Morgunblaðið - 14.09.2019, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 14. SEPTEMBER 2019
Sigtryggur Sigtryggsson
sisi@mbl.is
Stjórn Faxaflóahafna hefur hafnað ósk
Kaldadals ehf. að láta vinna deiliskipulag
fyrir viðbyggingu vestan við Hafnarbúðir,
sem standa við Geirsgötu, við gömlu höfnina
í Reykjavík.
Hafnarnefndin lítur svo á að skipulag geri
ekki ráð fyrir svo umfangsmikilli byggingu.
Ef bygging kæmi á þessum reit yrði hún í
stíl við grænu verbúðirnar við hliðina.
Fram kemur í greinargerð Kaldadals og
Batterísins arkitekta að upphafleg hönnun
hússins hafi miðað að því að það yrði stækk-
að til vesturs. Tenging yrði beint úr núver-
andi stigahúsi í fyrirhugaða stækkun, sem
einnig sést á því að hluti vesturhliðar núver-
andi húss sé gluggalaus af þeim sökum. Við-
byggingin taki mið af eldra húsinu, sé
þriggja hæða með mænisþaki, sem tengi
þannig hæð með hallandi þaki. Þarna sé
horft til anda, horfs og mælikvarða eldri
byggðar í Vesturbænum. Ofanjarðar bætist
við 815 fermetrar og verði alls 1.827 fer-
metrar. Byggingamagn á lóðinni verði alls
2.617 fermetrar, með bílakjallara. Í viðbygg-
ingunni verði um það bil 560 fermetrar not-
aðir undir veitingastarfsemi, verslun og aðra
þjónustu.
Að beiðni Faxaflóahafna sf. vinnur
Borgarsögusafn Reykjavíkur um þessar
mundir að endurskoðun húsakönnunar fyrir
svæðið Suðurbugt við Reykjavíkurhöfn sem
afmarkast af götunum Suðurbugt, Geirsgötu
og Ægisgarði. Fram kemur í drögum að
húsakönnuninni að Hafnarbúðir voru byggð-
ar á árunum 1958-1961 sem verkamannahús
og sjómannastofa og tóku við hlutverki
gamla Verkamannaskýlisins svokallaða við
Tryggvagötu/Kalkofnsveg. Húsið teiknuðu
Einar Sveinsson, húsameistari Reykjavíkur,
og Aðalsteinn Richter arkitekt.
Rekstrargrundvöllur hússins brast
Húsið var formlega tekið í notkun 1. maí
1962 og gefið nafnið Hafnarbúðir. Húsið og
allur aðbúnaður í því hlaut mikla umfjöllun á
sínum tíma og þótti vandað að hönnun og
smíði, vistlegt og nýtískulegt. Strax um 1970
var grundvöllur fyrir rekstrinum brostinn af
ýmsum ástæðum og eftir það stóð húsið stóð
autt í nokkur ár. Þegar eldgosið varð í Vest-
mannaeyjum 1973 var húsið nýtt undir bæj-
arskrifstofur Vestmannaeyja og félagslega
aðstöðu fyrir brottflutta íbúa. Árið 1975 var
Borgarspítalanum afhent húsið til reksturs
endurhæfingar- og hjúkrunardeildar fyrir
aldraða. Árið 1985 seldi Reykjavíkurborg
ríkinu húsið og eftir það var hjúkrunardeild
starfrækt þar. Árið 1998 var húsið selt
einkaaðilum. Nú eru þar m.a. veitingahúsið
Rio og arkitektastofa.
Hvað byggingarlist varðar er gildi hússins
talið mikið. Hús hannað sem opinber bygg-
ing í módernískum stíl, undir hafnartengda
starfsemi og veitingarekstur. Menningar-
sögulegt gildi er sömuleiðis metið hátt.
Tölvumynd/Batteríið
Hafnarbúðir Nýbyggingin átti að rísa á lóðinni við hlið grænu verbúðanna.
Morgunblaðið/sisi
Nýbyggingin Þarna var meðal annars gert ráð fyrir veitingastarfsemi, verslun og þjónustu á 580 fermetrum.
Viðbyggingu Hafnarbúða hafnað
 Var talin of umfangsmikil  Reiknað með húsi í stíl grænu verbúðanna  Margvísleg starfsemi
Verið velkomin í glæsilega sýningaríbúð
Breiðakri 4 íbúð merkt 104
Guðbjörg Guðmundsdóttir
löggiltur fasteignasali
gudbjorg@manalind.is
sími: 899 5533
Thelma Víglundsdóttir,
löggiltur fasteignasali
thelma@manalind.is
sími: 860 4700 www.manalind.is Lágmúla 6 sími 511 1020
Sölusýning
Breiðakur 6-8 Garðabæ
Laugardaginn 14. september frá 13:00-14:00
Sunnudaginn 15. september frá 13:00-14:00
Lækkað verð, aðeins 6 íbúðir eftir.
Íbúðirnar eru tilbúnar til afhendingar, fullbúnar án gólfefna.
Verð frá 62,9 millj.
Nýtt átta íbúða fjölbýli með lyftu, á eftirsóttum stað.
Þriggja og fjögurra herbergja íbúðir, 122-138 fm.
Öllum íbúðum fylgja stæði í lokaðri bílageymslu.