvitað í viðræð-
urnar því að við eygjum von á því
að það sé einhver möguleiki að
ræða málin og ná góðum umbót-
um,“ segir Óttarr Proppé, formaður
Bjartrar framtíðar. Hann segist gera
sér grein fyrir því að þetta séu ólíkir
flokkar og að mörgu leyti ósam-
stæðir. „Það er alveg ljóst að fólk
innan flokksins er mishrifið af því
að við séum að hefja stjórnarmynd-
unarviðræður við Sjálfstæðisflokk-
inn,“ segir Óttarr.
„Það er möguleiki á að við náum
saman um stóru málefnin og von-
andi gengur það sem allra best,“
segir Benedikt Jóhannesson, for-
maður Viðreisnar. Hann segir
stefnu Viðreisnar liggja ljósa fyrir
þegar gengið er til viðræðnanna.
Þórunn Egilsdóttir, þingflokks-
formaður Framsóknarflokksins,
segir að flokkurinn hefði viljað
halda áfram ríkisstjórnarsetu og
sé tilbúinn til þess komi það til
greina. „Það er ekki komin nið-
urstaða enn og við skulum sjá
hvernig þetta fer,“ segir hún.
Birgitta Jónsdóttir,
þingmaður Pírata,
Katrín Jakobsdóttir,
formaður Vinstri-
hreyfingarinnar –
græns framboð og
Oddný G. Harðar-
dóttir, þingmaður
Samfylkingarinn-
ar, segjast frekar
hefðu viljað sjá umbótastjórn
myndaða af stjórnarandstöðuflokk-
unum og Viðreisn.
„Ég hef mestar áhyggjur af að
þessir flokkar nái að sameinast um
grimma hægri stefnu, til dæmis
þegar kemur að einkavæðingu og
einkarekstri í velferðar- og mennta-
málum, og það er áhyggjuefni fyrir
landsmenn,“ segir Katrín. Hún segir
ljóst að annaðhvort munu Sjálf-
stæðisflokkurinn eða Björt framtíð
og Viðreisn þurfa að gefa mikið eftir
í stefnumálum sínum til þess þeir
geti myndað ríkisstjórn.
Í samtali við fréttastofu Stöðvar 2
í gær sagði Bjarni að strax eftir helgi
kæmi í ljós hvort flokkarnir þrír eigi
samleið í ríkisstjórnarsamstarfi.
thorgeirh@frettabladid.is
Framhald viðræðna
skýrist um helgina
Ekki eru allir sáttir innan Bjartrar framtíðar við að mynduð verði ríkisstjórn
með Sjálfstæðisflokknum. Kemur í ljós snemma í næstu viku hvort stjórnar-
myndunarviðræðurnar leiði til ríkisstjórnar. Framsókn tilbúin að stíga inn.
Þingflokkur Sjálfstæðismanna fundaði í gær í Valhöll. Eftir fundinn fór bjarni bene-
diktsson á fund forseta og tilkynnti um formlegar viðræður. Fréttablaðið/EyÞór
Ég hef
mestar
áhyggjur af að
þessir flokkar
nái að samein-
ast um
grimma hægri
stefnu.
Katrín
Jakobs-
dóttir,
formaður
VG
1 2 . n ó v e m b e r 2 0 1 6 L a u g a r D a g u r2 f r é t t i r ∙ f r é t t a b L a ð i ð