Bændablaðið - 31.01.2019, Blaðsíða 13

Bændablaðið | Fimmtudagur 31. janúar 2019 13
Bæjarráð Akureyrar:
Styður veggjöld
Eitt af raðhúsunum sem er í byggingu á Hellu. Mynd / MHH
Verið að byggja 30
íbúðir á Hellu
Mikill uppgangur er á Hellu um
þessar mundir því þar eru um 30
íbúðir í byggingu, auk þess sem
búið er að úthluta lóðum undir
margar íbúðir í viðbót.
Einnig er verið að byggja
töluvert í sveitunum í kringum
Hellu sem tilheyrir Rangárþingi
ytra. Stór hluti þessara íbúða á
Hellu er í raðhúsum og af þeirri
gerð sem mest vöntun hefur verið á,
þ.e. minni og hagkvæmari einingar.
Sveitarfélagið er að fjárfesta í
sex nýjum íbúðum í jafnmörgum
raðhúsum og eru þær allar komnar
af stað. Reiknað er með að fyrstu
íbúðirnar verði afhentar fyrir
páska,“ segir Ágúst Sigurðsson
sveitarstjóri m.a. í pistli á heimasíðu
sveitarfélagsins. /MHH
Millimál í fernu
Næring+ er vítamín- og steinefnabættur.
Næring+ hentar einnig þeim sem vilja
handhægt orku- og próteinríkt millimál.
Næring+ er orku- og próteinríkur næringar-
drykkur sem hentar vel þeim sem þurfa að
þyngjast eða sporna við þyngdartapi.
VÍTAMÍN
& STEINEFNI
PRÓTEIN GLÚTENS LAKTÓSAORKA
ÁN ÁN
Umferð um Hringveg jókst um tæplega 5% milli ára:
Minni aukning milli ára en undanfarin ár
Mun minni aukning var í umferð
um Hringveginn á liðnu ári, 2018,
frá fyrra ári heldur en árin þar á
undan. Fara þarf aftur til ársins
2013 til að finna minni aukningu
á milli ára.
Vegagerðin hefur tekið saman
tölur um umferð á Hringvegi á
síðastliðnu ári, en aukningin nemur
4,6% frá árinu á undan, 2017.
Umferðin í desembermánuði jókst
um 3,4% miðað við sama mánuð
árið 2017. Er þá ljóst að umferð
hefur aukist í öllum mánuðum
ársins fyrir utan febrúar, en þann
mánuð var samdráttur upp á 2,6%.
Mest jókst umferðin um Vesturland,
eða um 6,4%, en minnst varð
aukningin um Norðurland, eða um
1,3%. Mögulega hefur niðurfelling
gjaldskyldu í Hvalfjarðargöngum
orðið til þess að umferðin hafi aukist
þetta mikið á Vesturlandi, umfram
aðra landshluta, en næstmest jókst
umferðin um Suðurland, um 5,1%.
Alls eru 16 lykilteljarar á
Hringvegi sem tölurnar byggjast á.
Í heild jókst umferð frá árinu 2017
til 2018 um tæp 5%. Heildaraukning
umferðar yfir árið er talsvert minni
en árin á undan.
Þó að heildaraukning yfir árið sé
talsverð þarf að fara aftur til ársins
2013 til að finna minni aukningu á
milli ára. /MÞÞ
Bæjarráð Akureyrar hefur lýst
yfir stuðningi við að kannaðar
verði og útfærðar leiðir til
að nýta veggjöld sem lið í að
hraða uppbyggingu vegakerfis í
landinu, stytta vegalengdir, auka
umferðaröryggi og fækka slysum.
Veggjöld voru til umræðu á fundi
bæjarráðs nýverið í tengslum við
samgönguáætlanir til næstu ára.
Í bókun frá fundi bæjarráðs
Akureyrar kemur fram að umhverfis-
og samgöngunefnd Alþingis er hvött
til útfæra þær hugmyndir sem fram
koma á minnisblaði nefndarinnar frá
því í desember og taka þá sérstaklega
tillit til jafnræðis á öllum sviðum,
ekki síst milli byggða landsins.
Bæjarráð Akureyrar telur að
stytting leiða milli Norður- og
Austurlands annars vegar og
Norðurlands og suðvesturhornsins
hins vegar séu tilvalin verkefni til
að nýta veggjöld til fjármögnunar
á löngu tímabærum úrbótum.
Bæjarráð fagnar því enn fremur
að gera eigi langtímaáætlun um
jarðgöng á Íslandi og telur veggjöld
við nýframkvæmdir þeirra tilvalda
leið til útfærslu. /MÞÞ
Fjarðabyggð:
Lokun mótmælt
Bæjarstjórn Fjarðabyggðar
hefur harðlega mótmælt þeirri
ákvörðun Húsasmiðjunnar að
loka verslun sinni á Reyðarfirði.
„Það skýtur skökku við að
fyrirtæki eins og Húsasmiðjan
sjái sér ekki fært að reka verslun
í sveitarfélagi eins og Fjarðabyggð
þar sem langstærsti hluti veltu
fyrirtækja á Austurlandi verður til,“
segir í bókun bæjarstjórnar.
Einnig segir að það séu sérstök
vonbrigði að versluninni verði
lokað í ljósi fundar sem haldinn
var í lok sumars með stjórnendum
Húsasmiðjunnar þar sem fram kom
að ekki stæði til að loka versluninni
á Reyðarfirði heldur reyna að sækja
frekar fram í rekstri hennar.
„Sú mikla þjónustuskerðing sem
nú fer fram, í boði stórfyrirtækja á
landsvísu, og virðist helst beinast að
landsbyggðinni er með öllu ólíðandi
og hvetur bæjarstjórn Fjarðabyggðar
stofnanir sveitarfélagsins og íbúa
alla að beina viðskiptum sínum til
fyrirtækja sem hér starfrækja þjónustu
í sveitarfélaginu,“ segir í bókun
bæjarstjórnar Fjarðabyggðar. /MÞÞ