Morgunblaðið - 14.09.2019, Blaðsíða 6
SVIÐSLJÓS
Kristján H. Johannessen
khj@mbl.is
Þeir vegtollar sem nú stendur til að
setja á umferð ökutækja um helstu
stofnæðar á höfuðborgarsvæðinu
geta kostað bíleigendur um 400 þús-
und krónur á ári. Á þetta einkum við
um þá sem búa í úthverfum Reykja-
víkur og í nágrannasveitarfélögum. Á
þessi aukaskattur á eigendur öku-
tækja að fjármagna löngu tímabærar
endurbætur á vegakerfi borgarinnar
og svokallaða borgarlínu.
Runólfur Ólafsson, formaður Fé-
lags íslenskra bifreiðaeigenda, segir
fyrirhugaða gjaldtöku geta numið
allt að 600 krónum fyrir hverja ferð.
Upphæð sem þessi sé nokkuð sem
FÍB geti á engan hátt sætt sig við.
„Maður sem býr í Hafnarfirði og
þarf að sækja vinnu í miðbæ Reykja-
víkur eða nám í háskóla þyrfti að
greiða 600 krónur fyrir hvorn legg.
Ef sami einstaklingur þyrfti að sækja
einhverja þjónustu, eins og gengur
og gerist, getur þessi kostnaður auð-
veldlega farið upp í 300 til 400 þúsund
krónur á ári,“ segir Runólfur, en eigi
einstaklingur að greiða 400 þúsund
krónur í veggjald þarf sá hinn sami
að afla um 600 þúsund króna í launa-
tekjur. „Það eru tvöföld lágmarks-
laun á Íslandi í dag.“
Verið að auka umferðartafir
Litlar sem engar framkvæmdir
hafa verið við stofnbrautir á höfuð-
borgarsvæðinu sl. 12 ár. Á sama tíma
hefur íbúum þar fjölgað um 40 þús-
und. Segir Runólfur einkennilegt að
verið sé að þrengja sífellt að umferð-
inni til að magna tafir í stað þess að
ráðast í brýna uppbyggingu.
„Með því að leggja á ofurgjöld, sem
þessir tollar geta hæglega orðið að,
er einfaldlega verið að þvinga fólk til
að nýta aðra samgöngumöguleika en
bílinn,“ segir Runólfur og bætir við
að um leið sé verið að auka markaðs-
legt vægi borgarlínu.
„Ég get alveg skilið að einhverjir
hafi þessa pólitísku sýn, en ég er aft-
ur á móti mjög hissa að Jón Gunn-
arsson [þingmaður Sjálfstæðis-
flokksins og formaður umhverfis- og
samgöngunefndar Alþingis] hafi
þessa pólitísku sýn,“ segir hann.
Spurður út í skoðun FÍB á um-
ræddum skatti á bifreiðaeigendur
svarar Runólfur: „Við erum alfarið á
móti þessum hugmyndum enda er
um að ræða verulegar skattahækk-
anir fyrir marga.“
Engin sátt ríkir á Alþingi
Í frétt RÚV í fyrradag sagði Jón
Gunnarsson þverpólitíska sátt ríkja
um vegtolla til að flýta og hraða upp-
byggingu samgöngukerfisins.
Morgunblaðið leitaði viðbragða frá
öllum formönnum þingflokka stjórn-
arandstöðu. Enginn þeirra kannaðist
við þverpólitíska sátt í málinu. Sögð-
ust sumir þeirra ekki einu sinni hafa
fengið kynningu á þeim hugmyndum
sem ríkisstjórnin hefur varðandi veg-
tolla á höfuðborgarsvæðinu.
„Þessi sátt er bara í höfðinu á hon-
um, málið hefur bara ekkert verið
kynnt fyrir okkur í minnihlutanum á
Alþingi,“ segir Hanna Katrín Frið-
riksson, formaður þingflokks Við-
reisnar. „Þegar hann kemur fram og
segir þverpólitíska sátt ríkja, þá veit
ég ekki í hvað hann er að vísa.“
Aðspurð segir hún 600 króna gjald
ekki koma til greina. „Það verður að
gæta jafnræðis og sanngirnis milli
íbúa þessa lands þegar kemur að
skattaálögum sem nota á til að greiða
fyrir samgöngumannvirki.“
Oddný G. Harðardóttir, formaður
þingflokks Samfylkingar, segir enga
þverpólitíska sátt ríkja um veggjöld.
„Við erum tilbúin til viðræðna um
veggjöld á einhverjum afmörkuðum
leiðum en það þurfa þá að vera góð
rök fyrir því,“ segir hún og bætir við
að ríkisstjórnin hafi ekki kynnt nein-
ar útfærslur. „Kannski finnst Jóni
það nóg að komin sé á sátt á milli
Sjálfstæðisflokksins og Vinstri
grænna,“ bætir Oddný við.
Gunnar Bragi Sveinsson, formaður
þingflokks Miðflokksins, segir veg-
gjöld koma til greina ef aðrir skattar
lækki á móti. Veggjöld geti ekki orðið
viðbótarskattur á bíleigendur.
„Þetta verður að vera þannig að
vegtollar þyngi ekki róður þeirra sem
þurfa að greiða þá en einnig þarf að
létta á öðrum sköttum. Við erum nú
þegar margsköttuð fyrir fram-
kvæmdum og búin að greiða fyrir
notkun á vegum landsins. Þeir sem
nú þurfa að bíða tímunum saman
fastir í umferð í Reykjavík ættu að
spyrja þá sem á sínum tíma sömdu
„Verulegar skattahækkanir“
Vegtollar á höfuðborgarsvæðinu geta kostað 400 þúsund krónur á ári fyrir einn bíl, segir FÍB
Stjórnarþingmaður hefur talað um þverpólitíska sátt Stjórnarandstaða kannast ekki við það
Morgunblaðið/Hari
Grænt ljós? Tafir og vandræðagangur eru daglegt brauð í Reykjavík enda hafa framkvæmdir setið á hakanum.
6 FRÉTTIRInnlent
MORGUNBLAÐIÐ LAUGARDAGUR 14. SEPTEMBER 2019
Er pólitísk sátt
um veggjöld?
Tjarnargata 4, 3. hæð | Sími 546 1100 | investis@investis.is | www.investis.is
Fyrirtæki til sölu
Ráðgjafar / eigendur
Haukur Þór Hauksson, Rekstrarhagfræðingur, MBA
Gsm. 8939855
Thomas Möller, Hagverkfræðingur, MBA
Gsm. 8939370
• Sérhæft fyrirtæki sem vinnur aukaafurðir úr fiski og selur erlendis. Velta
er um 700 mkr. og ebitda um 60 mkr. Mjög stöðugur rekstur með mikla
vaxtamöguleika. Fyrirtækið er rekið í leiguhúsnæði á höfuðborgarsvæðinu.
• Sérhæfð gjafavöruverslun í miðborg Reykjavíkur sem hefur gengið mjög vel.
Velta tæpar 100 mkr.
• Fyrirtæki sem sérhæfir sig innflutningi og þjónustu við verslun iðnað og
einstaklinga. Velta er rúmlega 260 mkr. Fyrirtækið er rekið í eigin húsnæði.
Mjög góð afkoma og stöðugur rekstur.
• Áhugavert fyrirtæki sem sérhæfir sig í yfirborðsmeðferð á málmi og þjónar
fjölda viðskiptavina. Velta er um 140 mkr. og ebitda um 25 mkr. Félagið er
rekið í leiguhúsnæði. Stöðugur og góður rekstur.
• Veitingarekstur í einum af stærstu golfvöllum á höfuðborgarsvæðinu, mjög
góð aðstaða til veitingareksturs og veisluþjónustu. Reksturinn skilar um 10
milljónum í ebitda á ári.
• Áhugavert fyrirtæki í gistiþjónustu á Suðurlandi sem skilar góðum hagnaði.
• Sérhæft innflutningsfyrirtæki á sviði tækja og búnaðar fyrir bændur og verktaka
sem hefur verið í miklum vexti.Velta 2018 tæpar 300 mkr., ebitda um 23 mkr.
• Öflugt og vaxandi matvælaframleiðslufyrirtæki sem meðal annars framleiðir
mjög vinsæla rétti sem seldir eru í smásöluverslunum, til mötuneyta og
stærri notenda. Velta tæpar 200 mkr. Góð afkoma.
• Sérhæfð verslun í Smáralind með langa sögu og ágætis afkomu.
• Sérhæfð sælkeraverslun á Laugavegi með mikla sérstöðu.
• Icelandic Fish & Chips í miðbæ Reykjavíkur. Góður rekstur með mikla möguleika.
• Mjög arðbær verslun með ís og veitngar í Reykjanesbæ. Fyrirtæki er í eigin
húsnæði. Stöðugur hagnaður, miklir möguleikar.
um framkvæmdastopp hvað þeir
voru eiginlega að hugsa. Staðan í
borginni er algerlega á ábyrgð þeirra
sem gerðu þetta samkomulag,“ segir
Gunnar Bragi og vísar þar í umdeilt
samkomulag milli ríkisins og borgar-
innar árið 2012.
Halldóra Mogensen, formaður
þingflokks Pírata, segir sátt vera
„bull“. „Hann er mögulega að hugsa
um stjórnarþingmenn,“ segir hún.
Þá segir Guðmundur Ingi
Kristinsson, formaður þingflokks
Fólks flokksins, það vera „algjört
rugl“ ef greiða þurfi 400 þúsund
krónur á ári fyrir eina bifreið.
„Hvernig eiga þeir sem eru á lægstu
launum að standa undir því – það er
útilokað. Það er kominn tími til að
nota þá peninga sem eiga að fara í
vegagerðina í vegagerðina,“ segir
hann.
’
Þessi sátt er bara í höfðinu á
honum [Jóni Gunnarssyni], mál-
ið hefur bara ekkert verið kynnt fyr-
ir okkur í minnihlutanum á Alþingi.
Hanna Katrín Friðriksson
’
Kannski finnst Jóni það nóg að
komin sé á sátt á milli Sjálfstæð-
isflokksins og Vinstri grænna.
Oddný G. Harðardóttir
’
Þeir sem nú þurfa að bíða tím-
unum saman fastir í umferð í
Reykjavík ættu að spyrja þá sem á
sínum tíma sömdu um fram-
kvæmdastopp hvað þeir voru eig-
inlega að hugsa.
Gunnar Bragi Sveinsson
’
Það er kominn tími til að nota þá
peninga sem eiga að fara í vega-
gerðina í vegagerðina.
Guðmundur Ingi Kristinsson
’
Hann er mögulega að hugsa um
stjórnarþingmenn.
Halldóra Mogensen
Jón Birgir Eiríksson
jbe@mbl.is
Samkomulag ríkis og sveitarfélaga á
höfuðborgarsvæðinu um skipulag og
fjármögnun uppbyggingar á sam-
gönguinnviðum og rekstri almenn-
ingssamgangna á höfuðborgarsvæð-
inu til 15 ára, þ.e. til og með ársins
2033, er enn óundirritað þrátt fyrir
að til hafi staðið að undirrita það í
vikunni.
Efni samkomulagsins var til kynn-
ingar af hálfu Samtaka sveitarfélaga
á höfuðborgarsvæðinu fyrir sveitar-
stjórnarfólk á höfuðborgarsvæðinu
og þingmenn ríkisstjórnarflokka í
vikunni, en trúnaður gildir um efni
þess fram til undirritunar.
Í fréttaflutningi af málinu hefur
komið fram að veggjöld muni standa
undir um helmingi af þeim fram-
kvæmdum sem um er fjallað í sam-
komulaginu. Meðal framkvæmdanna
eru fyrstu áfangar borgarlínu, fram-
kvæmdir við gatnamót Bústaðaveg-
ar og Reykjanesbrautar og fram-
kvæmdir við að leggja Miklubraut í
stokk milli Kringlumýrarbrautar og
Rauðarárstígs. Þá er gert ráð fyrir
framkvæmdum við stokk á Hafnar-
fjarðarvegi í Garðabæ og stokk á
Sæbraut milli Vesturlandsvegar og
Holtavegar.
Efasemdir í Sjálfstæðisflokki
Samkvæmt heimildum Morgun-
blaðsins tafði það fyrir afgreiðslu
málsins að kynning á því þótti gróf
og fannst þingmönnum sumum
hverjum að ýmsir þættir væru óút-
færðir og illa kynntir, t.d. hvernig
veggjald yrði innheimt. Málið væri
sett fram í þannig búningi að ekki
rynni vel ofan í þingmenn.
Einkum var það í þingflokki sjálf-
stæðismanna sem vart varð við at-
hugasemdir af þessum toga og efa-
semdir. Einn þingmaður sagði í
samtali við Morgunblaðið að málið
væri af þeirri stærðargráðu að það
þyrfti að leggjast yfir það til þess að
þingmenn gætu tjáð sig um það eða
haft miklar skoðanir á því. Í það
minnsta þyrftu þingmenn í Reykja-
vík að skoða málið mjög vel. Færri
athugasemdir í þessa veru munu
hafa komið úr þingflokkum Fram-
sóknarflokks og Vinstri-grænna.
Samkomulag um sam-
göngur enn óundirritað
Fannst ýmislegt óútfært og kynning samkomulagsins gróf
Morgunblaðið/Eggert
Þing Sjálfstæðismenn gerðu athugasemdir við kynningu samkomulagsins.