Læknablaðið - nov. 2019, Síða 56
528 LÆKNAblaðið 2019/105
Á komandi Læknadögum, þann 20. janúar,
er fyrirhuguð dagskrá í tilefni af 50 ára
afmæli barna- og unglingageðlækninga á
Íslandi. Sagt verður frá Geðverndardeild
barna, sem starfrækt var undir forystu
prófessors Sigurjóns Björnssonar, sál-
fræðings, í Heilsuverndarstöð Reykjavíkur
við Barónsstíg, en sú deild hóf starfsemi
í október 1960 og var hlutverk hennar að
annast rannsóknir og lækningu á börnum
sem þjáðust af taugaveiklunareinkennum
eða öðrum sálrænum erfiðleikum, og mun
Sigurjón kynna þá sögu sjálfur. Eru því 60
ár frá stofnum þeirrar deildar.
Páll Ásgeirsson, fyrsti yfirlæknir
Geðdeildar Barnaspítala Hringsins, eins
og deildin hét í upphafi, mun segja frá
aðdraganda og stofnun hennar árið 1970,
fyrir 50 árum, og þróunarstarfinu síðar,
og Guðrún Bryndís Guðmundsdóttir, nú-
verandi yfirlæknir BUGL (eins og Barna
og unglingageðdeild Landspítalans er nú
skammstöfuð) kynnir deildina og stöðu
sérgreinarinnar í dag, þegar liðin eru 50 ár
frá stofnun deildarinnar.
Gunnsteinn Gunnarsson, barna- og
unglingageðlæknir, mun rekja sögu
Barnageðlæknafélags Íslands, sem stofnað
var 3. maí 1980, og eru því 40 ár liðin frá
stofnun þess á árinu. Eins og segir í lögum
félagsins var markmiðið með stofnun þess
að eiga sameiginlegan vettvang til um-
ræðu fyrir lækna við störf að geðlækning-
um barna og unglinga, og annarra lækna
sem hefðu áhuga á geðvernd og geðmeð-
ferð barna og unglinga. Annað markmið
félagsins var að vinna að framþróun og
vexti barnageðlækninga á Íslandi með
fræðslufundum fyrir lækna og aðrar fag-
stéttir um geðmeðferð barna og unglinga.
Enn var markmið félagsins að vera fulltrúi
fagsins gagnvart yfirvöldum geðheilbrigð-
ismála með ráðgjöf og/eða athugasemd-
um. Að lokum var markmið félagsins að
standa vörð um hagsmuni félagsmanna,
m.a. varðandi aðbúnað, kaup og kjör.
Stofnfélagar voru 7 og var Helga Hann-
esdóttir kosin fyrsti formaður félagsins, en
Helga varð síðar fyrst Íslendinga doktor
í sérgreininni. Félagið var ætíð fámennt,
en félagsmenn skiptu með sér verkum
við að stuðla að fræðslu fyrir lækna og
aðrar fagstéttir sem að geðvernd og geð-
meðferð störfuðu með námsstefnum um
barnageðlækningar og geðheilbrigðismál
barna og unglinga.
Barnageðlæknarnir Dagbjörg Sigurðar-
dóttir og Gísli Baldursson munu kynna
starf á legudeildum BUGL og þróun ung-
lingageðlækninga á legudeildum.
Ólafur Ó. Guðmundsson, barna og ung-
lingageðlæknir og fyrrverandi yfirlæknir á
BUGL, og Bertrand Lauth, lektor, formaður
Barnageðlæknafélagsins, munu skýra frá
samvinnu við alþjóðleg félög, IACAPAP
og evrópsku ESCAP-samtökin. Einnig um
norrænt rannsóknarsamstarf NORCAP, og
íslenskar rannsóknir í sérgreininni. Jafn-
framt verður kynnt faglegt starf í barna-
og unglingageðlækningum á Norðurlandi
og starfsemi sérfræðilækninga í barna- og
unglingageðlækningum á Reykjavíkur-
svæðinu.
Anna María Jónsdóttir, barna- og
unglingageðlæknir, kynnir þróun ung-
barnageðlækninga á Íslandi og stöðu
þeirra í dag.
Bertrand Lauth, lektor, lýsir upp-
byggingu barna- og unglingageðlækninga
á Íslandi, fjallar um áskoranir, rannsóknir,
og akademíska og klíníska kennslu og
tengsl við HÍ, og kynnir uppbyggingu á
sérnámi í greininni hér á landi.
Hvers vegna barna- og unglingageð-
lækningar? Björn Hjálmarsson, barna- og
unglingageðlæknir, greinir frá því hvers
vegna hann lagði stund á barna- og ung-
lingageðlækningar, en fyrir var hann sér-
fræðingur í barnalækningum.
Vert er að geta þess að Helga Hann-
esdóttir á hugmyndina að þessari afmæl-
isdagskrá og hefur skipulagt hana og
undirbúningsnefnd Læknadaga tók hug-
myndinni opnum örmum.
Dagskrá á
Læknadögum 2020
Málþing barna- og unglingageðlækna
Gunnsteinn
Gunnarsson
barna- og
unglingageðlæknir
Læknadagar í Hörpu
20.-24. janúar 2020
Undirbúningsnefndin