Læknablaðið - nóv. 2018, Blaðsíða 3

„Uppbygging heilbrigðisþjón-
ustunnar er eitt af forgangsmálum
ríkisstjórnarinnar,“ sagði Svandís
Svavarsdóttir heilbrigðisráðherra
þegar skóflustunga var tekin að
lykilbyggingu nýja spítalans við
Hringbraut laugardaginn 13. október.
Hvorki meira né minna en 18 tóku
skóflustungu að þessum nýja með-
ferðarkjarna, ráðherrar ásamt full-
trúum félaga, hagsmunasamtaka og
stofnana. Fjölmargir fylgdust með,
þar á meðal fyrrum heilbrigðisráð-
herrar.
„Nýtt sjúkrahús mun gerbylta allri
aðstöðu fyrir heilbrigðisþjónustuna
í heild sinni, ekki síst fyrir sjúklinga,
starfsmenn og aðstandendur,“ sagði
heilbrigðisráðherrann jafnframt í
ræðu sinni.
Meðferðarkjarninn verður á 6
hæðum auk tveggja hæða kjallara,
eða tæpir 70.000 brúttófermetrar.
Íslenskir aðalverktakar sjá um upp-
bygginguna og er áætlað að kjarninn
verði tekinn í notkun árið 2024.
Páll Matthíasson, forstjóri Land-
spítala, sagði við þetta tækifæri að
uppbyggingin væri stærstu tímamót í
sögu Landspítala eða allt „frá því að
Landspítali reis fyrst hér við Hring-
braut fyrir tilstilli íslenskra kvenna“.
Hlíðasmára 8
201 Kópavogi
sími 564 4104
Útgefandi
Læknafélag Íslands
Læknafélag Reykjavíkur
Ritstjórn
Magnús Gottfreðsson,
ritstjóri og ábyrgðarmaður
Elsa B. Valsdóttir
Gerður Gröndal
Hannes Hrafnkelsson
Magnús Haraldsson
Sigurbergur Kárason
Þórdís Jóna Hrafnkelsdóttir
Tölfræðilegur ráðgjafi
Thor Aspelund
Ritstjórnarfulltrúi
Védís Skarphéðinsdóttir
vedis@lis.is
Blaðamaður
Gunnhildur Arna
Gunnarsdóttir
gunnhildurarna@gmail.com
Auglýsingastjóri og ritari
Esther Ingólfsdóttir
esther@lis.is
Umbrot
Sævar Guðbjörnsson
saevar@lis.is
Upplag
2050
Prentun, bókband
og pökkun á Íslandi
Prenttækni ehf.
Vesturvör 11
200 Kópavogi
Áskrift
14.900,- m. vsk.
Lausasala
1490,- m. vsk.
© Læknablaðið
Læknablaðið áskilur sér rétt til að birta og
geyma efni blaðsins á rafrænu formi, svo
sem á netinu. Blað þetta má eigi afrita
með neinum hætti, hvorki að hluta né í
heild, án leyfis.
Fræðigreinar Læknablaðsins eru skráðar
(höfundar, greinarheiti og útdrættir) í
eftirtalda gagnagrunna: Medline (National
Library of Medicine), Science Citation
Index (SciSearch), Journal Citation
Reports/Science Edition, Scopus og
Hirsluna, gagnagrunn Landspítala.
The scientific contents of the Icelandic
Medical Journal are indexed and
abstracted in Medline (National Library of
Medicine), Science Citation Index (SciSe-
arch), Journal Citation Reports/Science
Edition and Scopus.
ISSN: 0023-7213
LÆKNAblaðið 2018/104 483
Læknablaðið
THE ICELANDIC MEDICAL JOURNAL
www.laeknabladid.is
Læknablaðið hefur fengið Önnu Þorbjörgu Þorgrímsdóttur til að velja og skrifa um kápumyndir
á 104. árgangi blaðsins í tilefni 100 ára afmælis Læknafélags Íslands. Myndirnar tengjast þeim efnum sem
eru í brennidepli afmælisgreina hvers tölublaðs.
Anna er sagnfræðingur og safnafræðingur og fyrrum stjórnandi Lækningaminjasafnsins.
Læknavörður að störfum
Handritin eru fjársjóður okkar Íslendinga og fjöregg
og geyma texta af ólíkum toga með fjölbreyttu og
misáreiðanlegu innihaldi. Í hundruð ára hafa lærðir
menn og leikir, innlendir sem erlendir, lesið hand-
ritin frá ýmsum sjónarhornum og á þann hátt tekist
að kalla fram fjölbreytta mynd af mannlífi miðalda.
Þannig hafa læknislistinni verið gerð ágæt skil og
máluð upp mynd af stöðu lækninga á miðöldum.
Af mikilli talnalist var tímatal Íslandssögunnar
ákvarðað og á grunni almennra orða Íslendinga-
bókar var fundið út að stofnun Alþingis hafi átt sér
stað árið 930.
Því var ærið tilefni til hátíðarhalda árið 1930.
Þúsund ára afmæli Alþingis einungis 12 árum eftir að íslenskri þjóð hlotnaðist fullveldi eftir áratugalanga baráttu.
Alþingishátíðin stóð í þrjá heila daga. Mikið var um dýrðir og miklu til kostað enda markmiðið að styrkja ímynd hins
unga þjóðríkis meðal erlendra þjóða. Milli 30 og 40 þúsund manns tóku þátt í veglegri dagskrá og þjóðlegri. Gleðin var
mikil og nokkrir hátíðargestir lýstu síðar með háfleygu orðavali þeim hughrifum sem hátíðarhöldin og íslensk júlínóttin
á Þingvöllum hafði haft.
Sérstök Þingvallalögregla hélt uppi lögum og reglu og eins og vera ber var læknir á vakt. Lítið reyndi þó á þá þjón-
ustu og í Morgunblaðinu birtist stutt ekki-frétt: „Spítalatjald og læknavörður hefir verið allan tímann á Þingvöllum. En
slys hafa þar engin orðið, síðan Jón Ólafsson trjesmiður fótbrotnaði á miðvikudagskvöld. Nokkrir hafa vitanlega veikst,
af öllum þeim mannfjölda, sem þarna hefir verið, en lítt hefir gætt afleiðinga af kulda eða illum aðbúnaði.“
Myndin, sem er tekin af óþekktum ljósmyndara, veitir okkur einstæða sýn inn í spítalatjaldið. Þarna þekkjast þeir
læknar, Dr. Halldór Hansen og Ólafur Helgason. Á milli þeirra er Þórunn S. Jensdóttir hjúkrunarkona sem heldur hug-
hreystandi í hönd sjúklingsins meðan Ólafur læknavörður vefur um hana bindi.
Myndin er birt með leyfi Ljósmyndasafns Íslands.
Anna Þorbjörg Þorgrímsdóttir
Ráðherra, fulltrúi Íslenskra aðalverktaka og vottar við undirritun samningsins.
Skóflustunga að lykilbyggingu nýs spítala