Bændablaðið - 06.04.2017, Blaðsíða 8

8 Bændablaðið | Fimmtudagur 6. apríl 2017
Á aðalfundi Landssambands kúa-
bænda sem haldinn var á Akureyri
nýverið var samþykkt ályktun
þar sem því var beint til stjórnar
LK að koma á fót vinnuhópi um
stefnumörkun í mjólkurfram-
leiðslu sem og um stefnumörk-
un í nautakjötsframleiðslu.
Vinnuhóparnir verði settir saman í
samvinnu við hagsmunaaðila.
Fram kemur í greinargerð með
ályktun um stefnumörkun í mjólk-
urframleiðslu að kosið verði á árinu
2019 um hvort bændur vilji halda í
greiðslumark mjólkur frá og með 1.
janúar 2021. Óháð niðurstöðu kosn-
ingar telur aðalfundur mikilvægt að
greinin undirbúi sig í tíma, stillt verði
upp þeim sviðsmyndum sem upp
geta komið og unnin stefnumörkun
útfrá þeim. Meðal annars verður litið
til þeirrar umræðu sem samráðshóp-
ur um endurskoðun búvörusamninga
er gert að taka.
Hvað nautakjötsframleiðsluna
varðar er lagt til að í vinnunni verði
framtíðarþróun markaðshlutdeildar
innlendrar framleiðslu og innflutn-
ings greind sem og þróun gæða í
innlendri framleiðslu sem og aðrar
greiningar sem að gagni koma.
Þá beindi fundurinn því til stjórn-
ar LK að koma á reglulegri vökt-
un á framleiðslu nautakjöts í sam-
starfi vð RML og hagsmunaaðila.
Nauðsynlegar upplýsingar verði
teknar saman og þær verði aðgengi-
legar fyrir bændur og hagsmunaað-
ila, en slíkar upplýsingar eru mikil-
vægar fyrir skipulag framleiðslunnar
og koma í veg fyrir langa bið eftir
slátrun. /MÞÞ
Aðalfundur LK:
Stefnumörkun í mjólkur-
og nautakjötsframleiðslu
Landbúnaðarháskóla Íslands:
Staða rektors við laus
til umsóknar
Björn Þorsteinsson rektor
Landbúnaðarháskóla Íslands
(LbhÍ) sagði starfi sínu lausu
í byrjun þessa árs og nú fyrir
skemmstu auglýsti skólinn starfið
laust til umsóknar.
Björn útskýrði í viðtali við
Bændablaðið í janúar að hann léti
af störfum af persónulegum ástæðum
en hann myndi láta af störfum um
leið og nýr rektor tæki við.
Í auglýsingu frá skólanum kemur
fram að umsóknarfrestur sé til 25.
apríl næstkomandi og reiknað sé með
að skipað sé í embætti rektors frá
og með 1. ágúst 2017 til fimm ára,
samkvæmt tilnefningu háskólaráðs.
Skólinn stuðlar að jafnrétti kynjanna
og hvetur konur jafnt sem karla til
að sækja um laus störf við skólann.
Háskólaráð tilnefnir þrjá menn í val-
nefnd til að meta hæfni umsækjenda.
Skuldastaðan batnað
Björn var skipaður í embætti 1. ágúst
2014 og í viðtalinu við Bændablaðið
í janúar sagði hann að fjárhagurinn
hefði á þessum tíma tekið miklum
stakkaskiptum. „Skuldastaða skól-
ans hefur batnað en 85% af skuldum
LbhÍ við ríkissjóð voru afskrifað-
ar um síðustu áramót. Gert er ráð
fyrir að 70 milljónir króna fari í
uppbyggingu Garðyrkjuskólans að
Reykjum á þessu ári.
„Þegar ég tók við skólanum var
búinn að vera hallarekstur á skól-
anum í mörg ár og búið að leggja
drög að aðgerðum til að láta enda
ná saman. Það féll síðan í minn hlut
að hrinda þeim erfiðu aðgerðum í
framkvæmd sem fólust meðal annars
í því að segja upp starfsmönnum. Við
það snerist reksturinn við og skólinn
skilaði afgangi og gat greitt upp í
skuldir sínar við ríkissjóð,“ sagði
Björn meðal annars. /smh
FRÉTTIR
Margrét Gísladóttir framkvæmdastjóri LK:
Kúabændur vilja aukinn þunga í ímyndar-
málum og kynningu á starfsgreininni
Margrét Gísladóttir fram-
kvæmdastjóri Landssambands
kúabænda fjallaði m.a. um
kynningarmál og samfélags-
miðlaherferð sambandsins á aðal-
fundi LK á Akureyri á dögunum.
Hún hóf störf hjá LK á liðnu ári
og kom úr heimi ímyndar- og kynn-
ingarmála og varð strax ljóst að
kúabændur vildu sjá aukinn þunga
lagðan á ímyndarmál og kynningu
í starfsgreininni.
„Í því þótti mér felast ótal tæki-
færi og stend föst á því. Þó umræð-
an í kringum búvörusamninga hafi
verið ansi hörð á köflum færði hún
okkur það að almenningur hefur
opnað eyrun og hugann fyrir frakari
umræðu um landbúnað,“ sagði
Margrét.
Sýnileg á samfélagsmiðlum
Landssamband kúabænda hefur
sótt fram á ýmsum miðlum, t.d.
var opnaður reikningur á Twitter
undir notendanafninu @isl_kyr,
eða Íslenska kýrin. Þá hafa fram-
kvæmdastjóri og formaður LK
tekið að sér snapchat reikningana
@ungurbondi og @reyndurbondi
í þeim tilgangi að gera störf sam-
takanna sýnilegri auk þess að miðla
fræðslu um nautgriparækt á Íslandi
á nýstárlegan og aðgengilegan hátt.
Þá eru samtökin einnig með síðu á
Facebook sem m.a. er notuð til að
deila fréttaumfjöllun um allt sem
snýr að kúabúskap, starfsemi sam-
takanna og til að koma skilaboðum
á framfæri til bænda.
Ferill mjólkurvara frá haga
í maga
Að auki hefur markvisst verið unnið
að því að koma forsvarsmönnum
LK að í umræðunni þegar kemur
að mjólkurframleiðslu, starfsum-
hverfi kúabænda og eða öðru er
greininni viðkemur. Greinaskrif,
opinber viðbrögð og viðtöl vegna
ýmissa mála hafa markvisst færst
í aukana á liðnu ári og stefnan að
sögn Margrétar að halda þeirri
þróun áfram.
Greindi hún á aðalfundinum frá
því að í undirbúningi væri samfé-
lagsmiðlaherferð á vegum LK og
stefnt að því að hefja hana á næstu
vikum.
„Verkefnið gengur út á fræðslu
um starfsumhverfi kúabænda og
feril mjólkurvara úr haga í maga,“
sagði hún. Efnið verður einungis
ætlað til dreifingar á vefnum og
aðgengilegt á heimasíðu samtak-
anna. Fengist hefur vilyrði fyrir því
að nýta mjólkurfernur MS í kynn-
ingarskyni, sem hún sagði einn
besta kynningarvettvang sem færi
gæfist á. /MÞÞ
Margrét Gísladóttir framkvæmdastjóri Landssambands kúabænda sagði m.a. frá samfélagsmiðlaherferð á vegum
samtakanna sem hefst innan tíðar. Mynd / MÞÞValgerður Kristjánsdóttir Mýrum 3 var meðal aðalfundarfulltrúa LK.
Mynd / MÞÞ
Björn Þorsteinsson, rektor LbhÍ.
Mynd / HKr.
Eyjólfur Kristinn Örnólfsson tók við verðlaununum fyrir hönd fjárræktarbúsins á Hesti. Böðvar Sigvaldi Böðvars-
Mynd / HKr.
Burkni og Bekri verðlaunahrútar
sæðingastöðvanna 2017
Í tengslum við aðalfund LS fór
fram verðlaunaveiting sæðinga-
stöðvanna fyrir besta lambaföð-
ur stöðvanna framleiðsluárið
2015 til 2016 og mesta kynbóta-
hrútinn árið 2017.
Hrúturinn Burkni 13-951 frá
Mýrum 2 í Hrútafirði hlaut viður-
kenninguna sem besti lamba-
faðirinn. Í umsögn vegna viður-
kenningarinnar segir m.a. að
Burkni hafi fyrst vakið eftirtekt
fyrir framúrskarandi niðurstöður
í stórri afkvæmarannsókn. Gæði
hans voru síðan enn betur staðfest
í afkvæmarannsókn á vegum sauð-
fjársæðingastöðvanna fyrir úrvals-
hrúta úr Miðfjarðarhólfi, sem fram
fór að Þóroddsstöðum í Hrútafirði.
Í umsögn um Bekra 12-91 segir
m.a.: Bekri var valinn til notkunar
á sæðingastöðvunum að aflokinni
afkvæmarannsókn á Hesti haustið
2013.
Hann skipaði sér strax í hóp
með betri lambafeðrum stöðvanna
og síðan hefur reynsla af dætrum
verið mjög jákvæð og ýtt frekar
undir vinsældir hans. Eftir fyrstu
þrjá vetur á stöð höfðu 2.546 ær
verið sæddar við honum sam-
kvæmt skráningum í Fjárvís.is.
Haustið 2016 var hann síðan einn
af mest notuðu hrútum stöðvanna
og útsendir skammtar rétt um
2.000.
Einkennandi fyrir afkvæmin er
góður þroski og mikil holdfylling.
Afkvæmin eru yfirleitt jafnvaxin
og heilsteyptir einstaklingar, mörg
hver glæsigripir sem bjóða af sér
góðan þokka. Dæturnar, sem þegar
telja á sjötta hundrað á skýrslum,
eru bæði frjósamar og mjólkur-
lagnar. / VH
Seyðisfjörður:
Undirbúa byggingu heilsárshótels
Undirbúningur að byggingu
heilsárshótels á Seyðisfirði hefur
nú staðið yfir í um tvö ár.
Aðstandendur verkefnisins eru
eigendur Langatanga 7 og þau
Símon Ólafsson byggingaverk-
fræðingur og Anna Salska arki-
tekt. Þau eiga og reka arkitekta-
fyrirtækið Kubbafabrikkuna, sem
hefur yfirumsjón með allri hönnun.
Hugmyndin gengur út á það
að breyta Tunnuskemmunni
(Langatanga 7) ásamt viðbyggingu
í 2.300 fm hótel með 42 herbergj-
um og þremur svítum, veitinga-
stað og spa. Um þessar mundir er
unnið að því að finna fjárfesta en
því miður bíða þeir ekki í röðum
eftir að fjárfesta á landsbyggðinni,
segir í frétt um verkefnið á vefsíðu
Seyðisfjarðar. Verkefnið hefur gott
vilyrði frá lánastofnun ef fjárfestar
koma að verkefninu. Hótelið mun
skapa allt að 14 heilsársstörf og
24 hálfsársstörf þegar það verður
komið í fulla virkni.
Samhliða verkefninu hefur
Aðalheiður Borgþórsdóttir stýrt
klasa með lykilfólki í ferðaþjón-
ustu á Seyðisfirði og Egilsstöðum.
Klasinn hefur unnið að vöruþróun
á vetrarferðaþjónustu með það
að markmiði að markaðssetja
Veturinn á Austurlandi. Það er
forsendan fyrir því að hægt verði
að reka heilsárshótel af þessari
stærðargráðu á Seyðisfirði. Nú
þegar hefur ein ferðaskrifstofa
tekið vetrarpakka í sölu. Vefurinn
www.onestopshop.is er gagna-
grunnur verkefnisins, en þar má
meðal annars sjá þá vetrarpakka
sem verið er að markaðssetja um
þessar mundir. /MÞÞ