Morgunblaðið - 30.11.2019, Blaðsíða 29
UMRÆÐAN 29
MORGUNBLAÐIÐ LAUGARDAGUR 30. NÓVEMBER 2019
Hamraborg 12
200 Kópavogur
416 0500
www.eignaborg.is
Fallegar og bjartar íbúðir, flestar með
góðu útsýni, í fjölbýlishúsi við rólega
götu í Urriðaholti. Íbúðirnar eru þriggja,
fjögurra og fimm herbergja. Íbúðunum
verður skilað tilbúnum án gólfefna.
Öllum íbúðum fylgir kæli-/frystiskápur,
eldavél og uppþvottavél frá Siemens.
Afhending við kaupsamning. Lyfta.
Flestum íbúðum fylgir stæði í bíla-
geymslu og er gert ráð fyrir rafhleðslu
við hvert stæði. Sameiginleg stæði ofan
á bílageymsluhúsi. Sameign og lóð
skilast fullfrágengin.
Hringið og leitið upplýsinga.
ÁRANGUR
Í SÖLU
FASTEIGNA
BREKKUGATA 1-3, 210 Garðabæ Verð frá 52,9 m.
Stærðir frá 109 m2
Upplýsingar eru veittar á Eignaborg sími 416 0500 eða í farsíma sölumanna.
Óskar
Bergsson
fasteignasali
s. 893 2499
Hildur
Harðardóttir
lögfr. og lgfs.
s. 897 1339
Elín G.
Alfreðsdóttir
nemi til lögg.
s. 899 3090
Sveinbjörn
Sveinbjörnsson
lögmaður
s. 892 2804
Rakel
Árnadóttir
fasteignasali
s. 895 8497
Vilhjálmur
Einarsson
fasteignasali
s. 864 1190
Magnús Carlsen hristi afsér ólundina eftir tapiðí Fischer-random-einvíginu fyrir Wesley
So og hélt til Indlands, þar sem
hann vann yfirburðasigur á næst-
síðasta móti Grand Chess Tour. Tíu
skákmenn tefldu einfalda umferð í
atskák og tvöfalda umferð hrað-
skáka. Þegar atskákhlutanum var
lokið var ljóst hvert stefndi. Magn-
ús hafði hlotið 15 stig, eða 7½ vinn-
ing af 9 mögulegum, og hélt upp-
teknum hætti í hraðskákinni. Hann
hefði næstum getað hætt keppni
fyrir lokadag og samt unnið mótið
en tók það fremur rólega enda
plagaður af magapest. Mikið var
undir hjá Anand, sem varð að vinna
Magnús í næstsíðustu umferð til að
komast í fjögurra manna lokamót
syrpunnar. Magnús virtist ætla að
sigla sigrinum í höfn en gáði ekki
að sér í þessari stöðu. Vinnings-
möguleikar geta leynst í slæmum
stöðum:
Carlsen – Anand
Hvíta staðan er tiltölulega létt-
unnin eftir 48. c5!, t.d. 48. … Dd5
49. Rb4! o.s.frv. En Magnús lék ...
48. Rc5??
Tekur riddarann úr varnarstöðu.
Svarið kom um hæl …
48. … Hg6??
Eftir 49 … Hh6+! vinnur svart-
ur, t.d. 49. Kg1 (ekki 49. gxh6
Dh4+! 50. Kg1 Dxe1+ 51. Kh2
Dxe5+ 52. Kg1 De3+! og mátar)
49. ... d3! o.s.frv.
49. e6??
Best var 49. Re4! og hvítur á
vinningsstöðu.
49. … Dd6+??
Hann gat aftur unnið með 49. …
Hxg5, t.d. 50. e7 Dd6+ og vinnur.
50. Kg1 Hxg5 51. Re4!
– Riddarinn skundar til baka og
Anand gafst upp.
Magnús hlaut 27 stig af 36 en
Nakamura kom næstur með 23 stig.
Giri og So urðu í 3.-4. sæti.
Adly og Antipov
efstir á Selfossi
Egyptinn Ahmed Adly og Rúss-
inn Antipov voru efstir fyrir síðustu
umferð alþjóðlega skákmótsins á
Selfossi. Þeir unnu báðir skákir sín-
ar í 8. umferð. Staðan fyrir loka-
umferðina var þessi: 1.-2. Adly og
Antipov 5½ v. (af 8) 3.-4. Hannes
Hlífar Stefánsson og Zhigalko 4½ v.
5.-6. Khademalsharieh og Lomasov
4 v. 7.-8. Leitao og Sadukassova 3½
v. 9. Héðinn Steingrímsson 3 v. 10.
Helgi Áss Grétarsson 2 v.
Mótið er skipað 10 fyrrverandi
heimsmeisturum ungmenna á ýms-
um aldursstigum, þar af tveim
stúlkum. Sarasadat Khademalshar-
ieh frá Íran varð heimsmeistari
stúlkna 12 ára og yngri árið 2009 og
hefur unnið fjölmarga titla síðan. Í
7. umferð velgdi hún forystusauðn-
um undir uggum:
Antipov – Sarasadat Khademal-
sharieh
Ítalskur leikur
1. e4 e5 2. Rf3 Rc6 3. Bc4 Bc5 4.
0-0 Rf6 5. d3 d6 6. c3 a6 7. a4 Ba7
8. He1 Rg4
Í þekktri stöðu er þessi leikur
furðu sjaldséður. Best er að svara
með 9. He2 en Antipov hefur aðrar
hugmyndir.
9. d4? exd4!
10. Bg5!?
Kannski sást honum yfir að 10.
cxd4 er svarað með 10. … Rxd4!
með hugmyndinni 11. Rxd4 Dh4!
o.s.frv. Þannig gengur ekki 12. Rf3
vegna 12 … Dxf2+ 13. Kh1 Dg1+!
og 14. … Rf2 mát.
10. … f6 11. Bh4 Rge5 12. Rxe5
dxe5 13. Kh1 Dd6 14. f4
Byrjun hvíts hefur gjörsamlega
misheppnast og þessi peðsframrás
gerir bara illt verra.
14. … Bd7 15. fxe5 Rxe5 16. Bd5
Rg4!
Vinningsleikurinn sem hótar
17. … Dxh2 mát. Ef nú 17. Bg3 þá
kemur 17. … Dxg3! 18. hxg3 Rf2+
með vinningsstöðu.
17. e5
Þessi atlaga er ekki hættuleg.
17. … Dxd5 18. exf6+ Kf8 19.
fxg7+ Kxg7 20. He7+ Kg6 21. h3
Hae8 22. Hxe8 Hxe8 23. Df1 Hf8!
– og hvítur gafst upp.
Í opna flokknum hefur Hjörvar
Steinn Grétarsson þegar tryggt sér
sigur með fullu húsi vinninga.
Skák
Helgi Ólafsson
helol@simnet.is
Morgunblaðið/Páll Jökull
Einbeitt Íranska stúlkan Khademalsharieh hefur staðið sig vel á Selfossi.
Velgdi forystusauðn-
um undir uggum Ásgeir Jónsson fæddist 30.nóvember 1876 á Þingeyrum,
A-Hún. Foreldrar hans voru
Jón Ásgeirsson og Signý Hall-
grímsdóttir. Hann ólst upp hjá
móður sinni á Mælifelli og í
Litladalskoti í Skagafirði.
Ásgeir varð búfræðingur frá
Hólum 1905 og stundaði fram
yfir þrítugt ýmis sveitastörf,
einkum fjárhirðingu og tamn-
ingar hesta. Hann hóf búskap
að Gottorp í Vesturhópi, V-
Hún. 1908-1942. Í Gottorp varð
hann landsfrægur fyrir ræktun
á fé og fór fé hans, Gottorpsféð,
víða um land sem kynbótafé.
Síðar var hann búsettur í
Reykjavík til æviloka. Þar
stundaði hann einkum ritstörf
meðan heilsa hans leyfði.
Eftir hann liggja bækurnar;
Horfnir góðhestar I, 1946 og
Horfnir góðhestar II, 1949,
Samskipti manns og hests,
1951 og Forystufé, 1953, en sú
bók var endurútgefin 2016.
Ásgeir varð riddari hinnar
íslensku fálkaorðu 1952,
heiðursfélagi Landssambands
hestamanna nr. 1, hestamanna-
félaginu Fáki í Reykjavík og
Léttfeta í Skagafirði.
Kona Ásgeirs var Ingibjörg
Björnsdóttir, f. 1886, d. 1970.
Þau voru barnlaus en tóku
nokkur börn í fóstur og ólu upp
sem sín eigin.
Ásgeir lést 23. maí 1963.
Merkir Íslendingar
Ásgeir
Jónsson
Allt um
sjávarútveg
Ævi mannsins er
ein samfelld aðventa.
Loks klukkurnar
hringja jólin inn. Þá
opnast himinsins hlið
inn til lífsins ljóma
þar sem þér er boðið
að sitja til borðs með
frelsaranum á
uppskeruhátíð yfir
sigri lífsins. Þá ljóm-
ar þú af dýrð þess
Guðs sem skapaði þig og sendi þér
son sinn í heiminn til að taka stöðu
með þér. Þá upplifirðu ekki aðeins
jólin heldur færð að snerta þau,
þreifa á þeim. Eilíf gleði og var-
anleg hamingja. Eins og eilíft
jólafrí. Hátíð ljóss og sannleika.
Friðarhátíð. Þá verður enginn
sársauki meir eða sorg. Engin
kvöl, ekkert myrkur. Aðeins friður,
ljós og ylur.
Því er sannarlega ástæða til að
njóta aðventunnar. Njóta hvers
dags og hverrar stundar fullur eft-
irvæntingar í fögnuði yfir því sem í
vændum er. Því þú átt sigurinn
vísan.
Líftrygging
Hvað mun annars um líf þitt
verða þegar ævinnar klukka hættir
að tifa? Hver ert þú þegar höf-
undur þinn kallar líf þitt á sinn
fund og þinn innsti kjarni stendur
berstrípaður frammi fyrir skapara
sínum?
Já, hver ert þú þá? Hvernig ætl-
ar þú þá að afsaka þig? Hver á þá
að verja þig? Á hvað muntu þá
vona? Á hvað ætlarðu þá að
treysta?
Mun þá ekki bara koma sér vel
að vera líftryggður? Sítengdur við
lífið, höfund þess og fullkomnara
svo þú fáir notið þess sem augna-
blik eilífðarinnar hefur upp á að
bjóða?
Tekinn í fang jólanna
Það er nefnilega þannig að þegar
lúðurinn gellur við síðasta andvarp
fyllast öll þín skilningarvit af ilmi
jólanna. Það er að
segja ef þú vilt.
Þá mun þér bjóðast
að vera tekinn í fang
hinna himnesku her-
sveita sem munu færa
þér frið sem þú skildir
ekki áður, en upplifðir
um stundarsakir ár
eftir ár en færð þá að
þreifa á og njóta um
eilífð. Þá munt þú
verða borinn af engl-
um inn til hinnar eilífu
dýrðar. Þar sem jólabarnið um-
komulausa og smáa sem aflífað var
líklega um þrjátíu og þriggja ára
aldurinn en reis upp frá dauðum á
þriðja degi og varð síðan uppnumin
til himins til þess að búa þér stað í
kærleika, friði og sátt, ef þú vilt.
Hvað er betra en að hafa þessa sýn
og eiga þessa himnesku von?
Því að ég er þess fullviss að æv-
innar ljúfustu og bestu stundir,
heitustu draumar og ljúfustu þrár
séu aðeins sem forrétturinn að
þeirri veislu sem koma skal og lífið
raunverulega er.
Njótum því aðventunnar í kær-
leika hvert með öðru og jólanna
með því að þiggja hinn himneska
frið í hjarta sem enginn og ekkert
megnar frá okkur að taka.
Guð gefi lesendum Morgunblaðs-
ins og landsmönnum öllum gleðileg
jól með þakklæti fyrir gefandi
samfylgd hér á síðum blaðsins og
út um víðan völl síðastliðin þrjátíu
og fimm ár.
Með kærleiks- og friðarkveðju.
Lifi lífið!
Á eftir aðventu
koma jól
Eftir Sigurbjörn
Þorkelsson
Sigurbjörn Þorkelsson
» Því er ástæða til
að njóta aðvent-
unnar. Hvers dags
og hverrar stundar
fullur eftirvæntingar
í fögnuði yfir því sem
í vændum er.
Höfundur er ljóðskáld og rithöfundur
og aðdáandi lífsins.