Morgunblaðið - 14.09.2019, Blaðsíða 25

FRÉTTIR 25Erlent
MORGUNBLAÐIÐ LAUGARDAGUR 14. SEPTEMBER 2019
Bogi Þór Arason
bogi@mbl.is
Þrjú fylgismestu forsetaefni demó-
krata í Bandaríkjunum – Joe Biden,
Elizabeth Warren og Bernie Sanders
– deildu einkum um umbætur á
sjúkratryggingum í kappræðum sem
fóru fram í fyrrinótt.
Þetta var í fyrsta skipti sem öll for-
setaefnin þrjú tóku þátt í sömu kapp-
ræðunum því að áður hafði frambjóð-
endunum verið skipt í tvo hópa sem
öttu kappi hvor í sínu lagi.
Skoðanakannanir benda til þess að
Joe Biden, 76 ára fyrrverandi vara-
forseti Bandaríkjanna, sé með mikið
forskot á keppinauta sína. Næst
koma öldungadeildarþingmennirnir
Bernie Sanders, sem er 78 ára, og
Elizabeth Warren, sem er sjötug.
Forsetaefnin voru sammála um
margt, m.a. þörfina á aðgerðum til að
stemma stigu við losun gróðurhúsa-
lofttegunda sem valda loftslags-
breytingum, en deildu einkum um
sjúkratryggingar. Warren og Sand-
ers eru bæði hlynnt opinberu sjúkra-
tryggingakerfi fyrir alla, ekki aðeins
fyrir eldri borgara (medicare) og
tekjulága (medicaid) eins og nú er.
Biden vill hins vegar umbætur á
„obamacare“, sjúkratryggingalögum
sem voru samþykkt í forsetatíð Bar-
acks Obama til að tryggja að fleiri
yrðu sjúkratryggðir.
Telur opinberar tryggingar
fyrir alla of dýrar
Biden vill að fólk geti valið á milli
opinberra sjúkratrygginga og einka-
trygginga og segir að ríkisrekið
sjúkratryggingakerfi fyrir alla sé
óraunhæfur kostur og alltof dýr.
„Mín tillaga myndi kosta mikla pen-
inga … en ekki 30 billjónir dollara,“
sagði hann. Hann benti ennfremur á
að tugir milljóna Bandaríkjamanna
myndu missa einkatryggingar sínar
yrðu áformin um opinberar sjúkra-
tryggingar fyrir alla að veruleika.
Warren varði stefnu sína og sagði
að núverandi sjúkratryggingakerfi
væri óheyrilega dýrt fyrir bandarísk-
ar fjölskyldur og opinberar sjúkra-
tryggingar fyrir alla myndu aðeins
auka kostnað auðugra Bandaríkja-
manna og stórfyrirtækja.
Nær öll forsetaefnin fóru lofsam-
legum orðum um Obama, ólíkt kapp-
ræðum sem fóru fram í lok júlí þegar
mörg þeirra létu í ljós efasemdir um
stefnuna sem hann framfylgdi í for-
setatíð sinni, t.a.m. í innflytjenda- og
heilbrigðismálum. Þessar efasemdir
komu stjórnmálaskýrendum á óvart
þar sem Obama er enn langvinsæl-
asti stjórnmálamaður demókrata í
Bandaríkjunum.
Of gamall og gleyminn?
Einn frambjóðendanna í forkosn-
ingum demókrata, Julián Castro, var
gagnrýndur fyrir að ýja að því í
kappræðunum að Biden væri orðinn
of gamall og gleyminn til að gegna
forsetaembættinu. „Þú gleymdir því
sem þú sagðir fyrir tveimur mínút-
um,“ sagði Castro, sem var ráðherra
húsnæðis- og skipulagsmála í stjórn
Obama. Aðstoðarmenn Bidens sök-
uðu Castro um lágkúrulega árás á
varaforsetann fyrrverandi. Castro
sagði hins vegar eftir kappræðurnar
að hann teldi ekki að Biden væri orð-
inn of gamall til að gegna forseta-
embættinu.
Tekist á um sjúkratryggingar
 Forsetaefni demókrata deila um hvort koma eigi á opinberum sjúkratryggingum fyrir alla
Meðalfylgi í síðustu könnunum
Meðalfylgið í gær að
sögn vefmiðilsins
RealClearPolitics, í %
Fylgi forsetaefna demókrata
Heimild: RealClearPolitics/AFP Photos
16,8
26,8%
17,3
6,5
4,8
2,8
Joe Biden
Bernie Sanders
Elizabeth Warren
Kamala Harris
Pete Buttigieg
Beto O'Rourke
Andrew Yang 3,0
Gestir greiða um 50 pund, jafnvirði tæpra
8.000 króna, hver fyrir gistingu í miðalda-
kirkju í þorpinu Edlesborough, um 64 km
norðan við Lundúnir. Þeir deila henni aðeins
með leðurblökum, geta gengið um leiðin í
kirkjugarðinum áður en þeir fara í háttinn,
spilað á kirkjuorgelið og gert það sem þá
lystir, svo fremi sem þeir raska ekki ró ná-
grannanna. Margir gista þar reyndar til að
njóta kyrrðarinnar og helginnar í guðshúsinu
en gistingin vekur þó sumum hroll.
Maríukirkjan í Edlesborough er frá þrett-
ándu öld og ein af nítján kirkjum þar sem
boðið er upp á gistingu til að afla fjár til við-
halds á vegum stofnunar sem annast verndun
354 kirkna í Bretlandi. Gestunum er séð fyrir
beddum og svefnpokum.
„Hrollvekjandi nótt“
„Ég er frá Japan. Þar fær fólk ekki að gista
í hofum,“ sagði einn gestanna í Maríukirkj-
unni, háskólaneminn Kae Ono (t.h. á mynd-
inni). Hún viðurkenndi að hún hefði verið svo-
lítið hrædd í kirkjunni um nóttina en sagði að
það hefði einmitt verið ætlunin. Hún kvaðst
hafa horft á hrollvekjuna Særingamanninn
(The Exorcist) áður en hún fór að sofa og
ekki komist hjá því að hugsa um vofur. „Þetta
var hrollvekjandi nótt, en á góðan hátt!“ AFP
Boðið upp á
helga nótt í
miðaldakirkju
Sumir sækjast eftir kyrrðinni og helginni en aðrir vilja hrollvekjandi upplifun þegar þeir gista í gömlu kirkjunum
Þrír flokkar – Sambandsflokkurinn,
Fólkaflokkurinn og Miðflokkurinn –
náðu í gær samkomulagi um myndun
borgaralegrar stjórnar, að sögn fær-
eyska ríkisútvarpsins.
Bárður á Steig Nielsen, formaður
Sambandsflokksins, stjórnaði við-
ræðunum og fór á fund forseta lög-
þingsins í gær til að skýra honum frá
því að flokkarnir þrír hygðust mynda
nýja landstjórn.
Áður hafði færeyska útvarpið
skýrt frá því að slitnað hefði upp úr
stjórnarmyndunarviðræðum flokk-
anna þriggja í fyrrakvöld. Bárður
ræddi síðan við formenn Jafnaðar-
flokksins, Þjóðveldisflokksins og
Framsóknar í
gærmorgun,
skömmu áður en
umboð hans til að
reyna að mynda
stjórn átti að
renna út. Hann
fór síðan á fund
forseta lögþings-
ins eftir hádegi og
skýrði honum frá
því að samkomu-
lag hefði náðst um borgaralega
stjórn. „Ég harma að ég neyddist til
að ræða við Jafnaðarflokkinn, Þjóð-
veldisflokkinn og Framsókn áður en
stjórnin varð að veruleika,“ sagði
Bárður, án þess að útskýra hvað
varð til þess að Sambandsflokkur-
inn, Fólkaflokkurinn og Miðflokkur-
inn náðu loks samkomulagi.
Bárður Nielsen lögmaður
Færeyski fréttavefurinn Norðlýs-
ið kvaðst hafa heimildir fyrir því að
Bárður Nielsen yrði lögmaður Fær-
eyja, þ.e. æðsti handhafi fram-
kvæmdavaldsins í landstjórninni.
Sambandsflokkurinn ætti einnig að
fara með atvinnu- og heilbrigðismál í
stjórninni. Fólkaflokkurinn færi með
sjávarútvegsmál, fjármál og opin-
bera þjónustu og Miðflokkurinn
utanríkis- og menntamál.
Samkomulag um borgara-
lega stjórn í Færeyjum
 Sambandsflokkur samdi við Fólkaflokkinn og Miðflokkinn
Bárður á Steig
Nielsen
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratug
a
reynsla
Startar bíllinn ekki?
Við hjá Rafstillingu leysum málið