Fréttablaðið - 12.12.2002, Blaðsíða 18

18 12. desember 2002 FIMMTUDAGUR
ÍÞRÓTTIR Í DAG
16.45 Sjónvarpið
Íþróttakvöld
18.00 Sýn
Sportið með Olís
18.30 Sýn
Heimsfótbolti með West Union
19.15 Ásvellir
Karfa karla (Haukar-UMFG)
19.15 Valsheimili
Karfa karla (Valur-Tindastóll)
19.50 Sýn
Evrópukeppni félagsliða
(Leeds - Malaga)
22.45 Sýn
Sportið með Olís
23.15 Sýn
HM 2002 (Rússland - Túnis)
KNATTSPYRNA „Þetta er á teikniborð-
inu og framtíðarhugmynd að loka
vellinum með stúku allan hring-
inn,“ segir Geir Þorsteinsson,
framkvæmdastjóri Knattspyrnu-
sambands Íslands, um fyrirhug-
aðrar framkvæmdir við Laugar-
dalsvöll. „Þá erum við einnig að
hyggja að byggingu nýrrar þjón-
ustumiðstöðvar við völlinn og það
er ekki minna mál,“ segir hann.
Með því að loka Laugardals-
velli með stúku allan hringinn
myndi skapast betra skjól á vell-
inum og betri aðstaða til leiks.
Hitt skiptir þó ekki síður máli að
með skjólinu yrði grasvöxtur á
vellinum miklu betri og leikvang-
urinn allur þéttari.
Ýmsar efasemdarraddir eru
uppi innan íþróttahreyfingarinnar
um nauðsyn þess að stækka völl
inn með þessum hætti því vart
yrðu not af öllum þessum sætum
nema einu sinni eða tvisvar á ári.
Forsvarsmenn Knattspyrnusam-
bandsins eru á öðru máli og leiðir
Eggert Magnússon, formaður
KSÍ, þetta starf ásamt aðstoðar-
mönnum sínum. Laugardalsvöll-
ur er í eigu Reykjavíkurborgar og
því kæmi til kasta borgaryfir-
valda ef og þegar ráðist yrði í
breytingarnar. ■
LAUGARDALSVÖLLUR
Lokaður hringur – á teikniborðinu.
Laugardalsvöllur:
Stúka allan
hringinn
Fyrirmynd ungra
innflytjenda
Zlatan Ibrahimovic ólst upp í fátækrahverfi í Malmö. Hann ákvað ungur að verða atvinnumað-
ur í fótbolta og eyddi öllum tíma sínum á vellinum. Ibrahimovic er dýrasti leikmaður Svíþjóðar.
FÓTBOLTI Sænski framherjinn Zlat-
an Ibrahimovic er fæddur og upp-
alinn í Rosengård-hverfinu í
Malmö í Svíþjóð þar sem margir
fátækir innflytjendur búa. For-
eldrar hans komu frá gömlu
Júgóslavíu og settust að í Svíþjóð.
Ibrahimovic fékk fyrstu takka-
skóna þegar hann var fimm ára og
óhætt er að segja að þá hafi bolt-
inn byrjað að rúlla.
Það var strax ljóst að Ibra-
himovic yrði atvinnumaður í
knattspyrnu. Þegar hann var tíu
ára lék hann með liði Balkan, 12
ára og yngri, gegn Vellinge. Hann
var varamaður en kom inn á í
seinni hálfleik þegar staðan var 0-
4 fyrir andstæðingana. Hann tók
leikinn í sínar hendur, skoraði átta
mörk og Balkan vann leikinn 8-4.
Þegar Ibrahimovic var 13 ára
gekk hann til liðs við Malmö FF.
Sex árum síðar lék hann fyrsta
leikinn í sænsku úrvalsdeildinni.
Hann lék 67 leiki með Malmö og
skoraði 31 mark. Frammistaða
hans á æfingamóti í La Manga á
Spáni í mars í
fyrra vakti
mikla athygli.
Útsendari frá
Ajax í Amster-
dam sá til
drengsins og
bauð honum
strax samning.
I b r a h i m o v i c
ákvað að slá til
og varð um leið
dýrasti leik-
maður Svíþjóð-
ar. Ajax þurfti
að reiða fram 850 milljónir.
Ibrahimovic skoraði fjögur
mörk í fyrsta leik sínum með Ajax,
gegn áhugamannaliðinu Owios.
Aðeins örfáum dögum síðar lék
hann gegn AC Milan í Evrópu-
keppninni.
Ibrahimovic var valinn í
sænska landsliðið fyrir heims-
meistarakeppnina í Japan og Suð-
ur-Kóreu. Hann var ekki valinn í
byrjunarliðið en fékk eldskírn sína
á mótinu gegn Argentínu. Þó að-
eins sjö mínútur hafi verið eftir af
leiknum skipti það miklu fyrir
hann. „Það hefði verið hægt að
kýla mig í andlitið þegar ég beið
eftir skiptingunni, ég hefði ekki
tekið eftir því,“ sagði Ibrahimovic.
Í ár hafa lið á borð við Roma og
Milan reynt að fá Ibrahimovic til
liðs við sig en án árangurs. Hann
hefur sjálfur lýst því yfir að hann
vilji leika áfram með Ajax.
Þrátt fyrir ungan aldur og oft á
tíðum brösótt gengi er Ibrahimovic
orðinn þjóðhetja í Svíþjóð og fyrir-
mynd ungra innflytjenda þar í
landi. Hann á eftir að verða lykil-
leikmaður í sænska landsliðinu.
kristjan@frettabladid.is
ZLATAN IBRA-
HIMOVIC
Ibrahimovic ungur að
árum. Hann er nú 21
árs.
MARK
Ibrahimovic hefur fengið aukin tækifæri með Ajax og þakkað traustið. Í fyrsta leik sínum í
Meistaradeild Evrópu, gegn Lyon, skoraði hann tvö mörk. Mörkin í Meistaradeildinni eru
nú orðin fimm talsins. Hann lék fyrsta landsleikinn gegn Færeyjum í janúar á síðasta ári.
Breskir veðbankar teljaTerry Venables, knatt-
spyrnustjóra Leeds, líklegastan
til að verða næsti stjórinn sem
verður látinn taka pokann sinn.
Leeds hefur tapað síðustu fjór-
um leikjum sínum og er í 16.
sæti ensku úrvalsdeildarinnar.
Næstir á eftir Venables koma
Glenn Roeder, stjóri botnliðsins
West Ham, og Howard Wilkin-
son, stjóri Sunderland, sem er í
næstneðsta sæti.
MOLAR
FR
ÉT
TA
B
LA
Ð
IÐ
/R
Ó
B
ER
T