Fréttablaðið - 04.01.2020, Blaðsíða 74

Ég er í raun fyrst núna að upplifa það að fá að vera í beinum samskiptum við kúnnann, sem mér er búið að finnast ótrú-lega gaman. Það er svo
frábært að upplifa viðbrögðin. Ég
var áður með búð og mér finnst
ógeðslega gaman að hjálpa konum
að klæða sig. Svo fannst mér frá-
bært að sjá hvað þær fíla við skóna,
hvað þeim finnst að megi breyta
eða bæta. Fyrir mig sem hönnuð
er það mjög dýrmætt,“ segir Katrín
Alda Rafnsdóttir, skóhönnuður og
eigandi merkisins KALDA.
Fjórar línur á ári
Katrín rak fatabúð með systur sinni
fyrir tæpum áratug. Í kjölfarið
stofnaði hún fatamerkið KALDA,
sem gekk mjög vel. Hún tók þó
ákvörðun um að einbeita sér að
ákveðnum vöruflokki og hafa skór
og skóhönnun lengi átt huga Katr-
ínar.
„Ég einfaldlega elska skó. Þannig
að ég byrja að hanna eingöngu skó
fyrir þremur árum.“
KALDA átti strax þó nokkurri
velgengni að fagna og sáust skór úr
allra fyrstu línunum strax í heims-
þekktum tískutímaritum. Hún
hefur búið í London í þrettán ár, og
þekkir því vel til, en hún stundaði
nám við London College of Fashion
þar sem lærði hún stjórnun í tísku
og viðurkennir Katrín að það hafi
hjálpað mikið til.
„Ég var með samböndin sem ég
þurfti og það er mikið náminu að
þakka.“
Á hverju ári eru framleiddar
fjórar línur. „Þannig að við förum
til Parísar á þriggja mánaða fresti til
að sýna nýja línu. Ég er með ítalska
umboðsskrifstofu sem sér um að
bóka fundi með öllum verslunun-
um. Síðustu tvær línur hafa gengið
einstaklega vel, sem sagt eftir að
ég fór til ítölsku umboðsskrifstof-
unnar. Hún er eiginlega sú stærsta í
Skór sem
tjáningarform
Katrín Alda Rafnsdóttir er eigandi skó-
merkisins KALDA sem hefur gert það gífur-
lega gott síðustu ár. Nú fyrir jól opnaði hún
pop-up verslun á Skólavörðustíg en Katrínu
þótti ótrúlega dýrmætt sem hönnuði að
upplifa bein samskipti við viðskiptavinina.
Katrín lærði tískustjórnun við London College of Fashion, sem hún segir
hafa hjálpað mikið við stofnun merkisins. FRÉTTABLAÐIÐ/STEFÁN KARLSSON
KALDA er selt í mörgum af helstu
hönnunarvöruverslunum Bret-
lands. MYNDIR/SILJA MAGG
þessum bransa,“ segir Katrín.
Skótískan meira flæðandi
Skór KALDA eru seldir víðs vegar
um heiminn, en eru mest áberandi
í Bretlandi og á Ítalíu.
„Í Bretlandi er KALDA selt til
dæmis í Selfridges, Browns, Harvey
Nichols og Liberty,“ segir Katrín en
það eru einar helstu hönnunar-
verslanirnar þarlendis.
Nú, segir Katrín, er stefnan að ná
sama árangri á ítalska markaðinum.
„Við erum nú þegar komin inn hjá
nokkrum af f lottustu búðunum á
Ítalíu.“
Katrín er eini starfsmaður merk-
isins í fullu starfi. „Þetta er svo ótrú-
lega erfiður bransi. Það að gera heila
fatalínu á þriggja mánaða fresti, það
er ekki hægt ef þú ert einn. Það er
erfitt með skó líka, en það góða við
þá er að maður lokar ekki á eina
línu og byrjar á næstu. Skóhönnun
f læðir meira á milli lína, maður
heldur oft áfram með ákveðinn stíl.
Ferlið er allt hægara, sem mér finnst
mjög gott. Það getur verið smá bilað
hvað tískubransinn getur verið
hraður,“ segir hún.
Katrínu langaði alltaf að hafa
línuna á svokölluðu miðjumarkaðs-
verði (e. contemporary price point)
en leggja ríka áherslu á gæði og
mikla hönnun.
„Ég held að það hafi vantað smá
á þessum tíma þegar ég byrjaði
með merkið. Þetta er allt handgert
í sömu verksmiðjunni í Portúgal.
Svo er þetta skemmtileg og öðru-
vísi hönnun án þess að verðið fari
algjörlega fram úr hófi. Það var allt-
af mín hugsjón í upphafi, ég hugsaði
þetta smá sem mótspyrnu við „high
street“-fatnaðinn sem ég styð ekki
sérstaklega,“ segir Katrín
Hún segir mikilvægt að fólk reyni
eftir fremsta megni að vera ábyrgir
neytendur.
„Ég vil bara ekki að fólk kaupi öll
fötin sín „high-street“. Það er svo allt
annað að kaupa þér eitt par af skóm
sem þú elskar og dugar þér í fimm
ár en að kaupa bara eitthvað af því
það er ódýrt.
Tilfinningalega gildið er líka stór
partur af þessu. Þér er miklu meira
sama um vöru sem keypt er út í blá-
inn. Það er miklu betra að kaupa
sjaldnar, en að vanda sérstaklega
valið.“
Skór eru tjáningarform
„Fatnaður getur verið mikið tján-
ingarform, sérstaklega skór finnst
mér. Ástæðan fyrir því að skór eru
í svo miklu uppáhaldi hjá mér er að
þeir algjörlega leggja línurnar fyrir
skap manns yfir daginn. Ef þú ert í
stígvélum sem ná yfir í hné líður þér
allt öðruvísi en ef þú ert í Ugg-stíg-
vélum.
Maður fattar þetta til dæmis
þegar mann langar að vera pæja og
fer í ótrúlega háa hæla eða þegar
mann langar ekkert meira en að
vera bara í strigaskóm. Þetta er eitt-
hvað sem við konur höfum fram
yfir karlmenn, þeir eru bara alltaf
í sömu leiðinlegu skónum,“ segir
Katrín og hlær.
„Maður getur gefið tóninn fyrir
það hvernig dagurinn verður með
skóvalinu. Sjálfri finnst mér skór
f lottasta og besta tjáningarformið
þegar kemur að klæðnaði. Skóvalið
segir líka svo furðulega margt um
líðan manns.“
Hún segir skófatnað ekki hafa
náð sömu stöðu sem „statement
piece“ hjá íslenskum konum og
tíðkast erlendis.
„Og mig langar mikið að breyta
því,“ segir Katrín brosandi.
Síðasti séns til að fara og kíkja inn
í pop-up verslun KALDA er í dag og
á morgun. Pop-up verslunina er að
finna á Skólavörðustíg 28, einmitt
þar sem verslunin Kormákur og
Skjöldur voru áður til húsa.
steingerdur@frettabladid.is
Stórstirnið Gigi Hadid klæddist
skóm hönnuðum af Katrínu á dög-
unum. NORDICPHOTOS/GETTY
Skór frá KALDA voru notaðir í
tískusýningu merkisins Fenty eftir
Rihönnu. NORDICPHOTOS/GETTY
4 . J A N Ú A R 2 0 2 0 L A U G A R D A G U R42 L Í F I Ð ∙ F R É T T A B L A Ð I Ð
LÍFIÐ