Fréttablaðið - 12.11.2016, Page 32

Nadya frumsýndi nýverið nýtt tónlistarmyndband þar hún sýnir hvernig lífið gæti
orðið eftir kjör Donalds Trumps.
Hún ræddi um gerð myndbands­
ins og sigur Trumps við fréttastofu
Reuters. Nadya býr í Los Angeles
þar sem hún berst fyrir mannrétt­
indum í Bandaríkjunum. Í mynd­
bandinu sem heitir Make America
great again sést hún brennimerkt af
vörðum með nasistamerki og hár­
greiðslu sem svipar til Trumps. Hún
er hlutgerð og dæmd og á
hana er brennimerkt
„Feita svín“, tilvísun í
það þegar Trump veitt­
ist að fyrrverandi
ungfrú alheimi,
Aliciu Machado.
„Ég trúði því ekki þar
til í blálokin að hann myndi
sigra. Markmið mitt með tón­
listarmyndbandinu var að
vara fólk við og deila reynslu
minni að sitja uppi með Vlad­
imir Pútín með bandarískum kjós­
endum sem ætluðu sér að kjósa
Trump.“
Hún telur frelsinu ógnað.
„Það mikilvæga við frelsi
er að það er auðveld­
lega hægt að taka það
af þér. Enginn ætti
að vera of öruggur
um að njóta frelsis
og ég held að margir
Bandaríkjamenn haldi að
þeir hafi það og muni aldr­
ei týna því, og þeir segja að
land þeirra sé land frelsis og
önnur ekki.
Ég trúi því að fólk muni gera sitt
besta til að vera í andstöðu við nýja
feðraveldið sem er að herða tök sín
um allan heim. Ef þú getur teiknað,
teiknaðu, ef þú getur búið til tónlist,
búðu þá til tónlist gegn feðraveldinu.
Ég veit að margir eru pirraðir og von­
sviknir og vilja gefast upp. En það er
mikilvægt að gera það ekki. Ef við
erum sameinuð, þá getum við sigrast
á þessu. Þetta eru engin sögulok.
Pútín er slæmur, hann er mjög
slæmur, en fólk verður að skilja að
ástandið í Rússlandi gæti líka orðið
í Bandaríkjunum ef það berst ekki
fyrir réttindum sínum.“
Við erum öll hrædd. Við erum hrædd við heiminn og dauð­ann í honum. Þessi ótti brýst
út á mismunandi vegu. Auðvitað
hafa asnar svo lært að höfða til ótt­
ans og fær sér hann í nyt. Dýrkun
sjálfsins – eins og dýrkun guða og
máttarvalda, trú á hugmyndir, hluti
eða hvað sem vera kann – getur sjálf­
sagt slegið á ótta asna.
Saga síðustu alda er leikur fárra
að mörgum. Öll sagan svo sem en
tuttugasta öldin var sérlega skínandi
dæmi um það. Við höfum fasista
og nasista og vinstra alræði, trúar­
hreyfingar, auglýsingaiðnaðinn,
matvælaiðnaðinn, vopnaiðnaðinn,
leyniþjónustur, útgerðarmenn og
allan fjandann. Ég er ekki að tala um
leynifélög og samsæri, bara það að
við höfum lært að hafa ótrúleg áhrif
í gegnum hugmyndir og ógnanir. Og
einfaldar lausnir.
Í kosningunum í BNA núna var
mjög höfðað til óánægju sem mikið
til er skiljanleg – misskipting er yfir­
gengileg og fólk sér það hvert sem
það lítur. Sér bankana sem aftur
bólgna og þann ófögnuð allan.
Ábyrgðarlaus ferlíki sem gleypa
monnínga eins og svarthol ljós. Það
verður ekki af nýfrjálshyggjunni
skafið að hún hefur fokkað ærlega
upp. Og Clinton varð holdtekja
þess batterís. Kerfið sjálft í drapp­
litri dragt.
Óánægja verður svo algert
dúndur í bland við ótta. Báðar
fylkingar beittu hræðsluáróðri á
einn eða annan hátt. En Trump
og hans hyski spiluðu betur á ótt­
ann, notuðu mörg margreyndustu
og skítlegustu trixin – sem ítrekað
hafa sannað sig. Á meðan Clinton
talaði um reynsluleysi Trumps og
vafasama viðskiptahætti greip
sá síðarnefndi til andstyggilegrar
framandgervingar alls fjárans. Mús­
lima, innflytjenda, guðleysingja,
LBGTQA­fólks, hörundsdökkra,
sósíalista, kvenna (sem ekki falla
nákvæmlega að ofureinfaldaðri
ídeu viðkomandi karlskoffíns)
o.s.frv. Beisiklí allra sem ekki eru
hvítt fólk tiltekinnar aðstöðu og
skoðana. Og djöfull sem hann er
líka orðljótur.
Tuttugasta öldin var ein samfelld
kennslustund í þessu skítabrölti.
Verum hrædd! Svo læst þursinn
vera karl í krapinu og sá rétti til
að berja á öllum hinum vondu og
siðlausu, til að leiðrétta misskipt­
inguna og redda yfirleitt öllu. Við
erum svo ginnkeypt fyrir þessari
vitleysu að það er lyginni líkast.
Og þó, kannski ekki svo skrítið.
Hún dreifir huganum frá stöð­
ugum dauðabeygnum sem alltaf er
til staðar og, trúi ég, knýr yfirleitt
allan ótta. Heimurinn er flókinn og
það er flókið að vera til. Trump er
einföld sjónvarpsfígúra – ógeðsleg
og hatursfull vissulega, en samt
fígúra – og Bandaríkin eru dægur­
menningarsamfélag. Við erum svo
meingölluð, kerfið svo meingallað
og popúlistar eru manna bestir í
að notfæra sér helvítis gallana. Fer­
lega glatað allt saman. Að við bara
værum nú betri í að virkja óttann
til ástar hvert á öðru.
Að útskýra öflin að baki kosn­ingasigri Donalds Trump er nú orðið að stóru viðfangs­
efni þjóðfélagsrýna. Fréttamiðlar
um allan heim keppast við að setja
fram skýringar. Enda viðfangsefnið
bæði flókið og heillandi. Á einn
eða annan hátt hljóta trúverðugar
skýringarnar að byggja á því hvað­
an fjöldafylgi Trumps kom.
Fylgið var vissulega svæðisbund­
ið eins og venjan er í Bandaríkjum;
Repúblikaninn Trump fékk örugga
kosningu í íhaldssömum fylkjum.
En það sem breytti öllu var að hann
sótti mikið af nýju fylgi til verka­
fólks og lægri millistéttarhópa á
svæðum sem ekki hafa talist örugg
vígi íhaldsmanna um hríð. Þá hafði
Trump hljómgrunn meðal hvítra
ómenntaðra karlmanna – reyndar
var stuðningur ómenntaðra hvítra
kvenna einnig verulegur.
Í stuttu máli hafði Trump mikinn
hljómgrunn meðal þeirra þjóð­
félagshópa sem beðið hafa lægri
hlut í efnahagslegu og félagslegu
tilliti undanfarna áratugi. Kosn­
ingaþátttaka þessara þjóðfélags­
hópa er venjulega lítil en skilaboð
hans um að „hrista upp í kerfinu“
virkjuðu marga til að mæta í kjör­
klefann. Með óheflaðri framkomu
og einföldum skilaboðum tókst
Trump að höfða til þessara hópa;
hann talaði um ótta þeirra og
brostnar væntingar á þeirra eigin
tungumáli, með skírskotunum
í íhaldssöm gildi þeirra og þörf
fyrir félagslega samstöðu. Skila­
boð Trumps voru að mörgu leyti
áþekk skilaboðum þjóðernissinn­
aðra stjórnmálaafla sem vaxið
hefur ásmegin í Evrópu: höfnun
á alþjóðavæðingu efnahagslífs og
þjóðfélags.
Fjölmiðlar höfðu augljóslega
mikil áhrif en stóra samhengið
má ekki gleymast. Undanfarna
þrjá áratugi hefur efnahagslegur
ójöfnuður aukist samfara alþjóða­
væðingu fjármála­ og efnahags­
lífsins; lægri stéttirnar hafa setið
eftir á meðan efri stéttir og forrétt­
indahópar hafa bætt kjör sín mjög
mikið. Þeirrar þróunar hefur gætt í
mörgum öðrum löndum.
Enn fremur jók fjármálakreppan
vantrú almennings á stjórnmála­
kerfinu; líkt og í mörgum öðrum
löndum virðist orðræðan um að
hinir auðugu hafi náð tökum á
ríkisvaldinu hafa fengið byr undir
báða vængi. Líkt og í mörgum
Evrópulöndum hafa gamal­
grónir stjórnmálaflokkar ekki
brugðist nægilega skýrt við van­
trausti almennings með breyttum
áherslum eða stefnumálum; þann­
ig hefur skapast eftirspurn eftir
óhefðbundnum stjórnmálaöflum
á borð við Donald Trump.
Með réttu eða röngu hafa
þeir sem beðið hafa lægri hlut í
alþjóðavæðingunni séð tækifæri
til þess að breyta kerfinu með því
að kjósa þann frambjóðanda sem
boðar róttækar breytingar. Sé tekið
mið af þeirri orðræðu sem ein­
kenndi kosningabaráttu Trumps
er aftur á móti erfitt að sjá hvernig
þær breytingar muni gera lítið
annað en að veikja lýðræðið enn
frekar þar vestra.
Var kjörinn farsællega í forseta-
kjöri. Nú fara atvinnumótmæl-
endur gegn mér hvattir áfram af
fjölmiðlum. Mjög ósanngjarnt.
10. nóvember
Svo fallegt og mikilvægt kvöld.
Gleymdi maðurinn og konan
munu aldrei gleymast aftur.
Við sameinumst sem aldrei
fyrr.
9. nóvember
Bandaríkin verða að velja á
milli mistækrar stefnu eða
ferskra viðhorfa, spillts kerfis
og manns sem stendur fyrir
utan kerfið.
7. nóvember
Gerið Bandaríkin stórkostleg
á ný!
5. nóvember
Það eina sem getur stöðvað
spillingarvélina eruð þið. Eini
mátturinn nógu sterkur til að
bjarga landinu okkar erum við.
4. nóvember
Ef Obama legði sig jafn hart
fram um að rétta úr hag lands-
ins eins og hann hefur gert í
að reyna að vernda Hillary,
værum okkur öllum betur
borgið.
4. nóvember
„ICE OFFICERS“ Vara við því
að innflytjendastefna Hillary
muni leysa úr læðingi: gengi,
eiturlyfjahringi og ofbeldi um
allt land.
4. nóvember
Takk Orlando, Flórída! Við
erum aðeins sex daga frá því
að færa hverjum gleymdum
manni, konu og barni í þessu
landi réttlæti.
2. nóvember
Sjáið hvernig glæpakvendið
Hillary er að höndla þetta e-
mail mál og hvaða rugli hún er
í. Hún er ófær um að sinna emb-
ætti forseta. Slæm dómgreind!
#crooked
1. nóvember
Vá, Twitter, Google and Face-
book eru að reyna að þagga
niður glæparannsókn FBI á
Clinton. Mjög óheiðarlegir
miðlar.
30. október
Við erum að sigra og fjölmiðlar
neita að segja frá því. Ekki láta
þá villa um fyrir ykkur, farið og
kjósið.
#DrainTheSwamp
24. október
Nadya
Tolokonnikova
meðlimur Pussy Riot
Atli Sigþórsson
– Kött Grá Pjé
skáld
Þótt Donald Trump taki ekki við embætti fyrr en í janúar þá er svo mikill skaði skeður
nú þegar. Þó hugsanlega reynist
hann ekki eins hræðilegur í emb­
ætti og hann hefur verið í kosn­
ingabaráttunni þá breytir það ekki
öllu. Fylgismenn hans eru nú þegar
innblásnir af hatri. Þó ekki nema
litlum hluta þeirra finnist þeir hafa
leyfi til að niðurlægja fólk af öðrum
trúarbrögðum eða kynþáttum þá
er það stóráfall fyrir samfélagið. Ég
á fjölskyldu og marga vini í Banda­
ríkjunum. Flestir hatrammir and­
stæðingar Trumps en líka nokkrir
sem kusu hann og ég er í alvörunni
reiður þeim. Það er þessi gjá sem er
að skapast milli fólks og á einhverj­
um allt öðrum forsendum en áður.
Auðvitað unir maður því að fólk hafi
aðrar stjórnmálaskoðanir en hérna
er um allt annað að ræða. Fólkið
sem kaus hann hefur skipað sér í lið
með hrottunum, það kvittar upp á
kynferðislegt ofbeldi og mismunun
sem maður vonaðast til að heyrði
sögunni til. Í mínum huga er engin
leið að samþykkja það. Mennskan
tapaði í þessum kosningum.
Styrmir
Sigurðsson
leikstjóri
Jón Gunnar
Bernburg
prófessor í félagsfræði
Ég er sorgmædd og í sjokki. Ég er hrædd, ekki bara um mig sem konu, heldur fyrir hönd alls
litaðs fólks, innflytjenda, transfólks
og þeirra sem falla utan við normið.
Þetta er svo hættuleg vegferð sem að
við getum ekki liðið. Ég skammast
mín svo vegna hatursummæla hans
og skilaboða sem hann sendir heim­
inum,“ segir Indía Salvör.
Móðir hennar Jóhanna tekur
undir. „Ég er sorgmædd sem kona
og móðir tveggja stúlkna. Við erum
að fara aftur í tímann.“
Þær fóru til að mótmæla í New
York daginn eftir úrslitin. „Við
fórum, fjölskyldan, í Columbus
Circle til að mótmæla. Hillary var
ekki breytingin sem fólkið vildi og
þar af leiðandi fékk hún ekki nógu
mörg atkvæði. Hann sjálfur er síðan
atkvæðalægsti forseti í langan tíma.
Fólk er orðið svo þreytt á þessu
kjaftæði í pólitík og er tilbúið í
alvöru breytingar. Bernie var alltaf
minn maður,“ segir Jóhanna.
India salvör
Menuez
leikkona
Jóhanna
Methúsalemsdóttir
listamaður
@therealdonaldtrump
Mæðgurnar Indía og Jóhanna fóru og mótmæltu í Columbus Circle í New York.
1 2 . n ó v e m b e r 2 0 1 6 L A U G A r D A G U r32 h e L G i n ∙ F r É T T A b L A ð i ð