Bændablaðið - 19.03.2020, Blaðsíða 12

Bændablaðið | Fimmtudagur 19. mars 202012
„Auðvitað þyrstir mann í vorið
eftir langan og ofboðslega þreyt-
andi vetur, en er samt temmilega
spenntur fyrir því sem þá vænt-
anlega kemur í ljós,“ segir Agnar
Þór Magnússon, bóndi og hrossa-
ræktandi á Garðhorni á Þelamörk
í Hörgársveit.
Snjómokstur heimreiða hefur
verið óvenju mikill og kostnaðar­
samur nú í vetur, eða frá því óveðrið
gekk yfir landið í desember. Þá
gerir hann ráð fyrir að girðingar
verði meira og minna ónýtar þegar
þær koma undan snjó og eins óttist
menn mjög hvernig tún komi undan
vetri.
Heimreið að Garðshorni er
nokkuð löng, vel yfir 700 metrar,
og segir Agnar Þór að frá því í
desember hafi hann notað um eða
yfir 2000 lítra af olíu í mokstur
hennar. Nánast hvern dag hefur
heim reiðin verið mokuð og allt upp í
þrisvar sinnum á dag, að morgni, um
miðjan dag og aftur síðdegis. Agnar
telur að sloppið hafi til með mokstur
í 7–8 daga síðustu 4 mánuði. Börn
þurfi að komast í og úr skóla og
þá hafi þau hjónin, hann og Birna
Tryggvadóttir, sem reka hrossabú
á Garðshorni, haft fólk í vinnu sem
þarf að komast til og frá.
Langþreyttir á ástandinu
„Þetta hefur verið gríðarlega mikil
vinna og það eru fleiri en ég orðnir
langþreyttir á þessu ástandi. Þetta
hefur verið óvenjulegur vetur og
erfiður. Því miður sér ekki fyrir
endann á honum, spáin næstu tvær
vikur er nú ekki til að hrópa húrra fyrir.
Þetta er því ekki búið,“ segir hann.
Kostnaður við mokstur heimreiða
í sveitarfélaginu lendir á hverju og
einu býli og hefur eflaust sjaldan
verið meiri. Búið á Garðshorni hefur
varið vel yfir 400 þúsund krónum í
snjómokstur síðustu fjóra mánuði.
Agnar Þór segir að vissulega horfi
menn til vorsins og að veður verði
skaplegra. „Það verður auðvitað
mjög gott að fá frið fyrir enda lausum
snjómokstri, en samt er staðan
þannig að maður er temmilega
spenntur fyrir því sem í ljós kemur
þegar snjóa leysir,“ segir hann.
Síðast sást í girðingar á svæðinu í
kringum óveðrið í desember og þá
blöstu brotnir staurar við. Síðan hafa
girðingar verið á kafi en búast má við
að umtalsvert tjón verði á girðingum
eftir að þær hafa legið í kafi í snjó
um langt skeið.
Má gera ráð fyrir kali
„Bændur eru ekki síður hræddir um
að ástand túna verði ekki sem best
þegar þau koma undan snjó. Það var
þegar komið frost þegar óveðrið í
desember kom og má gera ráð fyrir
að tún hafi legið undir klaka um
langa hríð. Fátt bendir nú til annars
en að við munum þurfa að takast á
við afleiðingar kals í túnum þegar
vorar. Það hefur einnig í för með sér
aukakostnað, t.d. við jarðvinnu og
fleira, en á auðvitað eftir að koma
í ljós hvert umfangið verður,“ segir
Agnar Þór. /MÞÞ
FRÉTTIR
Landstólpi og Vélaval hafa farið í
sérstakar aðgerðir vegna COVID-
19 veirunnar og bjóða bændum nú
fría heimsendingu á vörum frá sér.
„Þetta er okkar framlag vegna
ástandsins og okkar leið til að þjón­
usta bændur, við erum jú öll saman
í þessu verkefni. Viðtökurnar hafa
verið frábærar og bændur kunna
greinilega vel að meta snertilaus
viðskipti, sem eru mjög mikil­
væg um þessar stundir,“ segir
Elsa Ingjaldsdóttir, gæðastjóri
hjá Landstólpa í Skeiða­ og
Gnúpverjahreppi.
Boðið er upp á fría heimkeyrslu á
öllum rekstrarvörum ef keypt er fyrir
30 þúsund krónur eða meira. „Að
sjálfsögðu hafa bændur áhyggjur af
stöðunni og fjölmörg dæmi eru um
að þeir hafi lokað búum sínum fyrir
gestum og gangandi. Við megum alls
ekki við að þeir veikist, það þarf jú
að halda áfram að fóðra skepnurnar
og huga að velferð þeirra,“ bætir
Elsa við. /MHH
Elsa Ingjaldsdóttir og Steingrímur Jónsson, starfsmenn Landstólpa, við
vörubretti bóndans á Núpstúni í Hrunamannahreppi, sem hann fékk sent
heim að fjósi með ýmsum rekstrarvörum fyrir búið. Hann hitti þau ekki,
heldur kom og losaði brettið eftir að þau voru farin. Mynd / MMHH
Snjómokstur heimreiða hefur verið óvenju mikill og kostnaðarsamur nú í
vetur. Heimreiðin að Garðshorni í Hörgársveit er góðir 700 metrar og hefur
nánast þurft að moka alla daga frá því óveðrið gekk yfir í desember. Stundum
þrisvar á dag. Um 2.000 lítrar af olíu hafa farið í moksturinn, kostnaðurinn
er yfir 400 þúsund krónur. Mynd / Agnar Þór Magnússon
Langur, erfiður og kostnaðarsamur vetur enn ekki að baki:
Þyrstir í vorið en temmilega spenntur
fyrir því sem þá kemur í ljós
– segir Agnar Þór Magnússon, hrossaræktandi á Garðshorni í Hörgársveit
Bláskógabyggð og nýr Miðhálendisþjóðgarður:
Garðurinn nær yfir 64,4% af sveitarfélaginu
Bláskógabyggð hefur látið útbúa
kort fyrir sig þar sem sést mjög
vel hvar fyrirhugaður þjóðgarður
á miðhálendi Íslands mun ná yfir
sveitarfélagið.
Eins og kemur fram á kortinu,
sem var unnið af Verkfræðistofunni
Eflu, mun garðurinn ná yfir 64,4%
af sveitarfélaginu. Töluverð and­
staða er á meðal sveitarstjórnar og
íbúa í Bláskógabyggð um stofnun
Miðhálendisþjóðgarðs, fólk vill
allavega fá miklu meira samráð
frá stjórnvöldum um málið.
/MHH
Fyrirhugaður þjóðgarður í Bláskógabyggð mun ná yfir meirihluta sveitarfélagsins og er töluverð andstaða við þau
áform á meðal íbúa og sveitarstjórnarmanna.
„Frí“ heimsending
vegna COVID-19
Hulda Brynjólfsdóttir á baðstofuloftinu sínu þar sem hún er með verslun
og þar eru líka haldin prjónakvöld sem hafa slegið í gegn.
Mynd / Magnús Hlynur Hreiðarsson
Uppspuni í Ásahreppi:
Prjónakvöldin hafa
slegið í gegn
Hulda Brynjólfsdóttir hjá
Uppspuna í Ásahreppi hefur
staðið fyrir prjónakvöldum þriðja
fimmtudagskvöld í mánuði yfir
vetrartímann, sem hafa slegið
í gegn. Kvöldin eru haldin á
baðstofuloftinu hjá henni í
húsnæðinu þar sem hún vinnur
úr íslensku ullinni með sínu
starfsfólki.
„Það hefur verið prýðilega mætt
á þessi prjónakvöld og þótt loftið sé
lítið þá komast ansi margir þar fyrir.
Það hefur reyndar verið ótrúlega oft
gul eða appelsínugul veðurviðvör­
un þessi fimmtudagskvöld í vetur
en það hefur samt ekki dottið niður
prjónakvöld út af veðri. Það hafa þá
bara verið örlítið færri sem komast.
Næsta prjónakvöld er einmitt 19.
mars og þá verður kannski eitthvað
gert í tilefni tveggja ára afmælis bað­
stofuloftsins,“ segir Hulda.
Á loftinu er líka verslun, sem er
smá í sniðum, en þar er Hulda fyrst
og fremst með garnið sitt til sölu og
fleira áhugavert, sem tengist kindum
eða prjónaskap.
„Ég er svo heppin með ættingja
og vini að þar leynast ótalmargir
handlagnir aðilar sem búa til heima
hjá sér vörur sem eru í miklum
gæðum og einstakar á margan hátt.
Þetta get ég boðið til kaups á loft­
inu hjá okkur. Verslunin er opin frá
09.00 til 16.00 alla virka daga og 11
til 16.00 á laugardögum og er öllum
opin sem vilja koma við og skoða
eða versla,“ segir Hulda enn fremur.
/MHH
Bænda
bbl.is Facebook