Hugur og hönd - 01.06.2006, Síða 28

Spöng.
Búningurinn allur er svo vel varðveittur að furðu sætir.
Guðmundur teiknaði hugmynd sína að hirslu fyrir bún-
ingirtn og fékk smiðinn Friðrik Þorsteinsson til að smíða
kistu úr sedrusviði sem víða er hefð fyrir að nota til að
varðveita textíla. Kistan er skreytt, listamaðurinn Jón
Gunnar Arnason smíðaði lamir og lás úr járni. Gullsmið-
urinn Leifur Kaldal gerði umgjörð úr silfri um steina sem
skreyta járnið. Steinarnir eru úr Glerhallavík og úr safni
þeirra hjóna því að Guðmundur og Lydia ferðuðust um
fjöll og fimindi landsins og voru fundvís á fallega steina í
ferðum sínum. Kistan er það stór að ekki þarf að brjóta
samfelluna (pilsið) saman, heldur er hún lögð slétt að
endilöngu og síðan treyjan ofan á, en inn í ermarnar hefur
verið látinn (sýrufrír) pappír svo að ekki kæmu brot í þær.
Þannig hefur þess verið vel gætt frá fyrstu tíð að búa um
hluta búningsins hvem um sig. Lydia kom þessum hefð-
um á um allan frágang og frá þeim hefur ekki verið vikið.
Það er aðdáunarvert hve vel listamaðurinn Guðmund-
ur hefur fylgt eftir hugmyndum sínum að búningi og
kistu. Hann hefur falið færasta handverks- og listafólki
verkið. Síðan var það Lydia sem gætti búningsins vel og
Sylgja á belti.
Sproti á belti.
skráði heimildirnar sem hafa verið varðveittar með hon-
um. Búningurinn er sem nýr þó að hann sé orðinn 50 ára
gamall.
Ljósni. Binni
Búningurinn eins og hann er geymdur í kistunni. Kistan sem gerð var til að geyma búninginn.
28 HUGUROG HÖND 2006