Morgunblaðið - 27.09.2019, Blaðsíða 33

MEISTARADEILDIN
Bjarni Helgason
bjarnih@mbl.is
Breiðablik er komið áfram í sextán
liða úrslit Meistaradeildar Evrópu í
knattspyrnu eftir vel útfærðan 1:0-
sigur gegn Spörtu Prag í 32-liða úr-
slitum keppninnar á Strahov-
vellinum í Prag í Tékklandi í seinni
leik liðanna í gær. Fyrri leik liðanna
á Kópavogsvelli 11. september lauk
með 3:2-sigri Breiðabliks og Kópa-
vogsliðið vinnur því viðureignina
samanlagt 4:2.
Tékkarnir byrjuðu leikinn betur
og sóttu mikið fyrstu mínútur leiks-
ins. Ásta Vigdís Guðlaugsdóttir kom
inn í markið í fjarveru fyrirliðans
Sonnýjar Láru Þráinsdóttur og stóð
sig mjög vel. Á 54. mínútu dró til tíð-
inda þegar Áslaug Munda Gunn-
laugsdóttir átti frábæran sprett upp
vinstri kantinn. Hún sendi boltann
út í víddina á Öglu Maríu Alberts-
dóttur, sem lagði hann út í teiginn í
fyrsta. Þar var Berglind Björg Þor-
valdsdóttir mætt og hún setti bolt-
ann með vinstri fæti í vinstra horn,
einnar snertingar fótbolti hjá Blik-
um eins og hann gerist bestur. Það
var því vel við hæfi að mark Berg-
lindar skyldi reynast sigurmark
leiksins.
Tékkarnir bensínlausir
Leikur Blika var bæði vel upp-
settur og vel framkvæmdur. Tékk-
neska liðið þurfti á marki að halda
og leikmenn Spörtu Prag lögðu mik-
ið kapp á að skora snemma leiks.
Þær pressuðu Blika ofarlega á vell-
inum og Kópavogsliðið gerði vel í að
leysa úr þeirri pressu. Tékkarnir
voru meira með boltann í fyrri hálf-
leik en þrátt fyrir það var Breiðablik
með fulla stjórn á leiknum allan
tímann. Það var ekki sami kraftur í
tékkneska liðinu í síðari hálfleik og
þær virtust í raun hálf bensínlausar.
Að sama skapi var mikill kraftur í
Blikum, sem sprengdu upp miðjuna
hjá Tékkunum trekk í trekk í síðari
hálfleik, og Kópavogsliðið hefði
hæglega getað skorað fleiri mörk í
leiknum. Tékkarnir voru fastir fyrir
og létu finna vel fyrir sér. Blika-
stúlkur gerðu mjög vel í að halda
haus allan tímann og láta ekki slá sig
út af laginu.
Þetta er í annað sinn frá árinu
2009 sem íslenskt lið kemst í sextán
liða úrslit Meistaradeildarinnar, eða
allt frá því að fyrirkomulagi keppn-
innar var breytt. Stjarnan úr Garða-
bæ komst í sextán liða úrslitin árið
2017 en féll úr leik gegn Slavia Prag.
Dregið verður í sextán liða úrslit
keppninnar í höfuðstöðvum UEFA í
Nyon á mánudaginn kemur.
Í annað sinn á tíu árum
 Blikar í pottinum þegar dregið verður í sextán liða úrslit  Vel útfærður leikur
hjá bæði leikmönnum og þjálfurum  Kópavogsliðið hljóp yfir þunga Tékka
Morgunblaðið/Árni Sæberg
Átök Fjolla Shala á fullri ferð í fyrri leik liðanna á Kópavogsvellli en Fjolla átti mjög góðan leik í Tékklandi í gær.
ÍÞRÓTTIR 33
MORGUNBLAÐIÐ FÖSTUDAGUR 27. SEPTEMBER 2019
Það var afar erfitt að horfa
upp á íslenska kvennalandsliðið í
handbolta fá á baukinn í Króatíu
í undankeppni EM á miðvikudag-
inn var. Íslenska liðið skoraði að-
eins þrjú mörk í öllum fyrri hálf-
leiknum og fimm í þeim seinni.
Ísland gat í raun þakkað fyrir
klaufaskap í sóknarleik Króata,
því tapið hefði getað orðið enn
stærra, en lokatölur urðu 29:8.
Það vantaði allt flæði í sókn-
arleik Íslands, sem var hægur og
fyrirsjáanlegur. Karen Knúts-
dóttir var sú eina sem var búin
að skora mark þangað til um
miðjan seinni hálfleik, sem hlýt-
ur að vera einhvers konar met
hjá íslensku landsliði.
Arnar Pétursson er afar
fær þjálfari eins og árangurinn
hjá ÍBV sannar, en fyrsti leik-
urinn hans sem landsliðsþjálfari
var stórslys. Fyrir fram var talið
að Ísland og Króatía myndu
berjast um annað sætið, en Ís-
land fer ekki langt í þessari
undankeppni með svona
frammistöðu.
Ísland mætir Frakklandi á
sunnudaginn kemur. Frakkland
er ríkjandi Evrópu- og heims-
meistari og mun sterkari and-
stæðingur en Króatía. Með
frammistöðu eins og í gær verð-
ur skellurinn enn stærri. Ég trúi
ekki öðru en að leikmenn stappi
stálinu hver í annan og séu stað-
ráðnir í að gera mun betur.
Þótt líkurnar á að Ísland
vinni Frakkland séu ekki miklar
er ekki hægt að biðja um meira
en að áhorfendur og leikmenn
geti verið stoltir í leikslok. Það
var engan veginn hægt gegn
Króatíu. Það væri glæsilegt að
sjá fulla höll, alvörustuðning og
fína frammistöðu gegn mögn-
uðu liði. Það myndi gefa liðinu
aukinn kraft fyrir komandi verk-
efni. Vonandi var leikurinn í
Króatíu bara slys.
BAKVÖRÐUR
Jóhann Ingi
Hafþórsson
johanningi@mbl.isDanski handknattleiksmaðurinn
Mikkel Hansen, samherji Guðjóns
Vals Sigurðssonar hjá franska lið-
inu Paris SG, hefur ekki spilað síð-
ustu þrjá leiki Parísarliðsins eftir
að hann fékk heilahristing. Hansen,
sem af mörgum er talinn einn besti
handboltamaður heims, hefur verið
hjá taugalækni til frekari skoðunar
á höfðinu og er óvíst hvenær hann
mun súna aftur inn á völlinn. Engin
áhætta er tekin hjá Paris SG og er
ástand Hansens metið frá degi til
dags en hann ku hafa fengið heila-
hristinginn á æfingu liðsins.
Hansen glímir
við höfuðmeiðsli
AFP
Meiðsli Danska stórskyttan fékk
heilahristing á æfingu.
Haraldur Franklín Magnús var í
miklu stuði á öðrum hringnum á
Lindbytvätten Mastersmótinu í
golfi í Svíþjóð í gæren mótið er
hluti af Nordic Golf-mótaröðinni.
Haraldur Franklín lék hringinn á
sjö höggum undir pari og er sam-
anlagt á tólf höggum undir pari og
er í 2.-5. sæti. Hann fékk sex fugla,
einn örn og einn skolla á hringnum.
Ekki gekk eins vel hjá Axel Bóas-
syni. Hann lék á einu höggi undir
pari og er samanlagt á einu höggi
yfir pari sem dugar honum ekki til
að komast áfram.
Haraldur í
toppbaráttunni
Morgunblaðið/Kristinn Magnússon
Góður Haraldur Franklín Magnús
lék á sjö höggum undir pari í gær.
0:1 Berglind B. Þorvaldsdóttir 54.
I Gul spjöldChristiana Solomou, Lucie
Martínková, Markéta Ringelová
(Sparta Prag), Fjolla Shala, Agla
María Albertsdóttir (Breiðabliki).
I Rauð spjöldEngin.
Breiðablik: (4-3-3) Mark: Ásta Vig-
dís Guðlaugsdóttir. Vörn: Ásta Eir
SPARTA PRAG – BREIÐABLIK 0:1
Árnadóttir, Kristín Dís Árna-
dóttir, Heiðdís Lillýjardóttir, Ás-
laug Munda Gunnlaugsdóttir.
Miðja: Hildur Antonsdóttir,
Fjolla Shala (Hildur Þóra Há-
konardóttir 89.), Alexandra Jó-
hannsdóttir. Sókn: Karólína
Lea Vilhjálmsdóttir, Berglind
Björg Þorvaldsdóttir, Agla
María Albertsdóttir.
Dómari: Monika Mularczyk frá
Póllandi.
 Breiðablik vann einvígð sam-
anlagt 4:2.
Íþrótta- og ólympíusamband Íslands
hefur tryggt sér aðstöðu fyrir ís-
lenskt íþróttafólk í Japan á næsta
ári. Þar mun íþróttafólkið geta dval-
ið áður en það flytur inn í ólympíu-
þorpið sjálft. Ólympíuleikarnir í Jap-
an fara fram næsta sumar og hefjast
24. júlí en lýkur 9. ágúst.
„Til að undirbúa hópinn höfum við
gert samkomulag við sveitarfélag
sem heitir Tama og er í vesturhluta
Tókýó-svæðisins. Þar verðum við
með aðstöðu fyrir okkar fólk þar
sem það getur jafnað sig á tíma-
mismuninum og æft dagana fyrir
leikana. Tímamismunurinn er níu
klukkustundir og samkvæmt fræð-
unum þarf fólk að vera mætt alla
vega níu til tíu dögum fyrir keppni
til að jafna sig,“ sagði Andri Stef-
ánsson, sviðsstjóri Afreks- og ól-
ympíusviðs ÍSÍ, þegar Morgun-
blaðið ræddi við hann í gær.
Yfirþyrmandi getur verið fyrir
íþróttafólkið að dvelja lengi í
ólympíuþorpinu sjálfu ef það þarf að
bíða lengi eftir því að keppa. Keppni
í frjálsum íþróttum er sem dæmi
ávallt síðari vikuna þegar Ólympíu-
leikar fara fram.
„Við vitum að íþróttafólkið vill
einnig komast í annað umhverfi en
ólympíuþorpið og því dveljum við
ekki allan tímann í ólympíuþorpinu.
Þarna er háskólasvæði og aðstaðan
þar er inni í okkar samkomulagi. Við
þurfum ekki að fljúga innanlands
eða eitthvað slíkt heldur er hægt að
fara í bæinn frá flugvellinum í
Tókýó. Hægt er að taka lest inn i
miðborgina á hálftíma ef þarf. Við
erum fyrr á ferðinni að bóka aðstöðu
sem þessa en oft áður. Yfirleitt höf-
um við beðið eftir því að sjá hversu
stór íslenski hópurinn yrði og þá
hafa ekki verið margir möguleikar í
boði. Anton Sveinn McKee er sá eini
sem er öruggur á leikana en við vilj-
um miða undirbúninginn við að fleiri
muni komast inn á leikana og erum
bjartsýn á það. Ég er mjög ánægður
með þetta skref og tel að þetta verði
gott fyrir íþróttafólkið,“ sagði Andri
Stefánsson. kris@mbl.is
Íslendingar dvelja í Tama
Morgunblaðið/Golli
ÓL Andri Stefánsson, sviðsstjóri
Afreks- og ólympíusviðs ÍSÍ.
Ríkjandi meist-
arar KA unnu
fyrsta leik sinn í
Mizuno-deild
karla í blaki þeg-
ar liðið fékk
Álftanes í heim-
sókn. KA hefur
óvænt farið illa af
stað og tapað
tveimur fyrstu
leikjum sínum.
KA hafði betur 3:1 en eftir tvær
hrinur var staðan 1:1. Miguel Mateo
skoraði 24 stig fyrir KA og Róbert
Karl Hlöðversson 12 fyrir Álftanes.
HK, sem lék við KA í úrslitum á
síðustu leiktíð, er með fullt hús stiga
eftir þrjá leiki. HK vann Aftureld-
ingu í hörkuleik, 3:2. HK tryggði sér
sigurinn í oddahrinu 15:11. Janis
Novikovs skoraði 18 stig fyrir HK og
Quentin Moore gerði 21 stig fyrir
Aftureldingu.
Einn leikur fór fram í Mizuno-
deild kvenna. HK hafði betur gegn
Þrótti, 3:2. Þróttur komst tvisvar yf-
ir, en HK jafnaði í bæði skiptin og
tryggði sér sigurinn með 15:12-sigri
í oddahrinu. Laufey Björg Sig-
mundsdóttir skoraði 21 stig fyrir
HK og Eldey Hrafnsdóttir skoraði
20 fyrir Þrótt. KA er í toppsætinu
með sex stig eftir tvo leiki, Aftureld-
ing og HK koma þar á eftir með þrjú
og tvö stig eftir einn leik.
Fyrsti sigur
meistaranna
kominn í hús
Miguel
Mateo