Hugur og hönd - 01.06.1985, Blaðsíða 7

Nokkur umræða varð um hvort setja
skyldi myndirnar upp með viðaráferð-
inni án þess að mála þær. En Hulda
mundi alltaf lýsingu gömlu sveitung-
anna á postulunum sem settu svip á
kirkjuna vegna litríkra klæða sinna. Og
því varð úr að Baldri Edwins var falið
að mála þá. Fullunnir voru þeir í
febrúar og um páska 1983 voru þeir
sýndir á kirkjulistarsýningu á Kjarvals-
stöðum ásamt gamalli og nýrri kirkju-
list.
Allir lögðust á eitt
Hulda segir frá því að árið 1980 hafi
frænka hennar á Hnjúki í Vatnsdal,
Guðrún Jónsdóttir, haft samband við
sig og beðið að útvega altarisdúk í
kirkjuna. Henni veittist erfitt að fá
konu sem vildi taka að sér saumaskap-
inn þar sem allar voru hættar slíkri
vinnu og ákvað hún því að gera dúkinn
sjálf eftir gömlu munstri móður sinnar.
Er því verki var lokið fannst Huldu
tímabært að láta hefja útskurð postula-
myndanna og stakk upp á því að frænka
hennar borgaði fyrir dúkinn verð eins
postula og sjálf mundi hún þá greiða
annan á móti. Að þessum samningi
gerðum um jól 1980 samdi Hulda við
Svein myndskera um útskurðinn.
Sveinn skyldi vinna smátt og smátt að
þessu og Hulda „talaði við fólk úr sveit-
inni um að leggja í púkkið," eins og hún
orðar það sjálf. I sveitinni var safnað
peningum, höfðinglegar gjafir bárust úr
dánarbúum og rausnarlegar minningar-
gjafir voru gefnar. Allt gekk upp og nú
er verkið í upprunalegri mynd á sínum
stað í Þingeyrakirkju.
Svo er fyrir að þakka einstæðu fram-
taki Huldu Stefánsdóttur sem réðst í að
láta vinna kostnaðarsamt stórvirki og
valdi til þess mjög hæfan mann sem
leysti verkið sérlega vel af hendi. Sjálf
segir Hulda aðeins af hógværð: „Eg er
þakklát sveitungum mínum hve vel þeir
tóku bón minni og veit ekki annað en að
allir séu fegnir að fá Krist og postulana
heim.“
Rúna Gísladóttir
1. Þingeyrakirkja byggð úr húnvetnsku
grjóti og vígð árið 1877.
2. Pétur postuli eins og hann var að loknu
verki Sveins Ólafssonar myndskera.
Viðaráferðin kemur hér vel fram.
3. Myndirnar fullunnar. Fyrir miðju
Kristur, en postularnir Jóhannes og
Pétur sinn til hvorrar handar.
4. Postularnir Símon og Jakob með tákn
sín í höndum.
5. Postularnir ásamt Kristi á sínum stað í
Þingeyrakirkju.
Ljósmyndir: Sveinn Ólafsson.
HUGUR OG HÖND