Bændablaðið - 31.01.2019, Side 33
Bændablaðið | Fimmtudagur 31. janúar 2019 33
100% PALLBÍLL. 100% KRAFTUR.
V6 3.0L TDI
www.volkswagen.is HEKLA · Laugavegi 170-174 · Reykjavík · sími 590 5000 · hekla.is · umboðsmenn um land allt:
Höldur Akureyri · Bílasala Selfoss · Bílás Akranesi · HEKLA Reykjanesbæ
Volkswagen Amarok.
Glæsilegur pallbíll með 3.0 lítra, 258
Hann er með fullkomnu 4Motion
Búnaður Amarok er einstaklega
ríkulegur en Amarok sameinar kosti
lúxusjeppa og pallbíls.
VW Amarok Highline Plus V6 3.0 TDI AT
Vetrarwerð 8.650.000 án vsk. 6.975.000
Aukabúnaður að verðmæti 460.000 kr fylgir:• Leður/Alcantara sætisáklæði
•
• Dráttarkrókur
LAUS RÝMI
TIL LEIGU Í MIÐJU Á HELLU!
Frábært tækifæri fyrir einyrkja og/eða lítil fyrirtæki
til þess að koma sér fyrir á besta stað á Suðurlandi!
Miðja er verslunar- og þjónustukjarni á Hellu þar
sem í dag eru um 20 fyrirtæki af ýmsum toga.
Á Hellu er mikil uppbygging og eru um
30 íbúðir í byggingu þessa dagana.
Allar nánari upplýsingar fást hjá Heimi Hafsteinssyni
í síma 780 8833 eða á netfanginu heimir@ry.is.
LAUS RÝMI:
Skrifstofa á 3. hæð 16,5 m2
Skrifstofa á 3. hæð 10,7 m2
Rými á 3. hæð 14,5 m2
Skrifstofa á 2. hæð 20,9 m2
Rými á neðstu hæð 119 m2
Rýmin eru laus strax.
Skortir ríkisvaldið heildarsýn
í landbúnaðarmálum?
„Mér hefur oft fundist að það
sé lítil eða engin heildarsýn frá
hendi ríkisins á hvaða vegferð það
er eða hvers vegna það vill styðja
við landbúnaðinn. Er greinin látin
einhvern veginn velkjast um frá
einum skerinu til annars,“ sagði
Elvar Eyvindsson varaþingmaður
í óundirbúnum fyrirspurnatíma á
Alþingi, þriðjudaginn 22. janúar.
Hann beindi fyrirspurn
sinni til Katrínar Jakobsdóttur
forsætisráðherra og spurði hvort
hún gæti tekið undir það með sér
að heildarsýn vanti. „Er hún tilbúin
til að vinna að því að búa hana til og
veita svo þá pólitísku forystu sem
þarf til að draga þennan marghöfða
þurs ríkisvaldsins að settu marki?“
spurði Elvar.
Hann benti á máli sínu til
stuðnings ákvarðanir stjórnvalda
að leyfa stóraukinn innflutning á
búvörum með tilheyrandi ógn við
lýðheilsu og búfjárheilsu. „Án
mikils fyrirvara og án þess að menn
virðist hafa af því miklar áhyggjur,
hvað þá tilburði til að aðhafast
eitthvað, er opnað fyrir stóraukinn
innflutning t.d. á kjöti frá löndum
þar sem við vitum að aðhald og
varúð er ekki viðhöfð í sama mæli
og hér,“ sagði Elvar.
Verðmæti matvælaframleiðslu
mun aukast
Katrín sagðist fagna fyrirspurn
Elvars og sagði Ísland eiga gríðarleg
verðmæti í þeirri matvælaframleiðslu
sem hér væri stunduð, hvort sem er í
landbúnaði eða sjávarútvegi. „Ég tel
að þau verðmæti eigi eftir að aukast
enn meir. Af hverju segi ég það? Ég
held að loftslagssjónarmið spili þar
inn í. Við eigum að velta fyrir okkur
hvert er kolefnisspor matvælanna
sem við flytjum inn í landið og
hvernig við getum stuðlað að því
að við neytum fremur matvæla með
minna kolefnisspor en meira. Þetta
tengist auðvitað því sem hæstvirtur
þingmaður nefndi um innflutning á
matvælum.“
Horfum á matvælaframleiðslu út
frá lýðheilsusjónarmiðum
Katrín sagði að það ætti líka að
horfa á matvælaframleiðslu út frá
sjónarmiðum lýðheilsu. „Við vitum
að stóru áhætturnar fram undan
þegar kemur að heilbrigðismálum
snúast einmitt um lýðheilsu,
lífsstílssjúkdóma, og hvað við
erum að borða og hvernig við erum
að haga okkur. Þar eigum við líka
gríðarleg verðmæti sem við getum
aukið enn frekar með því að efla
innlenda matvælaframleiðslu.“
Nýsköpun og menntun í
matvælaframleiðslu er mikilvæg
Hún sagðist vilja horfa á
matvælastefnu fyrir Ísland, sem
sjávarútvegs- og land búnaðarráðherra
vinnur nú að. Katrín nefndi líka
að horfa ætti til nýsköpunar í
matvælaframleiðslu og gera aukin
verðmæti úr frumafurðunum sem
við fáum úr innlendum landbúnaði
og innlendum sjávarútvegi og nýta
þá miklu þekkingu sem við eigum
í nýsköpun og rannsóknum til að
skapa aukin verðmæti. „Ég vil líka
sjá aukna menntun á sviði matvæla
því að ég held að við eigum alveg
óteljandi tækifæri þegar kemur að því
að byggja upp matvælaframleiðslu
á Íslandi og fagna öllum þeim
stuðningi sem við fáum við að vinna
að því verkefni.“
Eins og í ævintýrinu um Lísu í
Undralandi
Elvar kom upp í pontu öðru sinni og
lagði enn frekari áherslu á mikilvægi
heildarsýnar og að stjórnvöld vissu
hvert þau ætluðu og ættu að vinna
samkvæmt því. „Mér finnst þetta
stundum vera eins og hjá Lísu í
Undralandi sem stóð á krossgötum
og spurði hvert hún ætti að fara og
vissi það ekki sjálf og þar með var
alveg sama hvert hún fór. Hættan er
sú að við endum bara einhvers staðar.
Það er ekki góður endir.“
Forsætisráðherra var fljót til
svara. „Ég er nú bara heilluð af
þessari síðustu líkingu og vona að
ég sé ekki hjartadrottningin eða
spaðadrottningin eða hvað það var
sem hálshjó allar aðrar persónur í
Lísu í Undralandi, sem var ein af
mínum eftirlætissögum sem barn.“
Opinber innkaup og minni
matarsóun
Að því sögðu ítrekaði Katrín að
verið væri að undirbúa stefnumótun
í innlendri matvælaframleiðslu. Hún
sagði mikilvægt að huga að fleiru en
framleiðslunni. „Við þurfum til að
mynda að huga að því hve hátt hlutfall
þess sem við neytum er innlend
matvæli. Ég vil líka nefna stefnu í
opinberum innkaupum sem ætlað er
að draga úr kolefnisfótspori vegna
matvælaneyslu hjá hinu opinbera.
Ég vil líka nefna matarsóun. Ég
heimsótti ferðaþjónustufyrirtæki á
Suðurlandi í síðustu viku. Þau hafa
dregið úr matarsóun í sínum rekstri
um 57% fyrir hvern gest. Þetta er
það sem mér finnst frábært, að
sjá einkaaðila stíga fram og taka
forystuna með svona stefnu. Þetta
sýnir mér hvað við eigum mikil
tækifæri. Ég nefndi bara nokkra
málaflokka hér áðan sem ég taldi
að ættu að koma að þessu verkefni
en þetta tengist líka atvinnugreinum
á borð við ferðaþjónustu og tengist
byggðamálunum eins og hæstvirtur
þingmaður nefndi. Ég held að þetta
eigi að vera verkefni okkar á
næstunni, ekki síst út af stöðunni
í loftslagsmálum,“ sagði Katrín
Jakobsdóttir að lokum. /TB
Katrín Jakobsdóttir forsætisráðherra.
Elvar Eyvindsson, varaþingmaður.
Myndir / Alþingi