Bændablaðið - 31.01.2019, Blaðsíða 8

Bændablaðið | Fimmtudagur 31. janúar 20198
FRÉTTIR
Bændasamtök Íslands boða hér með til atkvæðagreiðslu meðal
mjólkurframleiðenda á grundvelli gildandi samnings frá 2016
um starfsskilyrði nautgriparæktar milli ríkisstjórnar Íslands og
Bændasamtaka Íslands um hvort að kvótakerfi í mjólkurframleiðslu
skuli afnumið eða ekki frá og með 1. janúar 2021.
Kosningarétt hafa allir mjólkurframleiðendur án tillits til félagsaðildar. Hver
innleggjandi hefur eitt atkvæði. Kosningarétt hafa jafnt lögaðilar og einstaklingar.
Atkvæðagreiðslan mun fara fram með rafrænum hætti og verður aðgengileg
á vef Bændasamtakanna www.bondi.is.
Atkvæðagreiðslan stendur yfir frá klukkan 12.00 á hádegi þann 11.
febrúar 2019 til klukkan 12.00 á hádegi þann 18. febrúar 2019.
Hægt verður að kanna aðild að kjörskrá í gegnum rafrænan aðgang frá og
með 4. febrúar. Allar nánari upplýsingar um framkvæmd kosninganna er að finna
á heimasíðu Bændasamtakanna, www.bondi.is.
Í kjörstjórn sitja Elías Blöndal Guðjónsson formaður, Guðbjörg Jónsdóttir og
Guðrún Vaka Steingrímsdóttir. Netfang kjörstjórnar er kjorstjorn@bondi.is.
Kjörstjórn
Atkvæðagreiðsla meðal
mjólkurframleiðenda
– fer fram dagana 11. til 18. febrúar
Skinn á uppboði Kopenhagen Fur sem lauk um helgina. Mynd / Einar E. Einarssonar
Skinnauppboð Kopenhagen Fur í Danmörku:
Fáir kaupendur en uppboðshaldarar
bjartsýnir og líkur á hækkandi verði
Fyrsta skinnauppboð Kopenhagen
Fur á þessu ári lauk um
síðustu helgi. Sala á skinnum
á uppboðinu var lítil, að sögn
formanns Sambands íslenskra
loðdýrabænda. Kaupendur á
uppboðinu voru fáir og verð undir
kostnaðarverði. Þrátt fyrir það
eru uppboðshaldarar bjartsýnir
og segja líklegt að verð hækki á
árinu.
Einar E. Einarsson, formaður
Sambands íslenskra loðdýrabænda
og bóndi að Syðra-Skörðugili, segir
að kaupendur á uppboðinu hafi verið
innan við 200 og að verðið sem þeir
buðu lágt og undir framleiðsluverði
skinnanna.
„Söluprósentan á uppboðinu
var mjög lítil, eða um 30% þegar
á heildina er litið, og mest af því
sem seldist voru lakari skinn.
Það var hins vegar fremur lítið af
íslenskum skinnum á uppboðinu
núna enda alltaf snúið fyrir okkur
að ná skinnum inn fyrir skilafrest á
fyrsta uppboði ársins ásamt því að
engin sérstök bjartsýni var í gangi
fyrir uppboðið og því voru bændur
heldur ekki að strekkja við að ná
skinnum inn á þetta uppboð.“
Birgðir að klárast
Einar segir að það hafi komið
sér á óvart á fundum með
uppboðshöldurum hvað þeir eru
bjartsýnir á að verðið muni hækka á
þessu ári og verði orðið ásættanlegt
í lok árs. „Að þeirra sögn er notkun
á skinnum vaxandi víða um heim
og nefndu þeir Asíulönd, eins og
Kína, Japan og Kóreu, en einnig að
það væri vaxandi notkun í Evrópu
og vestan hafs sem verður að teljast
jákvætt.
Birgðir af skinnum og
unnum skinnavörum, sem
söfnuðust upp á árunum
2011 til 2014 þegar
heimsframleiðslan fór úr
50 milljónum skinna í
rúmlega 80 milljónir, eru
að þurrkast upp. Samhliða
er að draga mikið úr
framleiðslunni en árið 2020
er ekki gert ráð fyrir nema
25 til 30 milljónum skinna
í uppboðshúsin en það
voru tæplega 50 milljónir
sem fóru þar í gegn þegar
mest var.
Framleiðslan í öllum
löndum hefur dregist hratt
saman. Í Danmörku er
talað um allt að 30 til 35%
fækkun á ásettum læðum
og fækkunin annars staðar
er svipuð eða meiri. Talið
er að framleiðslan í Kína sé komin
vel niður fyrir 10 milljónir skinna,
sem er yfir 60% samdráttur frá því
framleiðslan þar var mest.“
Kína stærsti markaðurinn
Að sögn Einars er Kína, sem er
stærsti markaðurinn, að taka við
sér. „Notkun á skinnum er mikil og
svo er gríðarlega mikil framleiðsla
á vörum sem búin eru til úr skinni
unnin þar og seld sem unnin vara
um allan heim. Okkur var einnig
sagt að eitt af því sem nú hefði áhrif
á söluna væri að framleiðendur
á skinnavörum hefðu seinkað
gangsetningu framleiðslunnar
lengra inn á árið 2019 og ætla þeir
ekki að byrja að sauma fyrr en um
mitt árið sem svo þýðir að þeir þurfa
ekki skinn fyrr en sá tími nálgast og
það hefur áhrif á kaupáhugann núna.
Áramótin í Kína eru núna í byrjun
febrúar og sala á skinnavörum í tilefni
þeirra alltaf mikil eins og á ýmsum
öðrum dýrum hlutum og því mun
salan þar einnig hafa áhrif á hversu
hratt markaðurinn réttir úr sér.“
Staðan á Íslandi
Einar segir að þrátt fyrir að
ástandið sé ekki gott vilji hann vera
bjartsýnn á framtíðina. „Það hættu
því miður nokkrir minkabændur hér
á landi framleiðslu á síðasta ári og
framleiðsla á skinnum hefur dregist
saman. Á síðasta ári voru paraðar
29 þúsund læður á landinu en í dag
eru 17.500 læður í eldi. Þetta er
umtalsverð fækkun sem er slæmt
fyrir fámennið hér en við verðum
að trúa því að það muni snúast við
þegar viðspyrna fæst við botninn og
ég vona svo sannarlega að það sé
að gerast núna,“ segir Einar.
Að sögn Einars hefur verið
opnað á möguleika á láni til
loðdýrabænda frá Byggðastofnun
til að koma þeim yfir erfiðasta
hjallann á meðan beðið er eftir að
markaðurinn jafni sig og að verð
hækki. „Og vonandi kemur það
einnig til með að hjálpa einhverjum
en reksturinn er rosalega þungur.“
Skilaverð langt undir
kostnaðarverði
„Verð á skinnum á markaði
undanfarið hefur verið langt undir
kostnaðarverði og skilaverð til
bænda á Íslandi um 60% af því sem
kostar að framleiða skinnið. Eins
og gefur að skilja er ekki hægt að
reka bú lengi á slíku tapi og flestir
gera það á þrjóskunni og með því
að greiða með rekstrinum.“ Einar
segir að hér á landi sé ekki
neinn teljandi lager af
skinnum og örfáir bændur
hafi látið geyma fyrir sig
skinn í frysti milli uppboða
í Danmörku.
Minna framboð
á næsta ári
„Það sem er jákvætt í
mínum huga eftir uppboðið
er að forsvarsmenn
uppboðshússins vilja
virkilega meina að notkun
á skinnum sé vaxandi og
jafnframt hafa þeir mikla trú
á að markaðurinn muni jafna
sig á árinu og sannfærðir um
að skinnaverð muni hækka
í ár og síðan enn þá meira á
því næsta,“ sagði Einar að
lokum. /VH
Einar E. Einarsson er formaður
Sambands íslenskra loðdýrabænda
og bóndi að Syðra-Skörðugili í
Landssamtök sauðfjárbænda og
Bændasamtök Íslands standa fyrir
opnum kynningarfundum um
endurskoðun á sauðfjársamning
dagana 5.–6. febrúar.
Á fundina mæta Oddný Steina
Valsdóttir, formaður LS, Einar
Ófeigur Björnsson, stjórnarmaður í
BÍ, og Unnsteinn Snorri Snorrason,
framkvæmdastjóri LS, og fara yfir
helstu atriði endurskoðunarinnar.
Fundaplan
Þriðjudaginn 5. febrúar
Félagsheimilið Árblik, Miðdölum,
kl. 13.00.
Félagsheimilið Heimaland,
V-Eyjafjöllum, kl. 20.30.
Miðvikudaginn 6. febrúar
Félagsheimilið Holti á Mýrum, kl.
13.00.
Hótel Valaskjálf, Egilsstöðum, kl.
20.30.
Fimmtudaginn 7. febrúar
Félagsheimilið Ljósvetningabúð,
Kinn, kl. 13.00.
Félagsheimilið Blönduósi, kl. 20.30.
Kynningarfundir um endur-
skoðaðan sauðfjársamning
Mynd / Áskell Þórisson
Síðan árið 2013 hafa
Bændasamtökin í samvinnu
við búnaðarsambönd rekið
vinnuverndarverkefnið „Búum
vel“. Mest áhersla hefur verið lögð á
heimsóknir til bænda þar sem farið
er yfir öryggis- og umhverfismál
á bæjunum. Hluti af verkefninu
er að stuðla að heilsueflingu á
meðal bænda en þriðjudaginn
19. febrúar næstkomandi
verður fræðslufundur haldinn í
Ásbyrgi á Laugarbakka í Vestur-
Húnavatnssýslu.
Heimsóknir til bænda
Guðmundur Hallgrímsson á
Hvanneyri hefur borið hitann og
þungann af heimsóknunum en í þeim
er farið yfir öryggi í sambandi við
vélar, rafmagn og aðstöðu innanhúss
í útihúsum.
„Við höfum meðal annars skoðað
ljós, mótora, lagnir og tengingar með
hitamyndavél. Bóndinn er hvattur
til að hafa samband við rafvirkja ef
eitthvað er að og koma hlutunum
í lag áður en skaði hlýst af,“ segir
Guðmundur. Þegar vélar eru annars
vegar þarf sérstaklega að huga að
drifsköftum og drifskaftshlífum.
„Drifsköft eru stórhættuleg ef
öryggishlífar eru ekki í lagi og þyrftu
bændur að hafa viðhald á þeim í
forgangi,“ segir Guðmundur.
Umhverfið er líka metið en
þar er ástandið nokkuð misjafnt.
„Oft eru ýmis atriði áberandi sem
heimilisfólkið er hætt að sjá,“ segir
Guðmundur.
Heilsan er dýrmæt
Töluverður áhugi er á heilsufarsþætti
verkefnisins. Einn bændafundur
var haldinn í fyrra í Breiðumýri
í Reykjadal undir yfirskriftinni
„Heilsa og vellíðan“ á vegum
BÍ, Búnaðarsambands Suður-
Þingeyinga og kvenfélaganna á
svæðinu.
„Milli 80 og 90 manns mættu á
fundinn og hlýddu á fyrirlestra frá
Unnsteini Júlíussyni lækni á Húsavík
og Hjalta Jónssyni sálfræðingi frá
Akureyri. Eftir fyrirlestrana komu
fram ýmsar spurningar og urðu
talsverðar umræður. Nú stendur til að
halda fund með Búnaðarsambandi
Húnaþings og Stranda. Miðað er við
að hann verði haldinn í Ásbyrgi á
Laugarbakka þriðjudaginn 19.
febrúar ef allt gengur upp,“ segir
Guðmundur og ítrekar að fundurinn
verði auglýstur betur þegar nær
dregur. /TB
Vinnuverndarverkefnið „Búum vel“:
Öryggi, heilsa og umhverfi
eru í brennidepli
Guðmundur Hallgrímsson. Mynd / HKr.
Úr uppboðshúsi Kopenhagen Fur. Mynd / HKr.