Bændablaðið - 20.09.2018, Page 14

Bændablaðið | Fimmtudagur 20. september 201814
„Já, ég er búinn að fá nokkra
laxa og silunga líka, þetta hefur
verið gott sumar, veiðin er svo
hrikalega skemmtileg alltaf,“
sagði Jógvan Hansen er við
hittum hann fyrir skömmu á
harðahlaupum, stutt í næstu
skemmtun hjá kallinum.
„Veiðin er að verða búin, svo fer
maður á rjúpu um leið og það má,“
sagði Jógvan enn fremur.
Laxveiðin er að skýrast verulega
þessa dagana, Eystri- og Ytri-
Rangá tróna á toppnum þetta árið,
síðan kemur Þverá í Borgarfirði.
„Já, veiðin gekk feiknavel hjá
okkur í sumar,“ sagði Aðalsteinn
Pétursson, en hann hefur verið
að leiðsegja við ána stóran hluta
sumars. Síðan koma Miðfjarðará
og Norðurá í Borgarfirði.
Laxinn kom snemma eins
og fyrir ári síðan, en smálaxinn
klikkaði fyrir norðan. Svona er
þetta bara, allt getur gerst, en
heildarveiðin yfir landið er í lagi
á flestum stöðum. Veitt er fram í
október í Ytri- og Eystri-Rangá og
sjóbirtingurinn er að byrja á fullu.
Stangveiðifélag Akureyrar (SVAK)
hefur um árabil haft nokkrar
silungsveiðiár á sínum snærum,
ýmist á leigu eða í umboðssölu.
Þessi veiðisvæði eru Hörgá,
Ólafsfjarðará, Svarfaðardalsá og
Hraunssvæðin í Laxá í Aðaldal.
Við heyrðum aðeins í Guðrúnu
Unu Jónsdóttur fyrir skömmu.
„Sala veiðileyfa hefur gengið vel
í ár, bæði í forsölu til félagsmanna
og í almennri sölu. Leyfin eru seld
á söluvef Veiðitorgs sem hentar
félaginu vel. Greinilegt er að
menn eru farnir að sækja meira
í silungsveiðileyfi en áður enda
verðlagning á laxveiðileyfum há.
Veiðina skrá veiðimenn í rafræna
veiðibók á vef Veiðitorgs og SVAK,
sem er gott fyrirkomulag sem gefur
góðar upplýsingar.
Bleikjuveiðin undanfarin ár hefur
dalað hér norðan heiða eins og víðar.
Hörgáin tók þó nokkurt stökk upp
á við í fyrra með yfir 700 skráðum
bleikjum. Það er þó bara svipur hjá
sjón miðað við veiðitölur sem sáust
fyrir nokkrum árum en þá fóru þær
yfir þúsund. Hverju um er að kenna
er ekki gott að segja en mér þykir
þó líklegt að ofveiði og breytingar á
loftslagi og sjávarhita hafi þar áhrif.
Ég tel að við þurfum öflugri
friðun á aðal hrygningarsvæðum
bleikjunnar, eins og gert hefur verið
í Eyjafjarðará í nokkur ár, en hún
hrundi algjörlega fyrir nokkrum
árum en virðist vera að rétta úr
kútnum sem er sannarlega gleðilegt.
Þetta er undir veiðifélögum og
veiðiréttarhöfum komið en það
stendur ekki á okkur í SVAK að skoða
einhvers konar friðunaraðgerðir á
hrygningarsvæðum og setja kvóta
á veiðina. Vonandi fara menn ekki
í bleikjuveiði í dag til að fylla
frystikistuna eins og áður tíðkaðist.
Allt í lagi að taka nokkrar í soðið
en stórbleikjan á alltaf að fá líf.
Við þurfum að ganga varlega um
náttúruna og bleikjuveiðin er þar
ekki undanskilin.
Silungsveiðin hjá okkur í ár er
ekkert til að hrópa húrra fyrir ef rýnt
er í rafrænu veiðibókina okkar en
vonandi eiga menn eftir að færa inn
aflatölur og svo er sumarið auðvitað
ekki búið þó svo haustið sé verulega
farið að minna á sig með hvítum
fjallstoppum.
Sjálf er ég búin að heimsækja
árnar okkar í sumar með misjöfnum
árangri. Stundum fær maður bingó
meðan aðrir dagar gefa minna
en það er það skemmtilega við
bleikjuna, hún getur verið í brjáluðu
tökustuði eða gefið manni langt nef.
Ég fór nýlega í Hörgá svæði 4 b, sem
er efsta svæðið í Hörgárdalnum, og
hitti á vinkonu mína í tökustuði, 13
tökur á stuttum tíma og 11 bleikjum
landað. Flestum var sleppt en tók
þó 3 með mér heim í soðið. Frábær
dagur í gullfallegu umhverfi og
yndislegu veðri. Það er lífið,“ segir
Guðrún Una í lokin.
Þegar keyrt var inn Eyjafjörðinn
fyrir skömmu voru veiðimenn að
reyna víða í Eyjafjarðaránni. En
veiðin í henni hefur verið góð í
sumar og veiðimaður var að landa
fallegri bleikju inn á á svæði 4. Það
var tignarleg sjón.
Miðhraun 2 210 Garðabær Sími 587 1300 kapp@kapp.is www.kapp.is
ALHLIÐA
VÉLAVERKSTÆÐI
Hafðu samband í síma 587 1300
og við sérsníðum lausn sem hentar þér!
HLUNNINDI&VEIÐI
Gunnar Bender
gunnarbender@gmail.com
Fátt betra en frábær dagur
í gullfallegu umhverfi
Gaman að veiða
maríulaxinn
„Það var gaman að veiða maríu-
laxinn, fiskurinn tók vel í og ég
var smástund að landa honum,“
sagði Einar Geir Ingólfsson, en
hann veiddi maríulaxinn sinn úti
á Mýrum fyrir nokkrum dögum
á maðkinn. Næst ætlaði hann að
reyna að fá lax á flugu.
Það hafa nokkrir veitt maríu-
laxinn sinn í sumar, veiði mönnum
á öllum aldri fjölgar, fyrsti silung-
urinn og laxinn er það sem skiptir
máli fyrir alla veiðimenn. Að fá að
renna fyrir fisk og veiða eitthvað,
það skiptir öllu.
„Mér finnst veiði svakalega
skemmtileg,“ sagði Einar Geir og beit
í veiðiuggann á fisknum. „Ég ætla að
borða fiskinn þegar ég kem heim.“
Einar Geir kastaði flugunni
fimlega fyrir laxana, sem ekki
vildu taka, hann hnýtti flugur á
námskeiði í skólanum í fyrra og
fór á flugukastsnámskeið. Hann
er allavega með verulegan áhuga
á veiði, það fer ekki á milli mála.
Styttist í enda
veiðitímabilsins
Mynd / María Gunnarsdóttir
Mynd / María Gunnarsdóttir
Margir að veiða við Pollinn á Akureyri
„Já, ég er með mikinn áhuga á veiði,
var í Skjálfandafljóti um daginn
og er búinn að veiða nokkra laxa,
veiði er svo skemmtileg,“ sagði
Gísli Þórðarsson er við hittum
hann við Pollinn á Akureyri.
Gísli var þar að veiða ásamt fleiri
ungum veiðimönnum sem voru að
renna fyrir fisk en fiskurinn var
frekar tregur.
„Bleikjan er horfin í bili en var
hérna í vor og þá veiddist vel af
henni. Við reynum að veiða eins
mikið og við getum hérna, þetta er
svo gaman, en það er betra að fá
eitthvað,“ sagði Gísli.
Fiskurinn sem veiddist var
notaður í beitu til að reyna að
fá fiskinn til að taka. Þeir héldu
áfram að reyna. Við héldum áfram
inn Eyjafjörðinn. Svona er bara
veiðidagurinn við Pollinn.