Læknablaðið - nóv. 2018, Blaðsíða 50

530 LÆKNAblaðið 2018/104
Föstudaginn 19. október héldu Háskóli Íslands og Landspítali
málþing í Hringsal af því tilefni að Sigurður Guðmundsson er
kominn á tilhlýðilegan og löggiltan starfslokaaldur. Sigurður er
smitsjúkdómalæknir og prófessor við HÍ, og hans samstarfsmenn
hér heima komu saman til að rekja feril hans og hlýða á Alison
Holmes frá London og Amiee Zaas frá Norður­Karólínu fara yfir
sviðið. Helga Erlendsdóttir og Haraldur Briem ávörpuðu samkom­
una, og Helga Ágústa Sigurjónsdóttir flutti kveðju og glaðning frá
samstarfsfólki.
Magnús Gottfreðsson stýrði þessum fundi og var yfirbragð
gesta nokkuð ólíkt því sem jafnan er í Hringsal þar sem alvaran er
oft ein við völd. Á öftustu bekkjum salarins gerði ungliðahreyfing
sig gildandi, greinilega lærisveinar Sigurðar, og öllum bar saman
um að þrátt fyrir ótvíræða leiðtogahæfileika hans, óyggjandi fræði­
mennsku, góðmennsku hins klára læknis og vökult auga land­
læknis þá væri kennslan hans fullkomna forte. Í viðtali í septem­
berblaði Læknablaðsins kom líka fram að starfið er hans hugðarefni,
og hefur verið frá því hann sem læknanemi sá bakteríur í fyrsta
sinn í smásjá, ­ þá varð hann alveg gagntekinn og hann hefur ekk­
ert læknast af því.
Sigurður hefur gegnt flestum helstu lykilstöðum í íslensku
heilbrigðiskerfi, en þó ekki verið heilbrigðisráðherra. Hann sat í rit­
stjórn Læknablaðsins árin 1987­1996, og blaðið lítur svo á að það eigi
í honum hvert bein og þakkar fyrir góða samvinnu fyrr og síðar.
VS
Málþing til heiðurs
Sigurði Guðmundssyni