Læknablaðið - apr. 2019, Blaðsíða 44

196 LÆKNAblaðið 2019/105
Í ritstjórnargrein Tryggva Helgasonar í nýútkomnu Læknablaði
gætir misskilnings þess efnis að starfshópur sem skipaður var
af heilbrigðisráðherra í desember 2017 hafi jafnframt unnið að
greinargerð sem birtist í samráðsgátt stjórnvalda um Staðartíma á
Íslandi - stöðumat og tillögur (mál nr. S-4/2019).
Rétt er að:
Starfshópur heilbrigðisráðherra skilaði minnisblaði til
heilbrigðisráðherra 31. janúar 2018 um Ávinning fyrir lýðheilsu
og vellíðan landsmanna af því að leiðrétta klukkuna til
samræmis við gang sólar og þar með var verkefni hans lokið.
Greinargerðin sem birtist í samráðsgátt stjórnvalda var hins
vegar unnin í forsætisráðuneytinu meðal annars með hliðsjón af
framangreindu minnisblaði starfshóps heilbrigðisráðherra.
Björg Þorleifsdóttir
lektor í lífeðlisfræði
læknadeild / heilbrigðisvísindasviði
Háskóla Íslands
Fjölskyldu- og
styrktarsjóður lækna
Læknar sem starfa hjá hinu opinbera eiga rétt á styrk úr sjóðnum en þeir
sem stunda sjálfstæðan rekstur verða að velja sjálfir að sækja um aðild
að FOSL (Fjölskyldu- og styrktarsjóður LÍ) á vefsíðu Læknafélagsins.
KYNNTU ÞÉR RÉTTINDI ÞÍN
www.lis.is
Athugasemd við leiðara í marsblaðinu