Morgunblaðið - 23.11.2019, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 23. NÓVEMBER 2019
Funahöfði 1 | 110 Reykjavík | Sími 567 4840 | www.bilo.is | bilo@bilo.is
EIGUM GOTT ÚRVAL AF
„PLUG IN HYBRID“
BÍLUM
VW GOLF GTE
PREMIUM
Nýskráður 05/2018, ekinn 20 Þ.km,
bensín/rafmagn, sjálfskiptur. Glerþak,
stafræntmælaborð, leður o.fl.
Verð 4.790.000 kr. Raðnúmer 259860
BÆJARL I ND 14 - 16 20 1 KÓPAVOGUR S ÍM I 553 7 100 L I NAN . I S
O P I Ð M Á N T I L F Ö S T U D A G A 1 1 - 1 8 / l a u g a r d a g a 1 1 - 1 6
S V E F N S Ó F I
o s v a l d
Stærð 200x102 cm / Extra þykk og góð springdýna / Svefnflötur 150x200 cm / stór rúmfatageymsla í sökkli KR. 199.800
Sigtryggur Sigtryggsson
sisi@mbl.is
Vegagerðin hefur kynnt nýtt
stefnuskjal fyrir árin 2020 til 2025.
Skjalið er afrakstur stefnumót-
unarvinnu, sem stofnunin lét fram-
kvæma veturinn 2018-2019.
Í nýútkomnum Framkvæmda-
fréttum Vegagerðarinnar er grein
eftir forstjórann, Bergþóru Þor-
kelsdóttur, þar sem skjalið er
kynnt. Einnig er kynnt nýtt skipu-
rit fyrir Vegagerðina.
Þar segir m.a.: „Meðal breytinga
má nefna að deildir sem tilheyrðu
siglingasviði falla nú undir önnur
svið. Þá lítur nýtt þjónustusvið
dagsins ljós en samhliða stofnun
þess var ákveðið að þjónusta yrði
nú fjórða gildi stofnunarinnar
ásamt öryggi, framsýni og fag-
mennsku.“
Með því að leggja niður sigl-
ingasviðið er ekki vera að fella út
hinn gömlu og rótgrónu orð vitar
og hafnir, segir G. Pétur Matthías-
son, upplýsingafulltrúi Vegagerð-
arinnar, aðspurður.
Hinn 1. júlí 2013 gekk í gildi
sameining fjögurra ríkisstofnana í
tvær, Vegagerðina og Samgöngu-
stofu. Til Vegagerðarinnar kom sá
hluti Siglingastofnunar er sneri að
vitum og höfnum. „Við samein-
inguna árið 2013 var sett á lagg-
irnar siglingasvið hér hjá Vega-
gerðinni og í því voru tvær deildir,
hafnadeild og vitadeild. Nú renna
þær sem sé inn í aðra starfsemi
Vegagerðarinnar þannig að það
verður til hafnadeild undir mann-
virkjasviði en vitadeildin fer að
hluta undir þjónustusvið (sem er
nýtt svið) og undir mannvirkja-
sviðið. Viðhald vita og slíkt verður
undir mannvirkjasviðinu, undir
framkvæmdadeildinni þar, en það
sem snýr að þjónustu vitanna og
rekstri dufla og slíkt fer undir
þjónustusviðið,“ segir G. Pétur.
Siglingastofnun tók til starfa árið
1996 samkvæmt lögum frá Alþingi.
Öll störf hjá Siglingamálastofnun
ríkisins og Vita- og hafnamála-
stofnun ríkisins (Hafnamálastofnun
ríkisins og Vitastofnun Íslands)
voru samhliða lögð niður frá 30.
september 1996.
„Á tímum þar sem heimurinn
stendur frammi fyrir gríðarlegri
upplýsingatæknibyltingu þarf
Vegagerðin bæði að hlúa að þeim
verðmætum sem fyrir eru í stofn-
uninni og opna gáttir sínar fyrir
nýjungum sem gera henni kleift að
taka utan um þau tækifæri sem ný-
ir tímar bera með sér. Þetta ætlar
Vegagerðin að gera með þeim
breytingum sem kynntar eru í
nýrri stefnu,“ segir Bergþóra Þor-
kelsdóttir m.a. í grein sinni í Fram-
kvæmdafréttum.
Siglingasvið Vegagerðar lagt niður
 Nýtt skipurit kynnt  Málefni vita og hafna verða færð undir mannvirkjasvið og þjónustusvið
Morgunblaðið/Hari
Stykkishólmshöfn Málefni hafna og vita í landinu hafa verið undir siglingasviði. Þau fara nú undir önnur svið.
Mannauðsráðgjafi umhverfisráðu-
neytisins tók 14 af 37 umsækjendum
í viðtal vegna starfs sérfræðings í
loftslagsmálum. Umsækjandi um
starfið furðaði sig á umfangi ráðn-
ingarferlisins. Það hlyti að kosta
ráðuneytið mikla fjármuni.
Um var að ræða starf merkt
201805/1121 á Starfatorgi.
Þær upplýsingar fengust frá ráðu-
neytinu að 37 hefðu sótt um starfið
en einn þeirra svo dregið umsóknina
til baka. Þar af hefðu 14 umsækjend-
ur komið í viðtal vegna stöðunnar.
Tóku ekki saman fjölda viðtala
Vegna ábendingar til blaðsins var
sérstaklega spurt um fjölda með-
mælenda sem rætt var við.
„Rætt var við meðmælendur
vegna 5 umsækjenda [en] ekki liggur
fyrir samantekt um hversu marga
meðmælendur var rætt við í hverju
tilfelli,“ sagði í svari ráðuneytisins.
Fram hefur komið í Morgun-
blaðinu að ráðuneytið keypti þjón-
ustu af fyrirtækinu Attentus – mann-
auði og ráðgjöf fyrir 16,3 milljónir
króna á tímabilinu frá september
2018 til 31. október 2019.
Það svar fékkst frá ráðuneytinu
föstudaginn 8. nóvember að ekki
hefði verið leitað tilboða í þessa þjón-
ustu heldur byggði hún á gildandi
þjónustusamningi við Attentus.
Hafa ekki sérfræðing
Núverandi þjónustusamningur
feli annars vegar í sér leigu á mann-
auðsstjóra. „Í því felst að sérfræð-
ingur í mannauðsmálum hjá Atten-
tus sinnir verkefnum og þjónustu á
sviði mannauðsmála fyrir ráðuneytið
þar sem ekki er starfandi sérfræð-
ingur í mannauðsmálum í ráðuneyt-
inu,“ sagði í svari ráðuneytisins.
Hins vegar sé um að ræða tilfall-
andi verkefni. Þá m.a. stjórnenda-
þjálfun og eftirfylgni við gerð jafn-
launastaðals. baldura@mbl.is
Tóku ekki saman
fjölda meðmæla
 Ráðuneyti fól Attentus atvinnuviðtöl
Morgunblaðið/Eggert
Attentus Fyrirtækið hefur selt
stofnunum ráðgjöf og þjónustu.