Bændablaðið - 31.01.2019, Blaðsíða 1
2. tölublað 2019 ▯ Fimmtudagur 31. janúar ▯ Blað nr. 531▯ 25. árg. ▯ Upplag 32.000 ▯ Vefur: bbl.is
Heildarorkukostnaður heimila mjög misjafn eftir staðsetningu á landinu:
Dreifbýlisbúar greiða ríflega tvöfalt meira
fyrir orkuna en íbúar höfuðborgarsvæðis
– Notkun á varmadælum gæti lækkað húshitunarkostnað með rafmagni að jafnaði um 50% samkvæmt skýrslu Byggðastofnunar
Heildarorkukostnaður á raforku
og húshitun heimila er líkt og
undanfarin ár hæstur í dreifbýli
á orkuveitusvæði Orkubús Vest
fjarða (OV), verð frá RARIK
fylgir þar fast á eftir. Er heildar
orkukostnaðurinn ríflega
tvöfalt hærri á Vestfjörðum, eða
rúmlega 227% miðað við það
sem höfuðborgarbúar þurfa að
greiða.
Þetta kemur fram í skýrslu
Byggðastofnunar sem kom út á
bóndadaginn 25. janúar síðastliðinn.
Þar er gerður samanburður á
orkukostnaði heimila á Íslandi
2018 og er miðað við útreikninga
sem Orkustofnun gerði fyrir
Byggðastofnun á raforku- og
húshitunarkostnaði yfir heilt ár.
Miðað er við sams konar fasteign
á nokkum stöðum bæði í þéttbýli
og dreifbýli. Viðmiðunareignin er
einbýlishús, 140 m2 að grunnfleti
og 350 m3. Þá er miðað við 4.500
kWst í almennri rafmagnsnotkun
og 28.400 kílówattstundir (kWst)
við húshitun.
Við útreikninga þessa er almenn
rafmagnsnotkun og fastagjald
tekið saman annars vegar og
hitunarkostnaður hins vegar.
Gjöldin eru reiknuð út samkvæmt
gjaldskrá þann 1. september 2018 en
til samanburðar eru gjöld frá sama
tíma árin 2017 og 2016. Árlegir
útreikningar Orkustofnunar eru nú
til frá árinu 2013.
Lægsta mögulega verðið er hæst
hjá Orkubúi Vestfjarða
Þegar skoðaður er heildar-
orkukostnaður miðað við lægsta
mögulega verð frá öllum veitum
2018 eru íbúar í dreifbýli á
veitusvæði Orkubús Vestfjarða að
borga mest. Er þá miðað við íbúa
sem ekki njóta hitaveitu.
Notendur í dreifbýli á veitusvæði
RARIK án hitaveitu og hjá Veitum
ohf. voru í svipaðri stöðu á síðasta
ári og viðskiptavinir OV.
Hafa ber í huga að þarna er verið
að miða við lægstu verðtaxta svo
kostnaður heimila getur í sumum
tilfellum verið mun hærri. Þannig
er heildarorkukostnaður í dreifbýli
þegar miðað er við algengasta
verð nokkru hærri hjá RARIK en
Orkubúi Vestfjarða. eða 324.967
krónur á móti 315.550 krónum.
Lægst á Seltjarnarnesi
Ef horft er til lægsta mögulega
verðs heildarorkukostnaðar þá er
hann, líkt og undanfarin ár, hæstur í
dreifbýli á orkuveitusvæði Orkubús
Vestfjarða nú kr. 315.179, eða
1,5% hærri en árið 2017. Miðað
við þá staði sem nú er horft til er
heildarorkukostnaðurinn lægstur
á Seltjarnarnesi, kr. 138.557.
Munurinn er 176.622 krónur og
þurfa Vestfirðingar því að greiða
rúmlega 227% hærra orkuverð en
Seltirningar.
Notkun varmadælu bætir stöðuna
Með notkun varmadæla myndi
húshitunarkostnaður, þar sem nú
er bein rafhitun, lækka að jafnaði
um 50%. Þeir sem eru með beina
rafhitun í sínu íbúðarhúsnæði
geta sótt um eingreiðslu (styrk)
til Orkustofnunar til að setja upp
varmadælu. /HKr./MÞÞ
– Sjá nánar á bls 2
Vaðfuglar
víkja fyrir
spörfuglum
22
Mörg spennandi
verkefni fram undan
24
Markviss stefnumótun
og aukin skilvirkni
28–29
Íslendingar eru í þeirri öfundsverðu stöðu að búa í landi þar sem gnægð orku er að finna frá náttúrunnar hendi, eins og sjá má á þessari mynd sem tekin var á Reykjanesi sl. sunnudag. Þeim
gæðum er þó æði misskipt eftir landshlutum. Eftir að skilið var á milli framleiðslu og flutnings á raforku hefur verðlagningin í auknum mæli færst yfir á flutning sem bitnar harðast á dreifðum
byggðum. Það var gert 2005 þegar innleidd var tilskipun Evrópusambandsins frá 1996 um aðskilnað framleiðslu og flutnings á rafmagni. Þá skiptir engu þótt þær dreifðu byggðir standi oft
mun nær orkuverunum sjálfum en mesta þéttbýlið á höfuðborgarsvæðinu, þar sem orka til heimila er langódýrust. Varðandi hátt orkuverð standa dreifðar byggðir á Vestfjörðum, Norðurlandi
og Austurlandi verst að vígi samkvæmt gögnum Byggðastofnunar. Mynd / HKr.