Fréttablaðið - 12.11.2016, Page 8

BJÖRK
DIGITAL
STAFRÆNN
HEIMUR
BJARKAR
02.11–30.12
MIÐASALA Á HARPA.IS
Styrktaraðilar sýningar í Hörpu
heilbrigðismál Það er einfaldlega
rangt að viðmið Sjúkratrygginga
Íslands um líkamsþyngdarstuðla
eða þyngdartap aldraðra, sem nýttir
eru til að ákvarða hvort einstakl­
ingur á rétt á niðurgreiðslu á nær­
ingardrykkjum eða næringarefnum,
grundvallist ekki á alþjóðlega viður­
kenndum stöðlum.
Þetta fullyrðir Steingrímur Ari
Arason, forstjóri SÍ, en Ólöf G.
Geirsdóttir, dósent í næringarfræði
við Háskóla Íslands, sagði í frétt
blaðsins í gær, að skilyrði SÍ væru
þannig í dag að þeir sem fullnægja
þeim séu orðnir svo vannærðir að
það sé í raun erfitt eða of seint að
hjálpa þeim.
Þessu hafnar Steingrímur Ari
alfarið en hins vegar sé það annað
mál hvort ástæða sé til að taka
nefnd viðmið stofnunarinnar til
endurskoðunar. Hvort þau séu
sambærileg við það sem gerist ann­
ars staðar, til dæmis á Norðurlönd­
unum segist Steingrímur ekki vita.
„En það getur vel verið að það megi
endurskoða greiðsluþátttökuna.“
Steingrímur Ari telur, þegar heilsa
aldraðra er til umræðu í þessu sam­
hengi, að ekki megi missa sjónar
á því sem skiptir mestu máli – að
fyrst og síðast þurfi að hafa hugfast
að heilsa og vellíðan sjúklinga eru
á ábyrgð sjúkrastofnana þegar þeir
dvelja þar. „Sjúkratryggingar koma
inn með aðstoð, og þá greiðsluþátt­
töku, þegar ákveðin skilyrði eru
uppfyllt,“ segir Steingrímur og bætir
við að sé það raunverulega svo, að
stór hluti skjólstæðinga stofnana
ríkisins sé vannærður, sé það mikið
áhyggjuefni.
Rannsókn sem gerð var 2015
og 2016 sýndi að tveir af hverjum
þremur inniliggjandi öldruðum á
Landakotsspítala eru vannærðir
eða sýna þess sterk merki að svo sé.
– shá
Áhyggjuefni ef rétt reynist
bandaríkin Áður en Donald Trump
tekur formlega við embætti forseta
Bandaríkjanna 20. janúar næstkom­
andi þarf hann að taka ákvörðun
um það hverja hann hyggst hafa
með sér í ríkisstjórn.
Enn er ekkert vitað hverjir verða
í ráðherraliði stjórnarinnar eða
öðrum lykilembættum, en vísbend­
ingar sjást í því hverjir hafa verið
dyggustu stuðningsmenn Trumps í
kosningabaráttunni.
Þar hafa ekki síst verið nefndir
þremenningarnir Chris Christie,
Newt Gingrich og Rudy Giuliani,
sem hafa allir verið áberandi í stuðn­
ingsliði Trumps síðustu mánuðina.
Christie, sem er ríkisstjóri í New
Jersey, þykir til dæmis geta orðið
dómsmálaráðherra eða heima­
varnar ráðherra. Eða jafnvel við­
skiptaráðherra.
Newt Gingrich, fyrrverandi for­
seti fulltrúadeildar þingsins, hefur
verið nefndur til sögunnar sem
hugsanlegur utanríkisráðherra. Þá
hefur Giuliani, fyrrverandi borgar­
stjóri í New York, verið talinn eiga
möguleika á að verða dómsmála­
ráðherra.
Fleiri hafa verið nefndir, til dæmis
Rick Perry, sem er fyrrverandi ríkis­
stjóri í Texas, David Clark, lögreglu­
stjóri í Milwaukee, og Michael
Flynn, fyrrverandi yfirmaður leyni­
þjónustu hersins.
Flynn gæti jafnvel orðið heima­
varnarráðherra og Clark hefur verið
nefndur sem hugsanlegur öryggis­
málaráðgjafi forsetans.
Þá þykir skurðlæknirinn Ben
Carson, sem keppti við Trump um
að verða forsetaefni Repúblikana,
hugsanlega koma til greina sem
heilbrigðisráðherra.
Að minnsta kosti tveir hafa verið
sagðir hugsanlegir fjölmiðlafull­
trúar Trumps, en það eru þeir
Corey Lewandowsky og Jared
Kushner. Kushner er tengdasonur
Trumps en Lewandowsky var lengi
framan af kosningastjóri hans.
Þá eru þeir Steve Bannon og
Reince Priebus sagðir koma til
greina í embætti starfsmannastjóra
Hvíta hússins.
Bannon var helsti forsprakki
hins umdeilda fréttavefs Breitbart
News en hætti þar til að gerast kosn­
ingastjóri Trumps á síðustu vikum
kosningabaráttunnar. Priebus er
hins vegar formaður landsnefndar
Repúblikanaflokksins og stóð þétt
við bakið á Trump undir lokin.
Ekkert er svo sem enn vitað hverja
Trump velur með sér. Ekki er víst
að neinn þeirra sem hér hafa verið
nefndir endi í ríkisstjórn Trumps.
Næsta ríkisstjórn mun hins vegar
hafa þingið með sér, að minnsta
kosti næstu tvö árin meðan Repúbl­
ikanar hafa meirihluta í báðum
deildum þess, fulltrúadeild og öld­
ungadeild.
Tvö ár eru hins vegar til næstu
þingkosninga í Bandaríkjunum. Þá
gæti staðan breyst þannig að Demó­
kratar styrki stöðu sína á þingi veru­
lega. Það er algengt á miðju fyrsta
kjörtímabili forseta.
Því má búast við að Trump og
félagar reyni að koma sem mestu í
verk fyrstu tvö árin, meðan Repúbl­
ikanar eru örugglega með meiri­
hluta. gudsteinn@frettabladid.is
Hugsanlegir ráðherrar í stjórn Trumps
Fjölmiðlar í Bandaríkjunum eru farnir að birta vangaveltur sínar um það hverjir gætu orðið fyrir valinu í ríkisstjórn með Donald
Trump. Nýja stjórnin hefur öruggan meirihluta Repúblikanaflokksins í báðum deildum Bandaríkjaþings í að minnsta kosti tvö ár.
Chris Christie og Rudy Giuliani hafa báðir staðið dyggilega með
Trump og hafa fyrir vikið verið mátaðir við ráðherrastóla í væntan-
legri ríkisstjórn. NoRdiCphoTos/AFp
Newt Gingrich, fyrrverandi
forseti fulltrúadeildar, er talinn
koma til greina í embætti utan-
ríkisráðherra. FRéTTAblAðið/EpA
david Clarke, lögreglustjóri í
Milwaukee, hefur verið tíður
gestur í herbúðum Trumps.
FRéTTAblAðið/EpA
Michael Flynn, fyrrverandi yfir-
maður leyniþjónustu banda-
ríkjahers, gæti orðið varnar-
málaráðherra. FRéTTAblAðið/EpA
skurðlæknirinn ben Carson lýsti
yfir stuðningi við Trump eftir að
hann sjálfur datt út í forkosn-
ingum. FRéTTAblAðið/EpA
sterkar vísbendingar eru um að gamalt, veikt fólk sé oft vannært – bæði heima hjá
sér og á sjúkrastofnunum, samkvæmt rannsóknum. FRéTTAblAðið/GVA
Sjúkratryggingar
koma inn með
aðstoð, og þá greiðsluþátt-
töku, þegar ákveðin skilyrði
eru uppfyllt.
Steingrímur Ari
Arason, forstjóri SÍ
1 2 . n ó v e m b e r 2 0 1 6 l a U g a r d a g U r8 f r é t t i r ∙ f r é t t a b l a ð i ð