Fréttablaðið - 04.01.2020, Blaðsíða 6

KJARAMÁL Fundað verður í málum
sem hefur verið vísað til ríkissátta­
semjara en það eru meðal annars
mál BSRB við ríki, sveitarfélög og
borgina.
Þá eiga fimmtán aðildarfélög
BHM enn ósamið auk fjölmennra
stétta á borð við hjúkrunarfræðinga
og kennara. Um níu þúsund félags­
menn innan Starfsgreinasambands­
ins (SGS) starfa hjá hinu opinbera og
eru með lausa samninga. Þar hefur
máli Eflingar og Reykjavíkurborgar
annars vegar og máli SGS og Sam­
bands sveitarfélaga verið vísað til
sáttasemjara.
Hjá mörgum þessara hópa skipta
niðurstöður vinnuhóps sem fjallar
um málefni vaktavinnufólks miklu
máli um framhaldið.
„Þessi seinagangur í viðræðunum
er með öllu óþolandi og óviðunandi.
Við höfum verið mjög óánægð með
hvað vinnan í þessum vaktavinnu­
hópi hefur gengið hægt. Okkur
finnst að hún eigi að ganga fyrir hjá
öllum sem í honum eru enda hanga
kjaraviðræður þessara stóru hópa á
því að það náist einhver niðurstaða
í þau mál,“ segir Flosi Eiríksson,
framkvæmdastjóri SGS.
Sonja Ýr Þorbergsdóttir, for­
maður BSRB, tekur undir mikilvægi
þess að fá niðurstöður í þá vinnu.
„Við höfum horft til þess að ef
fólk virkilega tekur sér þann tíma
sem þarf og forgangsraðar í þetta
verkefni þá ætti þetta ekki að taka
langan tíma. Það er meginkrafan
núna að okkar viðsemjendur verji
tímanum sem þarf til núna og taki
raunverulega þetta verkefni bara
fyrir,“ segir Sonja.
Þá segir Sonja taktinn í viðræð­
unum hafa verið allt of hægan og of
langt liðið milli funda.
„Þolinmæðin er auðvitað alveg á
þrotum og við finnum það að okkar
félagsmenn vilja sjá niðurstöðu
sem fyrst. Þannig að í næstu viku
munum við taka samtalið lengra
inn í baklandið um hver næstu
skref eiga að vera. Fá þá afdráttar­
laust svar um það hvort við förum
ekki að undirbúa aðgerðir f ljótlega
því þetta gengur ekki svona.“
Flosi segir að aðildarfélög SGS
um allt land fari að skoða aðgerðir
ef ekki sjáist komast skriður á við­
ræðurnar á næstu tiltölulega fáu
dögum og vikum.
Málef ni vaktavinnuhópsins
skipta hjúkrunarfræðinga líka
miklu máli enda eru þeir stærsta
vaktavinnustétt landsins. Guð­
björg Pálsdóttir, formaður Félags
íslenskra hjúkrunarfræðinga, segir
að um tveir þriðju félagsmanna séu
í vaktavinnu.
„Það hvílir margt á þessari vinnu
vaktavinnuhópsins en það er ekki
mikill tími til stefnu til að fá eitt­
hvað út úr því. Ég sit enn þá með
krosslagða fingur eitthvað fram í
janúar,“ segir Guðbjörg.
Hún segir sitt fólk orðið mjög
óþreyjufullt en að staðan sé metin
eftir hvern samningafund og fund
í vaktavinnuhópnum. „Á meðan
samtalið er í gangi er auðvitað eitt­
hvað í spilunum en þetta er orðinn
ansi langur tími.“
sighvatur@frettabladid.is
Það hvílir margt á
þessari vinnu
vaktavinnuhópsins en það
er ekki mikill tími til stefnu
til að fá eitthvað út úr því. Ég
sit enn þá með krosslagða
fingur eitthvað fram í
janúar.
Guðbjörg Pálsdóttir, formaður Fé-
lags íslenskra hjúkrunarfræðinga
Beðið eftir niðurstöðu
vaktavinnuhópsins
Kjaraviðræður á opinbera vinnumarkaðnum fara aftur af stað í næstu viku
eftir jólahlé. Samningar hafa nú verið lausir í rúma níu mánuði og mikillar
óþolinmæði er farið að gæta hjá mörgum félagsmönnum stéttarfélaganna.
Enn er ósamið hjá stærstum hluta opinbera markaðarins. Samningar losnuðu í lok mars. FRÉTTABLAÐIÐ/SIGTRYGGUR
STJÓRNSÝSLA Félagsmálaráðuneyt­
ið hefur birt á vef sínum nöfn þeirra
einstaklinga sem sóttu um embætti
ríkissáttasemjara. Starfið var aug­
lýst þann 5. desember síðastliðinn
og var umsóknarfrestur til og með
20. desember.
Alls sóttu sex einstaklingar um
starfið. Meðal annars fyrrverandi
framkvæmdastjóri ASÍ og núver­
andi aðstoðarseðlabankastjóri.
Þeir sem sóttu um voru Aðal­
steinn Leifsson framkvæmdastjóri,
Gylfi Arnbjörnsson hagfræðingur,
Herdís Hallmarsdóttir lögmaður,
Lara de Stefano þjónn, Ólafur Þor­
steinn Kjartansson ráðgjafi og
Rannveig S. Sigurðardóttir, hag­
fræðingur og aðstoðarseðlabanka­
stjóri.
Athygli vekur að hugur Rann­
veigar leiti úr Seðlabankanum en
hún á um þrjú ár eftir af skipunar­
tíma sínum þar.
Umsóknirnar verða nú metnar af
sérstakri ráðgefandi hæfnisnefnd
sem félags­ og barnamálaráðherra
mun skipa. Drífa Snædal, forseti
ASÍ, og Eyjólfur Árni Rafnsson, for­
maður Samtaka atvinnulífsins, hafa
verið tilnefnd til setu í nefndinni.
Auk þess hefur ráðherra skipað
Gissur Pétursson ráðuneytisstjóra
sem formann nefndarinnar. Bjarn­
heiður Gautadóttir, skrifstofustjóri í
félagsmálaráðuneytinu, mun starfa
með nefndinni.
Ásmundur Einar Daðason, félags­
og barnamálaráðherra, mun skipa í
embættið til fimm ára þegar hann
hefur fengið tillögur nefndarinnar
í hendur. – bþ
Rannveig sækir um ríkissáttasemjara
Rannveig S. Sigurðardóttir.
H
N
O
T
S
K
Ó
G
U
R
g
ra
fí
sk
h
ön
nu
n
Umsóknarfrestur til 4. febrúar
Þróunarsjóður
námsgagna
Auglýst er eftir umsóknum um styrki úr Þróunarsjóði
námsgagna. Námsefnið þarf að henta til kennslu á þremur
fyrstu skólastigunum. Námsefni fyrir háskólastig og
fullorðinsfræðslu er ekki styrkt.
Forgangsatriði sjóðsins fyrir árið 2020 eru þrjú:
1. Námsgögn er styðja við aðlögun og íslenskunám
innflytjenda.
2. Námsgögn sem miða að markvissri eflingu orðaforða og
hugtakaskilnings í ýmsum námsgreinum. Sérstaklega er
horft til íslensku, náttúru- og stærðfræði. Námsgögnin þurfa
að höfða til áhugahvatar hópa sem standa höllum fæti.
3. Námsefni sem styður við félagsfærni nemenda með áherslu
á þátttöku í samfélagi, sjálfsmynd og líðan.
Umsóknarfrestur er til 4. febrúar 2020, kl. 16:00.
Stefna sjóðsins er að námsefnið sem styrkt er verði gefið út
með rafrænum hætti og gert aðgengilegt á netinu, þegar við
á. Hægt verður að sækja um almennan þróunarstyrk fyrir
allt að 2,0 milljónir króna, en einnig hægt að sækja um
þróunar- og útgáfustyrk fyrir allt að 4,0 milljónir króna.
Stjórn sjóðsins hefur ákveðið að veita að hámarki tveimur
umsóknum þennan hámarksstyrk, að skilyrðum settum.
Upplýsingar um sjóðinn og umsóknargögn
er að finna á www.rannis.is.
Umsóknum skal skilað á rafrænu formi.
Nánari upplýsingar veitir
Skúli Leifsson, sími 515 5843,
skuli.leifsson@rannis.is
Blaðið í dag og safn eldri blaða á frettabladid.is
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
Austurströnd 14 • Hringbraut 35
....................................................Sími: 561 1433
www.bjornsbakari.is
3 TEGUNDIR AF
SÚRDEIGSBRAUÐUM
VELDU GÆÐI!
PREN
TU
N
.IS
................................................
4 . J A N Ú A R 2 0 2 0 L A U G A R D A G U R6 F R É T T I R ∙ F R É T T A B L A Ð I Ð